اخواني الخبراء عاجل ...

[عاشق طيور الحب90]

السلام عليكم اخواني الخبراء هناك طير بادجي يتحرك و ليس منفوش الريش
لكن كثيرا يرفع رجله عن المجثم

ايضا يخرج دم مع البراز اعزكم الله
يا ريت لو تقولولي ايش العلاج خايف يموت ولا شي

[الباشق البغدادي]

يرفع رجله عن المجثم شي عادي في كللللللل الطيور , شو ما بدا هالطيور تريح اجريناتا شوي ؟!!
بس شغلة البراز المدمي , هاي بدك تلاحظ ازا كان البراز بصورة عامة ابيض وسميك هيك وشكلو بأرف وفيو دم , هون اووووووووول شي بدك تدفي للطير منيح لانو احتمال جايلو شوي برد وهيك , لانو مو شرط بيكون عنو كوكسيديا او كلورسيديا , عكل حال وما بتعطيلو بهالفترة لامي ليمون مركز الا انو يكون مخفف مع الثوم , ولاتعطيلو فيتامين بالمي , لا بس تدفيه وتراعي التغذية منيح وتحطلو فواكه بشكل متوازن مثل شوي تفاح شوي برتقال حلو مو حامض , خس قليل جددددددددددا , وازا تحسنت حالتو بيكون خير بس استمر بالدتفئة , اما ازل بتشوفو لساتو نشيط ومنيح بس ظلو بيطالع دم , بتحطلو اغشية رمان .... شو هي الاغشية , هاي يلي بتفصل بين بدور الرمان جواتا للرمانة , يعني مو الخارجية وتدبغو للمسكين , لا يلي بتكون رقيقة وبتفصل بين حبات الرمان , تحطا طازا وبترفعا اول ما يبلش لونا يسمر يعني ما بطلو عندو .....
وازا تحسن خير وازا ما تحسن روح للبيطري وقلو الحالة وصلت لتنخر الامعاء ( الكوكسيديا ) وخلي يعطيلك علاج بتستخدمو من 5 ايام تقريبا لان هاي الحالة اهون من حالة البراز الاسود القاتل لاقدر الله .
بالتوفيق .

[عاشق بجنون]

هل هو ذكر او انثى ؟

هل رجل الطائر به ضرر او مايقدر طريقة مشيه بها تعرج ؟

ان شاء الله يدخل احد المشرفين يفيدوك بأسرع وقت

تقبل مروري

[عاشق طيور الحب90]

اخوي عاشق بجنون شكرا على المرور

اخوي الباشق اشكرك طيب تقدر تعطيني اسم دواء انا اشتريه لأنه البيطري بعبد عني كثير

[الباشق البغدادي]

اخي صدقا ما بعرف شو هي الاسماي يلي موجودة عنكو بالاردن , لاني ماني عايش هنيك , بس فيك بتسأل شي صديق ع اسمو للدوا , او بيعينك الله بدك تهم حالك لتوصل للبيطري ....