بخصوص تغذية البادجي ؟

[أبو كفاح]

السلام عليكم و رحمة الله

لدي زوج باضت الانثى للان بيضتان و الحمد لله و اقوم باعطائهم الحبوب و ايضا بياض البيض المسلوق و اليوم اضفت اليه القليل من الخس
فهل هذا الغذاء مناسب لهم في هذه المرحلة و تحديدا بياض البيض المسلوق و الخس ؟

ارجو الافادة و دمتم برعاية الله

[عرابة]

ابو كفاح .... مبورك البيض اول شي ههههههه وانشاء الله عقبال عند طيوري يبيضوا

بالنسبة للخس اعتقد باثر ... على العموم انتظر رد الخبراء وخاصة الباشق البغدادي رضي الله عنه وارضاه ... فجوابه كامل متكامل

[أبو كفاح]

ابو كفاح .... مبورك البيض اول شي ههههههه وانشاء الله عقبال عند طيوري يبيضوا

بالنسبة للخس اعتقد باثر ... على العموم انتظر رد الخبراء وخاصة الباشق البغدادي رضي الله عنه وارضاه ... فجوابه كامل متكامل

الله يبارك فيك اخي الغالي و يخليك و ان شاء الله تفرح بطيورك قريبا
و انا كمان متلك بانتظار الخبراء
شكرا لمرورك اخي

[الباشق البغدادي]

شكرا اخي عرابة , الله يرضى عنا وعنك , ويرزقنا واياكم الجنة من غير سابقة عذاب ولا مناقشة حساب .

اخي ابو كفاح , اي هدا الاكل منيح , بس شوف الخس هلا ماتكتر منو وحاول تستبدلوا بالجرجير , كرمال انو الجرجير بيكون منشط جنسي بالنسبة للذكر , وهلا هو باشد فترة التلقيح .... هاي وحدة ,
بعدين مسالة البيض المسلوق حلوة وماشي خليك معا ,
وازا كانت الانثى عم تطلع كتير وتلقح وتلعب , فيك تستمر باضافة الفيتامينات بمي الشرب , بس ساعة تنام الانثى ع البيض بدك ترفع الفيتامينات وتخلي ماكنا مي صافي وبس , لانو زيادة الفيتامين خلال فترة هي مابتتحرك فيا ممكن بيسبب تسمم لاالها , بس تظلك مع الحبوب بهديك الفترة .

ومن هون ياسيدي لحديت مايشرفو الزغار , فيك تدخل ع المواضيع المثبتة بالقسم , وكمان قسم المواضيع المميزة للبادجي , لتشوف شو بدك تعمل خطوة بخطوة , لانو في شغلات كتيييير حلوة ممكن تلاقيا هنيك .

بالتوفيق .

[الباشق البغدادي]

ابوكفاح ادخل عهالرابط , رايح تلاقي خير الله , مواضيع شوما بتحب وشوما بدك من تغذية وتربية وعناية :

https://www.canaryfans.com/forum/viewtop ... =6&t=45172

[أبو كفاح]

شكرا اخي الباشق بارك الله فيك على ردك الجميل و المفصل
بس عندي استفسار لو تكرمت :
ما حاجة الذكر للمنشط الجنسي فالتلقيح قد حصل و الانثى عم تبيض ؟؟؟؟
هل التلقيح يتم قبل وضع كل بيضة ام ان التلقيح يحدث لمرة واحدة لكل البيض ؟

اعذرني على جهلي فانا لسا باول الطريق و ان شاء الله بفضل الله و فضل الطيبين امثالك نقدر نقطع شوط بهذا الطريق المميز

[الباشق البغدادي]

لا يا اخي تكرم عيونك ولو ...
مو الذكر نفسو محتاج للمنشط , بس هالمنشط بعمل على زيادة حيوية الحيونات المنوية , وبالتالي نسبة التلقيح بتكون اكبر في البيض - باذن الله - , بعدين بالنسبة للتلقيح بيكون اكيد قبل وضع البيض لكن كيف بتبيض الانثى وبعدين بجي الذكر يلقح ؟!! لا بيلقح اول , وكل مرة تلقيح بتكفي لاكثر من بيضة وحدة , يعني ممكن ترفعوا للذكر او تغيرو والانثى بتبيض بعد ما رفعتوا بشي يومين وتلاقي البيضة ملقحة , تخيل انا صار معي اني غيرت ذكر لانو مو بالمستوى , وحطيت ذكر حامي مكانو , بعد ما حطيتو للذكر الجديد الانثى باضت اربعة بيضات , ومع الذكر الاول باضت اتنين معناتو ستة , بس هدول الاربع الاخيرات االاولى منن طلع فيها الفرخ بشبه الذكر الاول , مع العلم انها باضتا الانثى ومعها الذكر الجديد , يعني فعهالاساس بتقيس .

[أبو كفاح]

ما شاء الله عليك يا استاذذ يا كبير
ربنا يوفقك في دينك و دنياك و ييسرلك دروب الخير يا اخي العزيز