ابوفهد مهند ابو رامي تعالوا شوفو لي حل مع هالكناري

[ابو ابراهيم]

بسم الله الرحمن الرحيم
السلام عليكم ورحمة الله وبركاته
ياجماعة انا يصدق علي قول يامن شرى له من حلاله عله
يعني انا كان كل طموحي بالحياة ببغاء او كوكاتيل او بادجي او بلبل يوقف على ايدي والسلاااااااااااام وكنت بهالمجال ماشي ولله الحمد
الين ماجت ذيك الليلة السوداء الي قررت اربي كناري
شريت جوزين كناري وكانوا يغردون زي الفل
اكتشفت ان الي صاروا يغردون ثلاثة يعني صار عندي ثلاث ذكور
قلت يابو براهيم هونها وتهون واروح وارسل اخوي يشتري لي انثى ثانية ووصيته تكون جاهزة
ماقصر ابو صلوح وجاب انثى جاهزة خطر تبيض بيدك بس فيها عاهة وان احد رجليها مافيها اظافر
قلت سبحانه يجعل سره بأضعف خلقه
قمت وحطيت الكنارات باقفاص وكانن يغردن ولا عبدالحليم
ورحت انا لجدة اشوف شغلي
رجعت هالاسبوع والكنارات مدري وش جاهن
واحد يحتريني اطلع من البيت ويغرد على قولت اهلي
والثاني يغرد خمس ثواني ويسكت
ووحده من الاناث تستهبل تنقل خيوط للعش وبعدين ترجع ترميه بالارض
الين ماقررت اني اجيب ساكتون والصقهن بالجدار وارميهن كلهن
طبعا سويت تحرياتي طلعوا الاهل الله يجزاهم خير مايقصرون يعطونهن تفاح كل يوم مدري اذا كان له سبب في برودهن ؟
المهم وش رايكم اقدر اسوي لهن عشان اقدر اتقدم خطوه الى الامام باتجاه تفريخ لو فرخ واحد اسولف فيه الين اموت
اعطيهن جرجير كثير
والا بيض مسلوق
والا وش اسوي بالضبط ؟
بانتظار ردودكم على احر من الجمر
و
شكرا لكم

[أبو فهد]

وعليكم السلام ورحمة الله وبركاته ..

أبو ابراهيم ابدأ معهن الآن من جديد ..

يعني جهز الأنثى والذكر من جديد .. ليكن الذكر في قفص والأنثى في قفص ولا يرون باقي الأزواج ..

ابدأ باطعام الأنثى البيض .. والذكر من يوم والثاني جرجير ..

واعط الانثى مواد بناء العش وانتظر إلى أن تلف العش وباسم الله ..

[المهند]

وعليكم السلام ورحمة الله وبركاته ..

أبو ابراهيم ابدأ معهن الآن من جديد ..

يعني جهز الأنثى والذكر من جديد .. ليكن الذكر في قفص والأنثى في قفص ولا يرون باقي الأزواج ..

ابدأ باطعام الأنثى البيض .. والذكر من يوم والثاني جرجير ..

واعط الانثى مواد بناء العش وانتظر إلى أن تلف العش وباسم الله

انا مع ابو فهد

يفضل ان تبعد التفاح حاليا عنهم


اهتم باعطائهم البيض المسلوق ربع بيضه في الصباح وربع بيضه في المساء


على ان تزيل بقيا البيض بعد اربع سعات


ورفع الانارة الي الساعه 9:30 ووقت التفريخ يكون 10 او 10:30 كحد اقصى


والجرجير والخس تزيد حموة الذكور


ورفع الاقفاص عن الارض متر ونصف


بحيث تكون الاقفاص بعيده قدر الامكان عن الازعاج وخاصه الاطفال

[عبده أبو سير]

ارى الأمور طبيعية.
فهي كانت حادة التغريد وعند وجود الأنثى ارتاح بالها شوية.
يمكنك ان تجرب ان تبعد الأنثى عنهم ستجدهم اشتد تغريدها.
وهذا لا يحدث مع كل الذكور, بالنسبة للتفاح يمكنك ان توقفه وان تزودهم بالأوراق الخضراء.
تصرفات الأنثى مع الخيوط ايضا طبيعي, ففي البداية ستتصرف هكذا لكن عند الجاهزية الكاملة ستجدها ستبدأ بالبناء الفعلي.

[المطر]

ياسبحان الله
كناريات عجيبه
ولله في خلقه شؤون
فعلا الكناري يبي لها خبره ..

[ابو ابراهيم]

مشكورين اخواني على ردودكم

اولا احس اني ما زبطت المسائل على النحو المطلوب
والسبب اني حاط الذكرين في جهة وفي الجهة المقابلة حطيت الاناثي
يعني كلهن يشوفن بعض

هالشي له مضاره والا لا ؟

[الطــــ 1 ــــير]

السلام عليكم اخوي ابو ابراهيم

بالنسبه للذكور أتمنى انها ماتكون مشحمه يعني وزنها زايد عن حده

لان فترة غيابك وعلى قولتك اهلك متوصين فيهم يمكن الذكور شحمة من كثر الاكل .

واذا شحم الطير قل تغريده

أما الاناثي عادي تلف العش وتشيله
ولاتحط الاناثي مقابل الذكور حط كل انثى تبي تزوجها بذكر قريبين من بعض بحيث انهم مايشوفون الطيور الثانيه أو حط قطعة كرتون على جانب الشبك بحيث الذكر يقدر يشوف الانثى في شبكها وتسمع تغريده والانثى ماتشوف الا هو .

هذا والله أعلم
وأرجو لك انتاج جيد

[دبدوب خجول]

احم احم {{{ يوم سمع كلام الشباب اغمى عليه وانا اقول ليه البيض مو مخصب عندي . انا معلقهم بالجدارن زحمه وكلهم يشوفون بعض. اجل هنا المشكله لازم كل ذكر وانثى مايشوفون البقيه؟ علشان يطلع زواج رسمي؟{{{ اما رسمي مادري من وين طلعت

[أبو فهد]

[بوحمد]

بدون تعليق