ماشاء الله تبارك الله
الله يطرحلك البركه فيه ~ اختي عمر الطائر بإذن الله مابين الـ 5 شهور - 6 شهور
اختي انتي اسألي الي اشتريتي منه الطير عن الاكل الي يعطيه للطير
جربي هالطريقة ويارب تنجح معاكي حاولي اليوم تحطيه في مكان هاديء محد يدخل فيه كثير
وحاولي تسلقيله حبة بطاطس صغيرة وجربي تأكليه بيدك يمكن ماراح يقبل بس مو مشكله اهم شي انه يتذوق الطعم .. اذا مارضا ياكل من يدك حطي له البطاطس بالصحن وشوفي بعدها بـ 3 -4 ساعات اكل ولا لا
وبالنسبه للجنس ان كان تقصدي ذكر ولا انثى صعب جداً تعرفي الا عن طريق تحليل الدي ان اي
أختي الطير في هالمعمر يشكل في التصفير وبعضها ماشاء الله تبدأ تطلع صوت شبيه بالكلام او مثل ما يسمونه الاخوان كلام مو مفهوم . بس انتي لاتستعجلي عليه لانه باقي جديد عندك ويمكن ما اخذ باقي ع الاجواء الي في البيت
اختي غزلان الرجاء منك التوضيح بخصوص الانتفاخ الي بالرقبه ولو تحطي صورهـ للإنتفاخ يكون احسن يا اختي اما بالنسبه للعظمة البارزهـ في الصدر هذا ممكن يكون من قلة اكل الطائر انتي جربي سويله هالخلطه وان شاء الله بتدعيلي :
1-علبة فول عايدي ( مايكون بخلطات يعني زي الخلطه المصريه او الخلطه السعوديه ... إلخ )
2-ربع كيلو فول سوداني
3- 6 ملاعق سيريلاك بالمقمح او بالقمح والفواكه
4- رغيف خبز بر ( الخبز الاسمر ) ناشف
5- كوب واحد حليب نيدو او حليب سائل كامل الدسم
حطيهم مع بعض في الخلاط واخلطيهم بس لاتخلطيهم كثير يعني خليه حق اكل واعطيه لطائرك وان شاء الله تتحسن حالته
معليش اختي غزلان نسيت اسألك براز الطائر الله يعزك تحسيه اسهال ولا طبيعي ؟
اذا كان طبيعي اعطيه البيض المسلوق راح يفيدهـ كثير وسويله هذي الخلطه
ربع حبة بيض مسلوق ( نص صفار ونص بياض ) وشوية من خبز البر المطحون واطحنيهم مع بعض وبعدها حطي عليه شوية عسل تقريباً نص ملعقه صغيره واعطيها لطائرك والله يتممله عافيته ويهنيكي فيه يارب