ساعدونى بالله عليكم عصفورى مااااااااااات

[rere_love]

السلام عليكم ورحمة الله وبركاته

انا كنت منزلة موضوع من اسبوعين تقريبا بقول فيه عن ما هى اعراض ان العصفور يكون عجوز او مسن لأنى كنت شاكة ان عصفورى سنه كبر
وزى ماتوقعت مات العصفور ..
بس المشكلة مش فى كدا المشكلة ان العصفورة بتاعته راقدة على بيض والمفروض بعد 4 ايام ميعاد فقس البيض والعصفورة من ساعت ما عصفورها مات وهيا كل شوية تفضل تصوت
وتخرج من العش وتعمل صوت فظيع اكنها بتنادى عليه او بتصوت مش عارفة ياجماعة انا حزينة اوى عليها بجد وخايفة يجرالها حاجة بالذات ان العصفور كان بيساعدها فى تأكيل الصغار وكانت بتبقا تعبانة وهوا بيساعدها امال اما تبقا لوحدها هتعمل ايه
انا خايفة افقد العصفورة جدااا او خايفة انها متقدرش تعتنى بالصغار لوحدها
سؤالى ياجماعة هل اشترى لها عصفور دلوقتى يساعدها ولا امتى بالظبط ياريت تفيدونى عشان انا مش عارفة اعمل ايه وشكراااااااااااا

[amr_moh]

هل اشترى لها عصفور دلوقتى يساعدها

اوعي تعملي كدة دلوأتي لأن الذكر الجديد سيحطم البيض إما ستقتله الأنثى ليس عليك سوى الإنتظار وعدم إزعاج الأنثى وبعد الفقس تقديم وجبة البيض بشكل يومي لإعانات الأنثى .. ممكن شراء ذكر وفصله في قصف وحده لتجهيزه للعش القادم بعد فطام الصغار إنشاء االله وربنا يعوضك في الذكر السابق

[delpiro5]

هل اشترى لها عصفور دلوقتى يساعدها

اوعي تعملي كدة دلوأتي لأن الذكر الجديد سيحطم البيض إما ستقتله الأنثى ليس عليك سوى الإنتظار وعدم إزعاج الأنثى وبعد الفقس تقديم وجبة البيض بشكل يومي لإعانات الأنثى .. ممكن شراء ذكر وفصله في قصف وحده لتجهيزه للعش القادم بعد فطام الصغار إنشاء االله وربنا يعوضك في الذكر السابق

+1 معاك فى الكلام ده بشده

لأنهم مش اولاده فهيضرهم جامد والأنثى هتدافع عنهم فهتحصل مشاكل ملهاش اى داعى

-----------------------------------------------------

ياريت لو عندك زوج تانى عنده بيض او صغار تحاولى تحطى تحتهم شويه من الصغار الى عند الأنثى بتاعتك علشان تخفى الحمل عنها شويه
يا اما تساعديها انتى عن طريق تقديم الأكل المناسب لها او بانك تأكلى الصغار يدويا


وربنا يعوض عليكى خير ان شاء الله

[rere_love]

شكرااااااااااااا جداااااااا ياجماعة على ردودكوا ومساعدتكوا بس انا عاوزة اعرف ازاى اعمل وجبة البيض بالبقسماط دى عشان انا عملتها قبل كدا ومأكلوهاش والعصفورة كانت بترميه برا فى القفص فياريت تقولولى اعملهم الوجبة دى ازاى
وشكراااااااااااا لكل اللى ردوا عليا

[الباشق البغدادي]

هل اشترى لها عصفور دلوقتى يساعدها

اوعي تعملي كدة دلوأتي لأن الذكر الجديد سيحطم البيض إما ستقتله الأنثى ليس عليك سوى الإنتظار وعدم إزعاج الأنثى وبعد الفقس تقديم وجبة البيض بشكل يومي لإعانات الأنثى .. ممكن شراء ذكر وفصله في قصف وحده لتجهيزه للعش القادم بعد فطام الصغار إنشاء االله وربنا يعوضك في الذكر السابق

كلامك منطقي يا غالي , .................. لكن بصراحة ليس دائما , بل انا من الناس احل مشكلة كهذه بان ازوج الانثى حااااااااااالا بعد موت الذكر لذكر بالغ سبق له الانتاج , تأمل الشرط ان يكون قد سبق له الانتاج , فسيطعمها هذه الايام الاربعة , ولمدة اربعة ايام اخرى هي لن تسمح له بدخول العش لانها هي التي ستطعم الافراخ اولا ومن جهة اخرى انها تبقى تستغربه بعض الشيئ لانه لم يلقحها , خلال هذه الفترة يكون الذكر قد اعتاد على الوضع ويبدأ باطعام الافراخ معها ,
عزيزي احيانا يحدث معي اكثر من ذلك , وهو ان الذكر اذا ما انتج افراخا للتو وخاف من اقترابي من القفص اسرع بالدخول الى العش لحماية الافراخ واذا ما حاولت النظر اليه وجدته يطعمهم في وقت المفروض ان الانثى هي فقط من تطعمهم , فالذكور ليسو كلهم سواء .
والله سبحانه اعلم .
اختي صاحبة الموضوع , اسال الله ان يخلف لك خيرا فيما عندك .

[rere_love]

شكرا جدااااا لردك بس انا خايفة اجازف واحطلها ذكر بدل اللى مات وهستنى اما الصغار يكبروا ان شاء الله
بس محدش رد عليا فى طريقة البيض بالبقسماط؟؟؟؟؟؟؟

[بكر]

والعصفورة من ساعت ما عصفورها مات وهيا كل شوية تفضل تصوت

مع ان الوضع محزن و لكن هذه الكلمات اضحكتني و تخيلت الانثى و هي ماسكه فوطه و بتصووووووت يا لهوي
على كل حال هذا حال الدنيا الله يعوض عليكي بذكر احسن من اللي مات و موسم افضل تقبلي مروري و السلام عليكم

[delpiro5]

مع ان الوضع محزن و لكن هذه الكلمات اضحكتني و تخيلت الانثى و هي ماسكه فوطه و بتصووووووت يا لهوي

---------------------------
تفضلى اختى هذا الموضوع فيه طريقة عمل البيض بالبقسماط


viewtopic.php?t=29160

[rere_love]

والعصفورة من ساعت ما عصفورها مات وهيا كل شوية تفضل تصوت

مع ان الوضع محزن و لكن هذه الكلمات اضحكتني و تخيلت الانثى و هي ماسكه فوطه و بتصووووووت يا لهوي
على كل حال هذا حال الدنيا الله يعوض عليكي بذكر احسن من اللي مات و موسم افضل تقبلي مروري و السلام عليكم

بجد والله العصفورة شكلها مقطع قلبى جداااا هيا كانت بتخرج كل يوم اول ما الشمس تطلع وتقف مع العصفور دلوقتى بتطلع من العش تفضل تطلع صوت اكنها بتناديه او حزينة عليه والصوت بيبقا عالى جداا بجد تحزن
شكرا لردكوا بس انا حزينة اوى بجد وان شاء الله اجيبلها عصفور بس ولادها يكبروا ادعولى انها تقدر تتحمل الفترة اللى داخلة عليها وتعدى على خير
وشكرااااااااااا جداااااااااا ليكوو

[delpiro5]

إن شاء الله هتبقى بخير


ربنا يبارك لك فيها