أرجو الافادة و المساعدة

[أبو كفاح]

السلام عليكم و رحمة الله و بركاته

بداية احب ان اشكركم على هذا المنتدى الرائع المنقطع النظير بما يحويه من مواضيع و مشرفين ولا أروع بارك الله بكم جميعا

اخواني انا مربي بادجي مبتدئ جدا فارجو ان تتحملوني قليلا
لدي زوج باض ما شاء الله 7 بيضات
فقست البيضة الاولى في 3/1/2011 ليلا
و الثانية في 5/1/2011 ليلا
و الى الان لم تفقس البيضة الثالثة !!!!
يا ترى ما السبب ؟ و هل يعني ذلك ان بقية البيوض لن تفقس ؟
افيدوني جزاكم الله خيرا فانا من ليلة امس بانتظار الفرخ الثالث
دمتم في رعاية الله

[الباشق البغدادي]

السلام عليكم و رحمة الله و بركاته

وعليكم السلام ورحمة الله وبركاته

بداية احب ان اشكركم على هذا المنتدى الرائع المنقطع النظير بما يحويه من مواضيع و مشرفين ولا أروع بارك الله بكم جميعا

ياسيدي وفيك بارك الله , هاد بس من زوئك ياطيب , شكرا الك كتير ..... بلاش اصدق بحالي اني رائع هههه

اخواني انا مربي بادجي مبتدئ جدا فارجو ان تتحملوني قليلا

ولوووو تكرم عيونك , شرّف ياوردة وبتمون .

لدي زوج باض ما شاء الله 7 بيضات
ماشاء الله ... بخزي العين .

فقست البيضة الاولى في 3/1/2011 ليلا
و الثانية في 5/1/2011 ليلا

ههههههههه حلوة هاي تاعت ليلا , كانك عم تحكي عن حالة ولادة .... اي وشو كان المحروس صبي ولاشو ههه .

و الى الان لم تفقس البيضة الثالثة !!!!
يا ترى ما السبب ؟ و هل يعني ذلك ان بقية البيضات لن تفقس ؟

اي لا , مو معناتو انن مورايح يفقسو , لانو مرات بتمرق معنا شي بيضة هيك بتكون مانا ملقحة او فلتت من تحت اما بشي يوم وبردت وسلامتك مات الفصعون جواتا , بس هلأ بدك تنطر كل المدة الجاي وكانو البيض عم بيفقس شي ورا شي , وماتفكر بهاي طلعت وهديك لا , لحديت مايطلع يلي الله كاتبلو يطلع بعدين هيي الانثى بتصير بطعمي الافراخ وبطالع البيض الفسدان برات العش , يعني مابهمك انت شي خليك معن لاتقيم شي ولاتحط شي , وهي بتعرف شغلتا , دخيل اسمو يلي الهما ..... ماشي ؟

افيدوني جزاكم الله خيرا فانا من ليلة امس بانتظار الفرخ الثالث

عم بتخيلك بالليل والناس نايمين وانت قاعد حدن وعم تنطر ههههه , لا روح نام , والنا والن رب يلي مابينام ...
بس شوف ها ما بتخلي النور والع وضويان بالليل , لا اطفي عوقت معقول كرمان هن كمان بينامو , مو بتسهر وبتسهرن قال شو عم بنطر الاقبضاي ليطلع .... ماشي؟

دمتم في رعاية الله

يسلمو ع حسن المطلع وعلى طيب الختام , هاد الجواب , ونحنا جاهزين شومابتحب ياوردة .
مرحبتين .

[شريف علم الهدي]

اخي الكريم
كما قالك لك اخي الباشق البغدادي هذه ليست بحاله ولاده
اترك الأمر لصاحب الأمر ومتفتحش عليهم كتير عشان مترعبش الام وممكن تدوس عليهم وتموتهم لانهم لسه ميستحملوش لاسقعه ولا اي حاجه خالص
بارك الله لك فيهم

[أبو كفاح]

حبيب قلبي أخي الباشق البغدادي على مرورك الكريم و ردك المميز الف شكر لك
و الشكر موصول طبعا للاخ شريف علم الهدى على المرور العطر
بارك الله بكما

أخي الباشق ردك فعلا حلو و جميل وفيه حس جميل بالفكاهة و حبيت اقلك انا فعلا بنطرن متل يلي ناطر ولادة لانو هدول اول زوج بيفرخ عندي و ناطر على نار لشوف فراخن . ادعولي يا شباب

و بالنسبة للبيض بتصدق امبارح بعد ما كتبت الموضوع و سكرت رحت للقفص و شفت بقايا بيضة على ارض القفص يعني الحمد لله صارو 3 أفراخ
و يا فرحة ما تمت اليوم شفت انو رموا بيضة انا فكرت انو واقعة بالغلط رجعت دخلتها رجعت الانثى بعد شوي رمتها يبدو انو متل ما تفضلت انت انها فسدت منو العوض و عليه العوض و الحمد لله على كل شي .

أسأل الله العلي القدير ان يبارك لنا فيما رزقنا و يصلح امورنا و يهدينا سبل الصواب

دمتم برعاية الله

[الباشق البغدادي]

حياك الله وبياك , شكرا لك على دعائك الطيب , لنا ولكم بالمثل ان شاء الله .
بالتوفيق والبركة باذن الله .

[ابو جميلة]

اخى الحبيب اهلا وسهلا بك وسط اخوانك وربنا يبارك ويوفقك فى هوايتك ان شاء الله
واحب اعرفك ان الانثى لديك من النوع الذكى ما شاء الله و التى تتخلص من البيض الفاسد لكى لا يزدحم العش على الفروخ
وان شاء الله ستتولى الفروخ بعناية وتراهم فى احسن حال
والله الموفق

[amr_moh]

[سما مسلمه]

واحب اعرفك ان الانثى لديك من النوع الذكى ما شاء الله و التى تتخلص من البيض الفاسد لكى لا يزدحم العش على الفروخ
وان شاء الله ستتولى الفروخ بعناية وتراهم فى احسن حال
والله الموفق

ما شاء الله تبارك الله ربنا يباركلك فيهم وكلهم يفقسوا على خير

[boxster911]

مبارك