أبشركم و أخيرررررررررررررا الحمد لله ..
شوفوا ..
https://www.canaryfans.com/upload/up/image_002.jpg
طبعا منظر مو جديد على خبراء الكناري في المنتدى .. بس كمبتدئه زي ما قال أخوي دبدوب خجول " أجمل إحساس تحس بيه "
قولوا ما شاء الله عارفة ان شكلها يجنن و منظرها يشرح الصدر
الحمد لله اخيرا و بعد عناء صار عندي انثى جاهزة ..
ما أدري إن كان تذكرون الكناري الذكر المدرب اللي عندي .. كتبت له أكثر من قصة في هالمنتدى .. دربت هالأنثى مثله طبعا لسه ما صارت مثله بس يعني أحسن من أول بكثييير .. وسبحان الله ما تصدقون صاروا أصدقاء الروح بالروح .. ما أفك قفص واحد فيهم إلا على طول مباشرة يروح لقفص الثاني ينتظرني أفتح قفصه و يجلسون يطيرون و يلعبون مع بعض في البيت لدرجة أنه لو واحد نايم ينزلون يآذونه
.. و يستمرون في اللعب لين ما يتعبون و يرجع كل واحد فيهم لقفصه لوحده .. طبعا اللي لفت نظري أن الأنثى تسوي أنواع التخريب .. تحب تجمع أي شي تلقاه قدامها .. تقطع أوراق المزروعات الموجودة بالمنزل .. و اكتشتف لها ستارة تقدر تخرج من حشوتها بعض القطن وفتشيل القطن و تحطه هو و الأوراق في مكان معين .. و تعلم الذكر منها نفس الحركة و صرت أجي ألقاهم الاثنين يشتغلون تقطيع و تجميع ..
و في الآونه الأخيرة لاحظت تعلقهم الشديد ببعض .. و الذكر ما شاء الله تغريد طبيعي كالعادة .. انا كنت شايله حكاية التزاوج من بالي نهائيا لأني فشلت فيها أكثر من مرة ..
و للفضول فقط ركبت العش في قفص الأنثى و حطيت لها خيوط التعشيش .. اليوم اللي بعده بعد ما رجعت من الدوام .. سبحان الله شفت منظر عجيب أول مرة أشوفه بحياتي .. العش مبني بطريقة منظمة من خيوط التعشيش و المناديل اللي أضعها في أرضية القفص !!!
سبحان الله اللي علم هالأنثى كيف تبني هالعش ..
طبعا أنا ما أبي أزوج طيري الذكر المدرب لأني ما أبيه يتوقف عن التغريد و عن الحركات اللي علمته اياها .. و المشكلة ما أقدر اشتري ذكر جديد من السوق بسبب أزمة انفلونزا الطيور .. وكل الذكور اللي عندي غير جاهزة .. اللي مريض و اللي صغير لسه فرخ ..
عندي ذكر سليم تماما و تغذيته جيدة .. لكنه متوقف عن التغريد من 3 شهور و ذلك لأنه كان موضوع في قفص ضيق مع أزواج كناري آخرى لمدة طويلة .. الآن قفصه موجود بجانب قفص الأنثى .. اليوم فقط بدأ بالتغريد سبحان الله يمكن منظر العش و هي مبني و العروسة و هي جاهزة دفعه للتغريد .. انا ما صدقت يوم سمعت صوته لأني اعتني بيه من فترة و لم يغرد رغم تغذيتي السليمة و المكثفة ..
اللي أتمناه أن يجهز هذا الذكر حتى أقوم بتزويجه من هذه الأنثى ,,
ملحوظة: عارفة انكم بتقولون لي غيري العش لأنه مصنوع من القش وممكن يسبب تجمع الفاش
إن شاء الله اذا ضبط الموضوع ميه الميه بشتري عش جديد ..أيضا اللي أريد أن أوصله من موضوعي هذا .. مدى المتعة الشديدة في تدريب و ترويض طيور الكناري .. لأنها سبحان الله طيور ذكيه تستجيب لك على طول و حتى إني أحس والله أنها بعض الأحيان تفهم كلامي .. مثلا لو قلت لطيري "بيتك" و أشرت له بيدي على القفص كثير من الأحيان فعلا يرجع إلى قفصه ..
دعواتكم لي بالتوفيق .. ولا استغني عن نصائحكم ..
أطيب تحية ..
