ندمت اني تركت الهواية

[saracat]

السلام عليكم ورحمة الله وبركاته

احنا كلنا هنا أسرة واحدة وحبيت أخرج اللي جوايا عشان ارتاح شوية أنا كان عندي الموسم الماضي أربعة أزواج وكلهم كانوا منتجين وكانوا أحجام وألوان مميزة وللأسف بعتهم كلهم في الصيف مش عارفه ايه اللي خلاني أعمل كده وحبيت الموسم ده اني أجرب طيور الحب أشتريت زوج والأنثي باضت سبع بيضات لكن كلهم غير مخصبين فغيرت الذكر ومحصلش توالف وبعتهم وأنا محبتش أصلا طيور الحب بيخافوا من الانسان وحتي محستش في المنتدي ان احنا أسرة واحدة وعايزة دلوقتي أرجع تاني للبادجي بس للأسف ملقتش الألوان والأحجام اللي أنا بتمناها

نصيحة لكا واحد ربنا يوفقه في طيوره انه عمره ما يفكر انه يستغني عنها عشان هيندم بعد كده وهيحس انه فقد أحسن حاجه عنده هي اللي كانت بتفرحه وبتنسيه أي هموم

[delpiro5]

فعلا المفروض الواحد يتمسك بالشئ الى بيفرحه وينسيه الهموم , وربنا يوفقك ان شاء الله فى انك تلاقى طيور تعوضك عن طيورك الى تركتيها


بالتوفيق إن شاء الله

[saracat]

شكرا جزيلا أخي delpiro5 وربنا يباركلك في طيورك

[ابو جميلة]

مرحبا بعودتك للبادجى اختى الفاضلة وان شاء الله تلاقى اللى بتتمنيه مع انك راجعة فى فترة الاسعار فيها عالية بالنسبة للمواصفات المطلوبة لكن ان شاء الله نقدر نساعد ونهديكى اول زوج للبداية القوية ان شاء الله والله الموفق

[saracat]

جزاك الله خيرا أستاذنا الفاضل ومشرفنا القدير أبو جميلة وربنا يباركلك

أنا حسيت اني رجعت لأسرتي وان شاء الله مش هبعد تاني

وفعلا الأسعار دلوقتي عالية أوي بس مش مهم الفلوس أنا نفسي أعود للهواية تاني معقول يكون أول زوج من عند حضرتك ياريت

شكرا جزيلا وبجد أنا فرحانة أوي ربنا يباركلك يارب

[amr_moh]

عودٌ أحمد

[samehzizo55]

نورتي القسم
اهلا بيكي معنا من جديد

[سما مسلمه]

ربى يعوضك خير يارب

ومش هتندمى لو اول زوج من عند مشرفنا الفاضل

ربنا ييسرلك امرك يارب

[saracat]

شكرا جزيلا اخي عمرو

وأهلا بيك أخي سامح والقسم منور بيكوا

وأختي سما ربنا يباركلك يا رب وأكيد مش هندم لو أول زوج من مشرفنا القدير أبوجميلة

[الباشق البغدادي]

عودا احمدا , وزرقا ابركا ان شاء الله , والله يا اختي شكلي انا من الناس محتاج لهالنصيحة , لاني عم فكر هالايام بهالشي , بس انا يمكن معزور كرمال انو ماعنا مكان في الشتا الا جوات الدار بغرفة , والشتا عنا طويل وين نحنا وين شهر آذار لارجع للانتاج , ومافيا انتج جوات الدار لانو ريحة وغيرو , وفوق هاد كلو مافي تصريف يعني بيع , صدقي الي مابيدياه بعطيه هدية او اغيرو بطير آخر لحتى ادخل دماء جديدة .... وتخيلي !!