مات الذكر اليوم ، ما العمل ؟

[وائل كنار]

أخواني لدي زوجين من الباجي في سلاكة واحدة
اليوم وجدت ذكر ميت وانثاه ترقد على سبع بيضات وسيحين الفقس بعد 5 أيام انشاء الله ، والأنثى الأخرى تحتها 6 بيضات وبنفس موعد الفقس
فما العمل علما أن لدي ذكرين أعزبان فهل أدخل أحدهما أم اتريث حتى يفقس البيض ويفطم الفراخ علما أني لم أفحص البيض لأرى كم بيضة مخصبة
يرجى الإفادة

[عاشق بجنون]

بصفتي مبتداء اخي العزيز

انصحك باللي تعلمته وانتظر رد الاخوان الاعضاء اذا أكدو لك كلامي خصوصا حبيب قلبي الباشق البغدادي

كثير ما اسمع ( لا تقلق عند وفاة الذكر فأن الانثى ستهتم بصغارها وتطعمهم )

وافضل اخوي العزيز عدم ادخال اي ذكور على الانثى حتى تنتهي من فطم صغارها .

وانتظر رد الاخوان ونصيحتهم لك

تقبل مروري وتحياتي

[مزآآآجي صعب]

كما ذكر لك الأخ الكريم
لا تقم بأدخال اي ذكر
دعها وشأنها هي بأذن الله سوف
تقوم بالرعايه عند الفقص
وبالتوفيق للجميع

[عرابة]

كما ذكر الاخوة ... انتظر حتى فقص البيض وفطام الصغار

ننتظر رد الاخ الحبيب الباشق البغدادي

[وائل كنار]

اليوم فحصت البيض تحتها فكان الستة مخصبين ولله الحمد وفحصت بيض الزوج الثاني فكان 5 بيضات مخصبين فقمت بنزع بيضتين من الأولى ووضعتها تحت الثانية كما نزعت بيضتين أخريين ووضعتها تحت زوج له أربع بيضات مخصبين بدأت بالفقس اليوم ، أي بقي تحتها بيضتان فقط سأتركهما فهي تستطيع العناية بفرخين
شكرا لكم جميعا بانتظار آراء أخرى

[هيثم العوضات]

اعتقد ان التوزيع الي عملته جيد الله يعوضك الخير
تحياتي للجميع

[الباشق البغدادي]

عملك طيب جدا , نعم ماقمت به ,
عزيزي وائل , الله بخلفك خير من الي راح , بس شوف لاقلك كم شغلة ,
ازا كانو الذكور العزابية موجودين معن بنفس السلاكة ومتوالفين ع بعض فيك بتتركن بركي والفت الانثى ع واحد منن بمشي الحال , يعني ع قولة المتل القاضي راضي , ليش لانو الانثى بسلاكة مانا لحالا بقفص عزل كرمال نضمن انا رايح تعتني بهالزغار .
شغلة التانية ازا بتشوف الانثى معصبة وما عم تقبل ذكر حاول تتركا ما بتجبرا ع شي , بس كقاعدة لاتصدق انو الذكور الباقين رايح يتركوها لحالا .... انثى , وجوات العش , وبدا ذكر ليحميا , اي رايح تلاقي ميت زكرت بطلعلا ...
هلأ ازا ما زبطو كل هدول شو بدك تعمل ؟ في شغلة المداورة في التحضين وهي طريقة من طرق التحضين يلي انا من الناس لما بنخنق بعمل فيا , هي طريقة لتخفيف الحمل تحت زوج بس الزوج يلي بدو يشيل معن كمال شايل ومحمل .... فشو بتعمل ؟
هلأ فقس واحد تحت كل وحدة , تخليهن كل واحد تحت امو ليصير عمرو شي يومين بطلع التاني بهالوقت صارت الانثى الوحدانية عنا فرخين بس انت ما بتتركن لا بتقيم الاول اول ما بطلع وبتحطو تحت وحدة عنا واحد جديد وبتحط مكانو بيضة , يعني بتبدلو ببيضة من البيض الجديد يلي بتأخر ليطلع , والتاني كمان لحديت ما بيصير تحت كل انثى عدد منيح من الافراخ وهي كمان بتكون طلعو تحتا افراخ يلي حضنتن , بتصير تراجع فرخ او فرخين شوية كبار من هدولاك الطيور وتحطن تحت الام وترجع الجداد يلي كانو محضنين ..... شو صار عنك هلا ؟ الانثى رجعولا ولادا بس شوي كبرانين , ونحنا حاولنا نأخرا شوي لنشوف ردت فعلا , بنفس الوقت ضمنا انو في اناث بتعتني بالافراخ وقت الطوارئ اول ما بفقسو , ازا مشت الامور فيك تساعد باطعام افراخ كل يوم بطالعلك شي فرخين تلاتة من هالاعشاش المعباية وبطعمي بايدك وبترجعو لحديت ماتمشي الامور .
في حل اخر انك بتجيب قفص زغير وتعملو فتحة ع قد العش وتعلقو جوات السلاكة بحيث يكون عش الانثى فيو وبعزلا عن باقي الطيور ما حدا بدا فيا .
وشوف توفيق الله شو بقسملك .

بس نصيحة لكل الزملاء ياريت بسمعوها وخصوصا يلي بيربو بسلاكات .... حاولو دااااااااائما بيكون عنكو ازواج تحضين تحطو تحتا بيض الطيور التانيين بحيث ما بيزيد تحت كل زوج اكتر من اربع بيضات .... صدقوني بتنفع وقت الديئة وكمان بتخفف عن الزوج ما بتعب كتير , وبتضمنو جودة الاطعام , وبالتاني مانا محتاجين لاراحة الطيور بعد كل فقسة - طبعا اصحاب السلاكات مابيريحوها مرة بالسنة او ما بيريحوها بنوب - فتصير فترة الاستراحة كل تلت فقسات متلا .

بالتوفيق .

[وائل كنار]

مشرفنا العزيز الحقيقة هالطريقة اللي ذكرتها تنم عن خبرة كبيرة وشكرا لك وانشاء الله أني لا احتاجها حيث أني لا املك من الوقت أكثر من ساعة يوميا لأقضيها مع طيوري ، كما أن السلاكة لا يوجد بها غير الزوجين المنتجين أما الذكور العزبى فهي لوحدها ، اليوم بدات الفراخ بالفقس بفضل الله وانشاء الله الأمور بخير .
شكرا لكم جميعا وسأوافيكم انشاء الله بالنتائج

[muhammed_farouk]

اخي الكريم اترك الانثى ترقد على البيض وهي إن شاء الله سترعى البيض والصغار بمفردها إن شاء الله

[وائل كنار]

الحمد لله بدأت الفراخ بالفقس وفقدت فرخين أما الباقي فهم بخير ويكبرون والحمد لله على كل حال