كيف الحال
البارح سجلت بهالمنتدي الجميل <<<<< اول مره يعجب او يسجل بمنتدى
المهم مالكم بالطويل ان هالمنتدى اعجبني وقلت اعرض صور حمامي واستفسر عن حمام الزينه
لان هالحمام اللي عندي عدده حوالي 100 وجاني هديه ولاعندي خبره كبيره بالحمام
المهم نبدا بالاسئله علشان الصور حوالي 80 صوره ونزلت بهالموضوع فقط 40 وان شا الله الاربعين الاخرى بموضوع اخر
السوال الاول
ايش افضل حبوب او اكل للحمام لان ماعندي الا شعير و حبوب مشكله ولما اعطيها شعير وحبوب مشكله بنفس الوقت تاكل المشكل وتخلي الشعير
السوال الثاني
علاج الصرع اللي هو يخلي الحمامه تدور راسها كثير وتقلب ...كان علاجي اني انتف ذيل الحمامه كامل مع نتف 10 ريش من كل جناح كان بعض الحمام يتعالج ويرجع لطبيعته اما الاغلب يزيد عليه الصرع
السوال الثالث
بعض الحمام تنسد شهيته ولا ياكل لين يموت مع الاسهال وعندي حبوب اخذتها من الصيدليه كانت تجيب بعض المرات نتائج حلوه وبعض المرات ماتسوي شي
السؤال الرابع
ان نص او اغلب حمامي مايبيض ولا يفكر يبيض اصلا من يوم تنولد لين تموت وهي زي ماهي ..ازاوجها ولا يفيد.. اعزلها بشبك لحالها مايفيد برضه
ممكن 6 او 7 ازواج تبيض وتفرخ اما حوالي 45 زوج ماتفكرشي اصلا
السؤال الخامس
ابغى اعرف الفرق بين الذكر والانثى.. بعض المرات تكون متشابهه بالحجم
ابغالي اي وصفات يعني سريعه تفيد الحما او مثل ماتقولون متوفره بالبيت مثل الثوم او الليمون او خل التفاح <<< لاني سمعت انه يفيدها بس على وش يفيدها مدري
لان كل ماروح لها فقط اعطيها مويه واكلها شعير ومشكل وامشي
اســـــــف على الاطاله واعذروني
لاني والله منقهر كل يومين وحمامه تعجبني تموت ولا اقدر اسوي لها شيبسم الله نبدا بالصور <<<<< اول مره ينزل صور اعذروه
ما شـــاء الله
وهذا الرقاص اللي لا هو هندي ولا امريكي مدري وشو رافض التبييض
يسمونه عراقي زوجته ماتت
كانت نفاخ <<< ماكان يحبهاشيرازي
ريحاني
لا اعلم ولا يعرفون
يسمونه يا قطمي يا صفاق والله اعلم
امه وحده سمينه كثير يسمونها مصريه وابوه شيرازي
بخاره او بخاري
هذا بالذات اكرهه لما امسكه يسوي خريطه العالم بيدي يسمونه فوطه او فرنسي <<< اكيد يتعاطى منشطات
صفاق يحبني له
كنق احسن مافيه مايفك عياله الا لما يعلمهم السواق ويصيرون رجال يعتمدون على انفسهم
شيرازي هذا الزوج من يوم كانو فراخ لهالحين مافارقو بعض ومن يوم عرفتهم مابيضوا
من نفس العايله مايبيضون مثل الزوج اللي قبله ابوهم وامهم صار عليهم حادث وماتو وانقطعت زياده الشيرازي عندي
هذا الشخصيه حق حمامي متكبر ما يبي يتزوج رفض رفضا شديدا كم مره حبسته مع انثى ملكات جمال لكن رفض :evil: <<< حاقد عليه
ما شا الله عليه قوه تبييض وقوه تفريخ لكن مشكلته يفك عياله بالشوارع وهما صغار ولا يتحملون البيئه ويموتون
هذا من حبي له لما يبيض احبسه هو وزوجته لحالهم لين يكبرون عيالهم
هذا الكنق الذكر او انثى لاني كنت احسبه ذكر لين شفت الشيرازي يعمل حركات وراه
كان يا مكان هذا الزوج معه انثى نفس اللوك وكانوا عايشين بسعاده وهناء وكانت حياتهم بيض وفروخ لين مرضت المسكينه وماتت وزوجته بانثى قصتها مثل قصته لكن الى الان وهما عايشين بحزن لا يبيضون
صفاق اخر
مدري وش اسمه ياروماني يا فراشه معرفش لكن الحقوووووووووني تروها مريضه ماتاكل وجسمها ضعيف
هذا احسه شايب وللحين ما بيض
بخاره اخر حتى هو رافض
زوج المريضه
عندي ثلاثه من هالنوع يقولون اسمه صيني لكن ماله حس ولا خبر ولا يتكلم والوانهم تتشابه ولا ادري الذكر من الانثى
حساوي مع اني ما احب شكله بس وش نسوي هديه
هذا يقولون انه لحام ويربي عياله احلى تربيه ولكن الى الان لم ...... اكمل الفراغ
هذي يقولون ياهنديه ياباكستانيه وتكثر الاشاعات ومتزوجه رقاص اسود
فوطه اخر <<< تم عزله مع زوجته لعل وعسى يقضون شهر عسل جيد
ريحاني
هذا يعجبني شكله لكن مايبيض ولا اعرف هو بخاره لكن البخاره اللي عندي الابيض اكبر منه حجما
هذا نص حمامي ويمكن اقل لاني اخترت الاجمل والموضوع الثاني ان شا الله بختار لي كاميرا احسن وبصور الباقي
واعذروني على الاطاله وكثره الصور وياليت تقبلوني صديق معاكم بهالمنتدى الحلو
