مقامات يفهمها المربي وينتظرها من طائره

[ابوحيدران]

ياطيبين ويا اخوتي جئتكم ببديع التسبيح لهذا الطائر وتسطير جمال خلق الله

عله ينال شيئ من تعقيباتكم ورضاكم يهمني يا احبائي واجزم ان المربي المحترف يعلم قيمة الحركات والتغريد

[حماد الامارة]

بارك الله اخوي العزيز وبشرني اكو يمكم ببغداد بلابل افراخ لو بعد

[ابوحيدران]

تحياتي الاخ العزيز حماد الامارة على المرور والتحيه

موجوده الان بس اسعار معلكه بين العشرين والخمسه عشر دولار

مصايد الاسعار مره داخل واحد على السوك وطالب ومره

واحد يبيع باي ثمن على العموم بدا السوق يعرض الافراخ من جمعه الى جمعه كما تعرف سوق الغزل

اطيب التحايا وناطرين جديدك انت والاخوان عايفيني وحدي وصار زمان موملاحظ بونواف ولا فراس انشاء الله اخبارهم زينه

فراس حميد الله يكون بعونه اخوه مسوي عمليه خارج العراق وندعوله بالخير....له ولبو نواف

[حماد الامارة]

اولا اخي ابو حيدران السلام عليكم والسلامة لخونا فراس ولكل مسلم والبلابل الافراخ هم عدنا بالبصرة غالية سعرهن 13 دولار بس انا موصي وبلكت احصل لان بلابل الربيع توب وذكية

[المرعاش]

السلام عليم ورحمة الله وبركاته انا من العمارة وانا بعد موصي على افراخ بلابل بس بعد ما بين شيئ واذا كان اكو شيئ ابلغ الجميع لعله يستفادون . سؤال الى الاخوة من اصحاب فكرة الجمعية العراقيية للطيور وين صار المقترح. سلامي للجميع

[ابوحيدران]

السلام عليكم ورحمة الله وبركات

الف هلا والف تحيه للاخ المرعاش من

العماره نعم اخي الان بدأ نزول الافراخ وتباعا

ينزل سعرهم التلويح الان في بغداد للاسعار

بين

العشرين والخمسه

وعشرين عراقي

والجميع راغبن يقتنوا واهلا بك بين اخوانك العراقين

في هذا المنتدى واخوانك العرب جميعا ....واي

شيئ تحتاج من سؤال واستفسار الكل

اسره لاتبخل .....بأبداء
بالجواب...

[kasim_7]

السلام عليكم اخويا ابو حيدران

والله روعـــــــــــــــــــه و اسف على تاخري عليك لين جنت مسافر

تقبل تحياتي

[ابوحيدران]

اخي انت الاروع ومقدرين ضروفك لان الان كما عرفت انها

صعبه مما عطلتك بعض الشيئ عنا ولكن في القلب اخ قاسم