حيرتي مع الكاسكو مش عارفه شو اسوي إنصحوني يا خبراء-بنت العرب

[arab_hack_girl]

بسم الله الرحمن الرحيم

كيفكم مشكلتي هيه :-
عندي كاسكو عمره 7 شهور ذات مواصفات عاليه أليف بشكل ما تتخيلوه يا كل من ايدي ويطلع عليها ويطير على أول ما يشوفني طبعا انا احطه في قفص لم اطلع بره البيت احطه داخل القفص لانه أهلي ياخفون منه فأخاف يطير على حده منهم المهم المشكله لما أحطه في القفص شو يسوي ينزل تحت على أرضية القفص ينزل راسه ويصير يحك براسه بأضافره بشكل متواصل لدرجة انه تحت الراس وعند بداية الرقبه صار الريش يخف كل ما يشوفني ينزل ويعمل نفس الحركة لمدة 5 دقائق أو أكثر ويرجع يعيد الحركة عند لزوم الأمر طبعا لما افتحله القفص يطلع فوق القفص وينس موضوع حكة الراس فأحسه مبسوط وانا خايفه انه يفقد الريش في منطقة الراس شو أسوي طبعا انا غيرت القفص اليوم جبته اكبر قلت يمكن العيب من القفص ولكن بدون فايده وما أحد يقولي خلص خليه بره القفص لانه ما أقدر اهلي يخافون شو اسوي خبروني يا أهل الخبره وهل إلي يعمله الكاسكو (حكة الراس باضافره) نوع من مرض معين وله شو لاني خايفه يصلع في منطقة الراس .

شكرا

بنت العرب

[بوناصر]

السلام عليكم
اختي بنت العرب يمكن انتي معودته اتحكين راسه ويبغيك تعملين له نفس الحركه لان
الكاسكو الي عندي يسويلي نفس الحركه لكن لما احك راسه يبطل وهو في القفص طبعا وايضا اضفت له بعض الالعاب عشان تشغله في غيابي عنه او انه يطلب الخروج من القفص لأنه عارف لما يسوي الحركه هذي راح اتطلعينه لأن الببغاوات ذكيه واعتقد انه عارف نقطة الضعف ومستغلها :evil:
لأني ماعتقد انه مرض لأنك تقولين انك لما اتطلعينه يبطل حك

هذا والله اعلم وانتظري اراء الجميع حتى تتظح لك الصوره او اعرضيه علا بيطري
ومعليه شر انشالله

[muhannad2]

arab_hack_girl


طيب ليش ماتخلينه اغلب الاوقات خارج القفص وعند وقت النوم داخل القفص

بصراحه الكاسكو مالج يخبل احسه طيب

ياليت عندي كاسكو

ان شاء الله قريب بشتري واحد

المهم حاولي قدر المستطاع تخلينه خارج القفص

واعتقد عندما يفعل هذه الحركه يعني انه ملانه ويريد اللعب او يريد الخروج

بس حاولي توفرين له المرح والوناسه خليه برع القفص وحاولي تقنعين اهلج انه اليف وطيوب ولايخافون منه

وعوديهم عليه خليه يلعب براحته برع القفص واذا حسيتي اهلج يخافون منه اقعدي انتي معاه علشان تحرسينه احسن لج

ومايصير الا كل الخير ان شاء الله

وانصحج تاخذينه لاقرب بيطيري علشان يفحص عليه ويتطمن قلبج عليه

وبالتوفيق

[arab_hack_girl]

تسلموا على الرد

هوه فعلا انا كثير أقعد احكله راسه وهوه يحب الحركة هاي كثير حطايت له ألعاب خاصه من أغلى الألعاب الكاسكو لكن ما يعطيها أيه أهتمام وبصراحة انا اريده يتعود على القفص وخاصه أنه صغير والله صرت لما أشوف كاسكو في فقص احسد اصحابه مع انه يقول لي أحنا إلي نحسدك على الكاسكو إلي عندك أتمنى انه يقدر يتعود على القفص بدون موضوع الحك وانا رح أتحمل وما رح أكون عاطفيه يعني رح أخليه يحك لصبح بس ما يحلم اني اطلعه من القفص إذا رح يستغل نقطة ضعفي _ والله رح اموت عليه لو صارله شي - وخاصة اذا صلع

صعب اني أخليه بره القفص طول الوقت لاني مش طول الوقت معاه ثانيه عشان أهلي ثالثا رح يوسخ الأرض فهاي الفكره مرفوضه عندي تماما يعني الببغاوات إلي يجلسه بالقفص مش أحسن منه إذا لازم يتعود وإن شاء الله ألاقي حل من أصحاب الخبره والمشرفيييييييييييييين

وشكر على ردودكم وتعاونكم

بنت العرب

[muhannad2]

حرام والله


لازم تخلينه يطلع ويفرفش شوي ولا بتخسرينه وبتخسرين تدريبه القفص مثل السجن

انا عندي بغبغاء 24 ساعه برع القفص الا وقت النوم من تلقاء نفسها تروح القفص وماتوسخ الارض ابد وعندها ستاند وقفص ولما تخرج من القفص توقف على الاستاند

انزين عندي لج حل

شو رايج تاخذينه لغرفه بعيده عن اهلج وتحطين شوية ورق الجرائد على ارضية الغرفه وحاولي تلعبين معاه لمدة ربعه ساعه او نص ساعه وبعدين دخليه القفص واستمري على هالحال حتى يتعود

وان شاء الله خير

وبانتظار رأي الخبراء

[arab_hack_girl]

انا حاطاه في الصالة يعني في ناس في تلفزيون في اشياء كثير تتحرك قدامه لكن في الغرفه رح يمل وما فيه حده وكتمه
والشىء الثاني لو خليته بره القفص رح يتم يطير علي كل ما يشوفني طبعا مش حل انه كل ما يشوفني يوقف على كتفي ويوسخلي ملابسي مشكلته عنده ستاند ما يحب يوقف عليه يحب يوقف على القفص ولما اكون جالسه اطالع تلفزيون يطير علي او يطير ويضرب بالجدار أو الطاوله فأخاف ينكسر شي عنده هاي الفكره

بنت العرب

[allawi]

اختي راجعي اللنك الاسفل وانشاء الله يساعدك في مشكلتك

اللنك هنـــــــــــــــــــــــا

سلامي للجميع

[arab_hack_girl]

تسلم عزيزي على الموضوع

بصراحة انا قرأته قبل هل مره وإن شاء الله ما يكون إلي صاب ببغائي نوع من أنواع نتف الريش لانها رح تكون كارثه وللاسف لحتى الأن نتف الريش يعتبر اكثر الأمراض مستعصيه بالنسبة لطيور وصعب علاجها ببساطه وأغلبية الطرق غير مضمونه والي اعرفه انه خبراء الطيور العالمين يشتكون من نتف الريش إذا أصاب طائر معين وإن شاء الله ببغئي ما يكون عنده هدا المرض

تسلم
بنت العرب

[arab_hack_girl]

غريبه مش شايفه في ردود من المشرفين على العموم كل واحد عذره معاه

الرجاء الفايده لمن يعلم الموضوع غايه في الأهميه لي وبصراحة ما لقيت جواب شافي وجزيل الشكر للي حاولوا يساعدوني

بنت العرب

[بوناصر]

السلام عليكم
اختي بنت العرب والله اني احس انه الي عندك كان نفس مشكلة الكاسكو الي موجود معاي لاني كنت معوده وهو صغير اني ااكله بيدي فكان يجي يدور على الاكل لاكن الفرق انه الي عندي يطلع اصوات مزعجه عشان اطلعه لاكن والحمدلله ماينتف ريشة
الصراحه انا قصيت ريش الجناح (طبعا خليت اخوي يقصه عشان ياخذ منه موقف) عشان مايطير ويسبب رعب حق العائله والحمدلله هذا هو موجود في القفص لاكن لازم اطلعة والعب معاه والا راح يقول اني ماحبه ولا يبي يلعب معاي طبعا يوقف فوق القفص ولا يقدر يطير ودايما اخليه على القفص
لاكن انتي لاتقصين جناحه لانه يمكن يكون عنده مشكله نتف الريش (الله لا يقول )

يعني تاكدي من حالته النفسيه اول
واختي الحل معاج انتي لانك انتي الي تقدرين حالته لاكن الاعضاء والمشرفين ممكن يعطونك الاراء والتوجيهات الصحيحه والي المفروض تفعلينها
[color=red]واعذري المشرفين لان كل واحد وله ظروفه ولاتزعلين من احد لان كلنا عائله وحده واخوان في هذا المنتدى ومحد يزعل من اهله او اخوانه[/color]
وفي الاخير اتمنى انك تلقين حل لطائرك
كل التوفيق لك يالغاليه