الوراثة في البادجي (الجزء الثاني) - ضبط جودة

[أحمد شلبي]

احبتي الكرام نكمل اليوم باذن الله ما بدأناه سوياً في سلسلة الوراثة في البادجي واليوم مع الجزء الثاني باذن الله تعالى ولأول مرة في التجمع الدولي أقدم موضوع بالعامية المصريه وأتمنى أن يكون سهل الفهم والاستيعاب واتمنى أن أكون وُفقت في طرحه هذا الجزء باذن الله سيكون بعنوان العامل المفرد والعامل المزدوج single factor & double factor نسمع كثيراً هاتان الكلمتان عامل مفرد (سينجل فاكتور) و عامل مزدوج (دبل فاكتور) ماذا تعنيان ؟!! هذا ما سنعرفه اليوم باذن الله تابعونا وسيكون هذا اللقاء كأنه بيني وبين أحد الأخوة الاحباب من أعضاء المنتدى الغالي تحدثنا في الحلقة السابقة بفضل الله عن الصفات السائدة ولو تذكرون قلنا انا كل صفة يجب أن تحمل على زوج من الجينات وقلنا أن الصفة السائدة لو وجد منها جين واحد مع صفة متنحية فتظهر أيضاً أي أن جين واحد كافي لظهورها وهذا سيتضح أكثر عندما نتحدث عن الصفات المتنحية ونستخلص مما قلنا شيء مهم جداً ويعتبر هذا هو موضوع اليوم باذن الله أنه ان وجد جين واحد فقط للصفة السائدة فتكون عامل مفرد وان وجد الجينان للصفة السائدة فتكون عامل مزدوج مش فاهم يا أحمد بصراحة ممكن توضح أكثر من كده ؟ بس كده..... نوضح أكثر لو قلتلك ان فيه طائر منقط سائد دبل فاكتور أو باندد يعني زي ما بيطلقوا عليه تم تزويجه لطائر عادي فالمنقط السائد عندي له جينان لانه دبل فاكتور معايا كده؟ اه كمل طيب طالما ان الطائر اللي هنزوجه له ليس منقط سائد بل طائر عادي فلابد أن نضع له جينان لكن جيينين عاديين مقابلين للمنقط السائد لاننا قلنا ان اي صفة مكونه من جينان والله مش فاهم الموضوع شكله كده معقد وصعب أوي لا لا استنى مش عايزك تيأس الموضوع بسيط أوي بس نكمل كده وهتشوف أهم حاجة انك تصبر ومتزهقش بص معايا ياباشا في الوراثة وتركيب الصفات داخل الخلية بتحصل انقسامات وقبل ما تسأل هقولك ازاي احنا قلنا قبل كده ان كل صفة مكونة من جينين الجينان دول مؤخذان من الاب والام أي من الاب جين ومن الام الجين الثاني فده انقسام حصل دخل جين من الاب مع جين من الأم طيب التزواج اللي فات ده لو جينا نشوفه هنجد ان جين من المنقط السائد يتحد مع جين من العادي أي جين من الاب وجين من الام وعند اتحاد هذان الجينان نجد أن الطائر منقط سائد سينجل فاكتور لماذا؟!! لانه لا يوجد فيه سوى جين واحد فقط للمنقط السائد لهذا قلنا انه عامل مفرد (سينجل فاكتور) وبما أن المنقط السائد صفة سائدة فلابد أن تظهر حتى ان لم يوجد سوى جين واحد لها في الخلية وهذا كما أشرنا اليه في اللقاء السابق والله الموضوع طلع سهل أوي وفهمته بجد طيب الحمد لله وربنا يسهل على كل الاخوة طيب انا عندي سؤال اتفضل هل هذا الكلام ينطبق فقط على المنقط السائد أم أن كل الصفات السائده مثله ؟!! طبعاً كل الصفات السائدة تعامل معاملة واحده أي أن ما ينطبق على واحده ينطبق على الباقي باذن الله فما ينطبق على المنقط السائد ينطبق على الأخضر والرمادي وأصفر الوجه والاسبانجل طيب معلش سؤال تاني كيف نفرق بين الطائر الدبل فاكتور والسينجل فاكتور ما شاء الله عليك والله اسئلة قوية جداً وان شاء الله يبقى لك مستقبل قوي باذن الله طيب تابع معايا كده هناك صفتان يمكن أن نعرفهما من خلال الشكل فالشكل مختلف في الدبل فاكتور عنه في السينجل فاكتور والثلاث صفات الأخرى لا يمكن معرفتهما الا من خلال التزاوج والفريخ وسنذكر كل منهما باذن الله أولاً نبدأ بالاسهل أولاً المنقط السائد السينجل فاكتور شوف معايا كده الصورة دي طيب الدبل فاكتور بقى شكله ايه شوف كده معايا الصورة دي هل لاحظت الفارق ؟!! اه فيه فرق طبعاً بس مش قادر افرق بينهم اوي عندي سؤال معلش ما هو الفارق في الشكل بين المنقط السائد السينجل فاكتور والدبل فاكتور؟ بسيطة أوي يا حبيبي نوضحها الفارق في شكل الخطوط على الرأس والأجنحة فالمنقط السائد السينجل فاكتور توجد به خطوط كثيره على الرأس والأجنحه أكثر منها في الدبل فاكتور والدبل فاكتور لا يوجد به أي خطوط على الاجنحه انما خطوط بسيطة جداً على الرأس ثانياً الاسبانجل السينجل فاكتور وده الدبل فاكتور وأعتقد أن المسألة ليست محتاجه لشرح فالفارق واضح جداً ولا ايه وعلى العموم هقولك برده ايه الفرق الاسبانجل السينجل فاكتور توجد به العلامات المقلوبة على الاجنحه أما الاسبانجل الدبل فاكتور لا توجد به أي من هذه العلامات وانما يكون لونه أما أصفر أو أبيض بدون أي علامات طيب أقولك أنا بقى كده عندي اسبانجل دبل فاكتور كثير لكن مأنتجش ولا مره اسبانجل سنجل فاكتور رغم ان أنا مزوجه لأنثى عادية ايه الوراثة هتقع من أولها ولا ايه ههههههه هههههه لا استنى تمهل يا أخي وأعرف أولاً مواصفات الطائر الاسبانجل الدبل فاكتور الصحيحة وذلك لأن هناك طفرات أخرى تكون أبيض نقي وأصفر نقي وليست اسبانجل ولا تمس الاسبانجل بصلة طيب ايه هي الطفرات دي يا بوحميد ؟ أقول لك هناك طفرتين أحداهما معروفة جداً ويسهل معرفة ما إذا كان الطائر اسبانجل دبل فاكتور أم لا منذ الخروج من البيضه منذ الخروج من البيضه !! ازاي ولسه الريش مش بيكون نبت أصلاً ؟!! تمهل يا اخي واصبر وستعلم كل شيء باذن الله نبدأ بالطفرة الأولى التي يكون لونها أبيض نقي أو أصفر نقي وهي الاينو اينو؟! انا سمعت الكلمة دي قبل كده بس بصراحة مش عارف معناها خلاص ياباشا دلوقت هتعرف معناها الم تسمع قبل ذلك عن الالبينو واللوتنيو اه طبعاً سمعت عنهم وعارفهم كمان ما شاء الله عليك طيب تعرف بقى تقولي ايه مواصفاتهم اه اقولك الألبينو بيكون لونه أبيض نقي جداً وعينه حمراء واللوتنيو بيكون لونه أصفر نقي جداً وعينه حمراء ما شاء الله ما شاء الله ما انت أستاذ اهو ياباشا امال ايه بقى طيب ما تيجي بقى أقولك على لون كمان اسمه الكريمينو وده بيكون لونه سكري او كريمي بين الاصفر والابيض كده ودول بقى الجين المسؤل عن كلهم اسمه ؟؟؟ اسمه ايه بقى قول اسمه اينو طيب ماتيجي بقى كده نعرف الناس شكل الوان الاينو علشان الناس كلها تعرف كمان زي مانت عرفت كده أوكي ماشي الألبينو اللوتنيو كريمينو طيب أقولك بقى ايه الفرق بين الالبينو واللوتنيو والاسبانجل الدبل فاكتور ماشي قول اولاً الالبينو واللوتنيو عينهم حمرا والاسبانجل دبل فاكتور عينه سودا ثانياً لون الكير في الذكور الألبينو واللوتنيو بيكون وردي لكن الاسبانجل بيكون أزرق زي اي طائر أخضر أو أزرق وكمان لون الارجل في اللوتنيو والالبينو بيكون وردي لكن الاسبانجل بيكون رمادي يعني نفس لون ارجل الطيور الخضراء او الزرقاء طيب تمام اوي قولي بقى ايه النوع التاني اللي زي الاسبانجل الدبل فاكتور ماشي ياباشا نقول الطفرة الثانية اسمها دارك آيد كلير Dark Eyed Clear ايه دي بقى ان شاء الله انا أول مرة اعرفها دي زي الاينو بالظبط مفيش فيه فرق بينهم خالص الا فرق واحد بس انه العين سودا طيب دي بنعرف الفرق بينها وبين الاسبانجل ازاي نفس الفرق اللي بين الاينو والاسبانجل الدبل فاكتور بالظبط بالنسبة للون الكير والارجل لكن الداراك أيد كلير متفق مع الاسبانجل في العين السودا بس وحتى دي بيختلفوا فيها الدارك آيد كلير مش بيكون له حدقة بيضاء لكن الاسبانجل بيكون له حدقة في عينه اه قول كده بقى يبقى انا الطيور اللي عندي زي دي وانا اتلخبطت بينهم طيب انت قولتلي ان فيه لسه 3 طفرات مش بنعرف هم سينجل فاكتور ولا دبل فاكتور من الشكل اللي هم أخضر ويلو فيس ورمادي دول بقى نعرفهم ازاي الطفرات اللي مش بنقدر نحدد هي دبل فاكتور ولا سينجل فاكتور من الشكل بنحددها بطريقتين واحده سهله وواحده صعبة طيب نبدأ بالسهل الله يسهل عليك ماشي ياباشا وربنا يسهل علينا جميعاً الطريقة السهلة عن طريق التزاوج والتفريخ فلو زوجته لانثى عادية والناتج كله لقيته مثلاً يلوفيس أو اخضر او رمادي يعني فده معناه ان الطائر ده دبل فاكتور ولو ظهر في الناتج مثلاً أزرق أو وايت فيس فده معناه ان الطائر سينجل فاكتور ايه ده حتى لو طائر واحد بس ظهر مش زي الصفة دي فده معناه انها سينجل فاكتور؟!! نعم يا أخي وده بقى هيكون ليه لقاء لوحده باذن الله هنبين حتى لو طائر واحد بس اللي ظهر هيكون سينجل فاكتور ليه طيب ايه هي الطريقة الصعبة ؟ بص يا سيدي الطريقة الصعبة دي بتتوقف على ان الطائر من انتاجك أم لا فلو هو من انتاجك وابوه وأمه بنفس الصفة اي مثلاً يلوفيس لكن للتأكيد من انه دبل فاكتور يجب أن تكون متأكد ان احد الابوين او كلاهما دبل فاكتور ايه رأيك كده لا كده الحمد لله فهمت كويس > > > > > أتمنى أن تكونوا جميعاً استفدتم مثل أخونا وآسف اخواني على ان الطريقة بالعامية المصرية لكن أردت فقط العرض باسلوب مختلف فقد يكون هذا افضل في توصيل المعلومة أتمنى ان تكون كذلك فهذا هو هدفي ان تصل المعلومة الى الجميع أحبتي الكرام الى هذا الحد نقف وبه نكتفي وهذا ما أعلم والله تعالى أعلم هذا ما كان من توفيق فمن الله وحده وما كان من خطأ او سهو او نسيان فمن نفسي وفي انتظار اضافاتكم واستفساراتكم بالشوق نترككم وبالحب نلقاكم على أمل اللقاء بكم قريباً باذن الله في باقي السلسلة

!	تحذير: هذا الموضوع حقوقه محمية ومحفوظة للتجمع الدولي لعلم الطيور. يمنع منعا باتا نقله او تداوله او الاقتباس منه. يجب أن يتم الاستئذان من الادارة ومن كاتب الموضوع قبل نقل اي شيء ومن يخالف سيتم اتخاذ الاجراءات القانونية بحقه.

!	تحذير: كافة الحقوق محفوظة يمنع النقل والاقتباس قبل استشارة الادارة

[حماد الامارة]

ماشاء الله عالابداع

[HOSSAM AHMED]

اكثر من ممتاز اخى العزيز
بارك الله فيك وجزاك خيرا
وننتظر باقى السلسله

[شامل]

بارك الله اخي العزيز...موضوع اكثر من رائع...

[mtharwat]

با

	رك الله فيك وجزاك الله خير الجزاء معلومات فى غاية الروعة

[ابو جميلة]

جزاك الله خيرا اخى الحبيب تسلم ايدك على المجهود الرائع

[على خزعل]

السلام عليكم شكرا اخي العزيز على هذا الموضوع الرائع ولكن اتمنى ان تستمر بالكتابه بالفصحى المبسطه ونبتعد عن العاميات المحليه واالله الموفق .

[وليد بدر]

ما شاء الله موضوع أكثر من رائع و جزاك الله خيرا أخي الكريم

[محمدالعراب]

عاشت الايادي اخي احمد موضوع مميز واسلوب رشيق . تسلم على هذا المجهود واقل عبارة وصف بحقه هي ((( انه اكثر من رائع ومميز ))) بأنتظار باقي السلسلة على احر من الجمر

[سامي باقحوم]

مشكور اخونا أحمد شلبي تسلموااااا والله ما قصرت أيش أقول بحقك ومهما قلت لن أوفي حقك فعلا أبدعت تشكرررررررررر