مشكلة في بيض الزيبرا

[INTER]

السلام عليكم

أخواني أنا عندي زيبرا باضت من حوالي ست أو سبع أيام

المهم أنه صارت لي مشكلة

البيض يلتصق بالعش ويكون ثابت وقلت عادي لكن كانت فيه أربع بيضات والآن وحده بس كلها تكسرت لما تحاول الأنثى تحركها من مكانها تتكسر لان الجزء السفلي ثابت بالعش

ياليت تفيدوني بالحب المناسب وتفيدوني هل المشكلة من الأنثى أم أن البيض ضعيف ام من مواد التعشيش

مواد التعيشيش كانت خيوط الخيش

أتمنى تفيدوني اخواني

[INTER]

وعندي طلب اخواني اتمنى ما ترودني فيه

أبيكم تعطوني مقاسات العش المناسب لطيور الزيبرا

لاني كلمت محل نجار راح يسوي لي عش بــ 15 ريال من أختياري والشكل اللي أبيه لان العش اللي أنكسر بيضها فيه ما كنت مقتنع فيه من أول أحس أنه صغير بس بيضت فيه وش أسوي

وسؤال أخر

لو لا قدر الله وفسدت أخر بيضه وش أسوي عشان أجهزهم للعش الثاني بطريقة أفضل ويكون الأنتاج أفضل من أول ؟ وكم أريحهم فترة ؟

[lewi]

Salam

التصاق البيض بالعش يعني وجود كسر في البيضة من الاسفل ووجود تسرب لمحتويات البيضة مما يجعلها ملتصقة بمواد التعشيش. وقد يعود السبب لضعف قشرة البيضة بسبب نقص في الكالسيوم او لكثرة حركة الانثة مع اني ارجح السبب الاول.
الافضل الان ازالة العش واعطاء الانثى اسبوعين من الراحة مع تزويدها بلبيض المسلوق وقشره 4 ايام في الاسبوع. ومن ثم اعادة العش الى مكانه.
حجم العش المناسب هو 11*11*11 ويكون على شكل صندوق خشبي مع فتحة من الامام بارتفاع 6 سم.
بالتوفيق