هل هذه الانثى مريضة ام لا؟

[SpeeChLesS]

السلام عليكم

في استفسار صغير بتمنى القى الجواب الشافي لديكم

اشتريت انثى بادجي من سوق الجمعة , لكن حالتها سيئة جدا

لأني عم شوفها هزيلة جدا واجنحتها نازلة لتحت ما ئادرة ترفعهم
وما عم تاكل - قليييل جدا - يعني مرة باليوم , ف حاولت اقربلها الأكل لجمبها لإلا تتعذب وتنزل ف أكلت بس كتير قلبل

وحطيتلها بالمشربة ( خمس نقط ) من عبوة مكتوب عليها مضاد التهابي عام - منشط عالي التركيز
لونو اخضر ريحتو مثل شراب السعلة


واللي مخوفني انو لون منقارها يميل إلى الأزرق او البنفسجي


لدي ذكر وحيد , فهل إدخلها عليه او انو في احتمال تعديه ؟
وماذا علي ان افعل !!! ؟








بالنسبة لبرازها , عادي لكنه مائل للخضار شوية
ولا يوجد شيء حول فتحة الشرج ولا يوجد سائل لزج على الانف

[الباشق البغدادي]

!!!!!!!!!!!!!1
خليني ابلش معك بعلامات تعجب ... ازا كانت حالتا مو عاجبتك ليش اشتريتا لكن ؟!!
بعدين مو باين عليها انا مرضانة بنوب !!! ما شاء الله باينة طبيعية وصحتها حلوة .... وهي كمان حلوة تبارك الله ..

بعدين ازا هاي بتقول عنا نحيفة ياتقبرني لكن الناصحة عنك كيف يكون شكلا ؟!!!بخزي العين ..
ما فيها شي ان شاء الله , توكل على الله ودخلا ع الذكر , وعادي انا مابتاكل كتير لانا لحالا .
حطلا مي بليمون وثوم لمدة خمس ايام قبل لاتدخلا ع الذكر ..
ورايح عدلك العنوان من شان ما تنق ع هالحلوة .... ماشاء الله عليها .

[SpeeChLesS]

كما انها تجلس كثيرا وهي نافشة ريشها
ومن الجدير بالذكر انها باضت في ارضية القفص في اليوم الثاني من لما اشتريتها
وكسرت البيضة فوجدت داخلها صفار وبياض ,

[الباشق البغدادي]

صحيح بالله ؟!! لقيت في البيضة صفار وبياض ؟!! هههههههههه لكن شو كنت متوقع انك رايح تلاقي تلفزيون ملون وغسالة ولا شو ؟!!هههه
عزيزي هاي الانثى معناتا كانت بدا تبيض فباضت , يعني مش شغلة بس هلا انت بتجيب لتر مي وبتعصر عليه نص ليمون كبيرة , وبتهرس معو فص ثوم كبير وبتصفي المي وبتحطلا هالمي لمدة خمس ايام , وبتحاول يكون المكان دافي لان الانثى لما بتبيض بدون عش بتتعب .... ماشي ؟ومابتحطلا خضراوات هلا , لا بس الحبوب , وبعد هيك بتصير تحطا مع الذكر .
بالتوفيق .

[SpeeChLesS]

!!!!!!!!!!!!!
خليني ابلش معك بعلامات تعجب ... ازا كانت حالتا مو عاجبتك ليش اشتريتا لكن ؟!!

ما كنت منتبه انو سوء الجمعة زحمة وعجئة ف ما انتبهت

بعدين مو باين عليها انا مرضانة بنوب !!! ما شاء الله باينة طبيعية وصحتها حلوة .... وهي كمان حلوة تبارك الله ..

شكرا كتير , بس لأنو ما عم تتحرك ابدا ابدا واجنحتها هزيلة وما عم تاكل كمان

بعدين ازا هاي بتقول عنا نحيفة ياتقبرني لكن الناصحة عنك كيف يكون شكلا ؟!!!بخزي العين ..

سلامتك خيوو , بس ما ئلت نحيفة , ئلت هزيلة انو تعبانة

ما فيها شي ان شاء الله , توكل على الله ودخلا ع الذكر , وعادي انا مابتاكل كتير لانا لحالا .
حطلا مي بليمون وثوم لمدة خمس ايام قبل لاتدخلا ع الذكر ..
ورايح عدلك العنوان من شان ما تنق ع هالحلوة .... ماشاء الله عليها .

طيب , رح اعمل هيك , وشكرا كتير ع رفع المعنويات لأني كتير كنت محبط

[SpeeChLesS]

صحيح بالله ؟!! لقيت في البيضة صفار وبياض ؟!! هههههههههه لكن شو كنت متوقع انك رايح تلاقي تلفزيون ملون وغسالة ولا شو ؟!!هههه
عزيزي هاي الانثى معناتا كانت بدا تبيض فباضت , يعني مش شغلة بس هلا انت بتجيب لتر مي وبتعصر عليه نص ليمون كبيرة , وبتهرس معو فص ثوم كبير وبتصفي المي وبتحطلا هالمي لمدة خمس ايام , وبتحاول يكون المكان دافي لان الانثى لما بتبيض بدون عش بتتعب .... ماشي ؟ومابتحطلا خضراوات هلا , لا بس الحبوب , وبعد هيك بتصير تحطا مع الذكر .
بالتوفيق .

يي لأ ئصدي انو يا ترى مخصبة او لأ , انو يمكن ازا فيها صفار معناها مخصبة , ما بعرف بس للعلم بالشيء

شكرا كتييييييير عالمعلومات , لح اعمل متل ما ئلتلي ,

[الباشق البغدادي]

بالتوفيق ان شاء الله , اما بخصوص البيض خليني احكيلك شوي عن البيض بتفصيل كرمال تصير هنك معرفة شاملة - باذن الله- ,
هلأ البيض كلياتو فيو بياض وصفار وغرفة هوائية من جهة الجزء العريض من البيضة فيها خزء زغير مابيبان ليدخل كمية هوا للبيضة للتنفس , البياض ( الزلال )عبارة عن اغشية ومادة لزجة بتحافظ على الفرخ قبل تكونو من الاصابة , بمعنى انها مادة حافظة للصفار والي بيسموه ( المَح ) وبعض الغذاء , الصفار بيكون ع شكل كرة صفراء فيها من احد الجوانب منطقة دائرية بتكون بيضاء اللون , هاي المنطقة هي المكان الوحيد يلي بئدر حيمون الذكر بدخل منا كرمال يلقح البويضة ( تأمل هون قلت بويضة بمعنى انا لساتا ببطن إما اما ازا باضتا بتتسمى بيضة ) فهلا يبلش الجنين بالتكون - بامر الله سبحانه - ويبلش من هاي النقطة ع شكل عرق دموي بسيط ( شريان دقيق ) فازا كسرة بيضة جاجة ولقينا فيا دم او قطعة لحم شو بنعمل ؟ .. بنصير نكب البيضة ع اساس انو فيا فرخ ميت !!! صح ؟ بس هاد مو مزبوط , ازا كان الدم ع هاي النقطة البيضة على الصفار معناتو انو فرخ ميت , واك هالبيضة حرام , بس ازا كان الدم بمكان تاني او قطعة لحم .. فهاد معناتو ان البيضة زاتا فيا دم وهاي شغلى في كتير من الطيور بتلاقيها واكتر شي بالدواجن , فما تكب البيضة لا تاكلا لانو مافيا فرخ ميت .
طيب هلا بلش الفرخ بتكون بتحول الصفار كلو لغذاء لهالزغير - يأبشني هههه - , وعهالاساس بيكون فحص البيض بعد ما بتحضنو إما بشي اسبوع لعشرة ايام - واسبوع بكفي - بفحصوا علمبة ضوء ليبين ازا كان فيو فرخ او لا , اما من اول يوم او تاني يوم , مو رايح يبين شي ...
ان شاء الله بتكون وضحت عنك الصورة .
بالتوفيق .

[SpeeChLesS]

يعطيك ألف عافية يا باشق , وعنجد شكرا كتير كتير

بس في سؤال أخير , وأنا آسف كتير ع سئالتي

انو انا عندي زوج ثاني , تحتهم فراخ , ماتو 3 وبقي 2

بس اللي فاجأني أنو اليوم شفت الذكر عم يلقح الأنثى !!
مع انو أكبر فرخ عمرو 20 والتاني 15 تقريبا
فهل ستبيض قبل فطام الفراخ !!!؟؟؟؟

[الباشق البغدادي]

طيب ليش ماتو هالتلاتة يابعدي ؟!! قصدي شو كان السبب بموتن ؟
اما شغلة تلقيح الذكر للانثى ... ازا شفتو كل يوم واكتر من مرة باليوم معناتوا اي راح يبضو ان شاء الله , اما ازا لا بس مرة ع الماشي مو معاتو , بس بظلك تدير بالك , ازا ماحبيت انن هلا يبيضو قيم الانثى واترك الذكر لحالو يطعمي الزغار .
موفق ان شاء الله .

[SpeeChLesS]

طيب ليش ماتو هالتلاتة يابعدي ؟!! قصدي شو كان السبب بموتن ؟

واحد شفتو بأرضية القفص عمرو كان كم يوم بس مدري ليه مات يمكن لأنو الأنثى اول مرة تبيض
والتاني يمكن الذكر قتلو , لأنو شفت ع راس الذكر دم
وفي بيضة ما فقست



عم عزبك معي يا باشق ,