مرض اصاب البادجي لدي وهو

[abolol]

اخواني في الموقع سلام من الله عليكم ورحمه منه و بركات اليوم رايت مرض غريب اصاب طائر بادجي الا وهو ارجاع الطعام الماكول من الفم ويستمر بهذه الحاله حتى لو فرغت الحوصله ممكن تساعدونا بمعرفة هذا المرض وماهو علاجه والشكر الجزيل الكم ياورود الموقع اخوكم ليث الكناني

[الباشق البغدادي]

عيني ليث هذا بسبب اما انه تناول اكل قديم , وغالبا ماتكون خضراوات تعبانة مو تازة , او يكون حالة من حالة تعب الامعاء , فحاول تلاحظ البراز - تكرم - اذا كان لونه اسود او سائل او غير طبيعي فهذا مرض معوي , اما اذا كان طبيعي مجرد قيئ فالمسألة اسهل من الاولى , على كل حال , ابعد عنه الخضراوات وانطيله بس خلطة الحبوب وخليه بمكان دافي وحاول لاتخلي يتحرك هواي ويلعب لان حيتعب , بهالوقت تكون حضرت لتر مي وعصرت عليه نص ليمونة صفراء كبيرة , وقطعت فص ثوم كبير وهرسته زييييييين وخلطته ويا المي وتصفيه وتخليلهياه بدل مي الشرب لمدة خمس ايام , بس باوع اذا شفت للطير ديتعب وعيونه سادهة ونافش ريش الاكتاف والظهر فاسحب بالسرنجة 2 ملم من مي الليمون والثوم واحقنها بالحصولة مالته مباشرة , طبعا السرنجة انت حترفع النيدل مالتها وتخلي مكانه صوندة ولف بايسكل وتثبتها زين ... وخلي للطير يرتاح بمكان دافي .
بالتوفيق .