هل انت متزوج

منتدى يهتم في مناقشة القضايا العامة والمتنوعة عن تربية طيور الزينة.
ويهدف الى مساعدة الأعضاء في أي شيء يحتاجونه لتربية طيور الزينة
ويهتم في المسابقات المعلوماتية والترفيهية

المشرف: المشرف

قوانين المنتدى
الرجاء الاطلاع على قوانين التجمع قبل المشاركة:
قوانين التجمع الدولي لعلم الطيور
الهجان
عضو نشيط جدا
عضو نشيط جدا
اشترك في: أكتوبر 23, 2005
مكان: قاهرة المعز لدين الله الفاطمى
المواضيع: 37
مشاركات: 729
الصور: 4
Yahoo Messenger: elhagano@yahoo.com

مشاركة بواسطة الهجان »

اخى او اختى لولو
لقد ابديت رأى فى النكتة واضفت عليها
مقولة ان كيدهن عظيم
نعم يوجد حالات كثيرة من الفشل فى الحياة الزوجية والا ما كان ابغض الحلال عند الله الطلاق
وفى حريم مفترية وعالمنا ملئ برجال مفتريين جدا كل انسان لدية الكويس والوحش
وبعدين الرجال قوامون على النساء والزوجة حياتها بيتها واولادها وزوجها
الزوجة الاصيلة هلى التى تكون سكن لزوجها وتساعدة فى الحياة
الكثير مننا متزوج ولكن مشاغل الحياة وازماتها
وتفكير الرجل مختلف عن المراءة عموما فالمراءة تحب الحنان والمودة وكثرة الكلام
اللذيذ عايشة تعيش حياتها كلها حب قبل الجواز وبعدة
اما الرجل فيفكر فى مليون حاجة
اكل عيشة اولا
اولادة ثانيا
زوجتة ثالثا
المراءة تتكلم كثيرا بعد الزواج يعنى عاوزة الواحد يقعد يسمع لها طول النهار
والواحد لو عمل كدة مش هيعرف ياكل
لانهم لا يعرفو ما طعم العمل الواحد بيتعب فى شغلة اد اية
بيفتكرو ان الرجالة بتضرب الارض تطلع فلوس
الزواج مسؤلية كبيرة على الرجل والمراءة
وكثرة المشاكل تولد الاحباط والملل فى الحياة
اية المشكلة لو رجعت بيتى لقيت زوجتى مجهزة الاكل وتبتسم فى وجهى
حتى لو لم اكن مش فاتح عكة
الموضوع كبير ولو قعدت اتكلم هكتب صفحات عن الحياة الزوجية
التوقيع
صورة
إعلان
بلقيس
عضو نشيط جدا
عضو نشيط جدا
اشترك في: يونيو 16, 2005
المواضيع: 67
مشاركات: 1310

مشاركة بواسطة بلقيس »

اخي وليد موضوع جميل :thumright:
ولكني اراك ظلمت الرجل كثيرا هنا
وارى انهما مسئوولان عما وصلوا اليه بعد 6 اعوام وليس الرجل وحده او المراة وحدها

اخي الهجان :D
لسنا في حرب بين الرجل والمراة فكل خلق لدوره ، وقد تكون المراة عاملة ايضا وتقوم بمهام وظيفتها و تقوم بدورها كام وكزوجة بشكل جيد ان لم يكن جيد جدا ، واعلم اخي انها وان كانت لا تعمل فان مهامها في انشاء الابناء ليست بالمهمة السهلة ويصعب على الاب تحمل الطفل كما تتحمله الام
كل يسر لما خلق له
فلا تضاد بينهما وانما تكامل ليس الا
وان تساوت الاصابع تساوى الرجال والنساء :wink:
من النساء من تكون خميرة عكننة :D استاذة ورئيسة قسم في حرق الدم
وتخصص في تطفيش الرجل :cool:
ومن الرجال من يتسلط برايه ويرتدي رداء سي السيد ، متذمر وغير راضي مهما فعلت المراة لترضيه :wink:
الحياة الزوجية مليئة بالبهارات والذكي من يتعامل مع تلك البهارات بفطنة
قبل ان تسال المراة عما اعدته من طعام عليك ان تسال نفسك هل ابتسمت في وجهها عند عودتك ؟
قبل ان تسالي الرجل لماذا غضب اسالي نفسك ماذا فعلتي ليغضب الى هذا الحد

اي انه على الرجل والمراة التفكير في الواجبات قبل المطالبة بالحقوق

اما انت اخي الفاضل وليد شحاتة
فاليك تصوري للمقدمات التي كانت نتيجتها بعد 6 اعوام ما تفضلت به وامتعتنا به :thumright:
في الامثال الكثير من الحكم ارتجلتها الان اثناء قراءة الموضوع :-k

قالت لبنتها ليلة الفرح
اسمعي منك وانا امك وادرى منك
وري جوزك دمعتك ولا توريه لقمتك
اصل ابنك على ما تربيه جوزك على ما تعوديه
واوعي ترضيه باكلة ال ياجارية اطبخي ال كلف ياسيدي
و قصقصي طيرك ليلوف بغيرك
ال برة وجوة فرشتلك وانت يا مايل ايه يعجبك
ده اللي يقول لمراته يا هانم الناس تقفلها على السلالم
واللي يقولها يا عورة الناس تلعب بيها الكورة
واعرفي ان اللي راسها بتوجعها صيت ابوها بينفعها
و إن كان الرجل بحر تكوني انتي جسر
اوعي تسامحيه على غلطه علشان ميعيدوش تاني ال يا بخت من بكاني وبكي عليا
ولا ضحكنيش وضحك الناس عليا
واياك يخوفك بطوله ده طوله طول النخلة وعقله عقل النملة
و ابعدي عن حماتك ده الحمى حمّة واخت الجوز عقربة سامة

قالت لابنها ليلة الفرح
اسمع مني وانا امك وادرى بمصلحتك
ادبحلها القطة ليلة عرسها
واوعى يغرك جمالها ال لبسوا البوصة تبقى عروسة
وخد بالك اللى ماتعرفش ترقص تقول الارض عوجة
خد رايها مفيش مانع بس نفذ عكس اللي تقوله ده اللي يسمع كلام مراته تكتر نكباته
دي شورة الست ان صابت بخراب سنة وان خابت بخراب العمر كله
ولا تقلق ده اللي معاه امه ولا تحمل همه
وان تعبتك اكسرلها ضلع يطلعلها 24
و اعرف ان كيد النسا بالنسا ولا تكيدهمش بالعصا

بالتاكيد هناك امثال اخرى كثيرة ولكن لم تسعفني ذاكرتي الان
خالص تحياتي

لولو
مشرف سابق
مشرف سابق
اشترك في: نوفمبر 01, 2005
العمر: 48
مكان: مصر
المواضيع: 42
مشاركات: 900
الصور: 2
الأوسمة: 1
وسام المترجم

مشاركة بواسطة لولو »

ما كل هذة الامثال عزيزتى بلقيس يظهر انك موسوعة :lol: :lol: :lol: ضحكتينى ولله
والى اخى الهجان انا لم اقصد ان اتهجم عليك او علي الرجال او اقلبها خطبة عن حقوق المرأة [-X فالموضوع بسيط انت قلت نكته عن النظرة ال stereotype عن النساء انهن :evil: رديت عليها بالمزاح عن فاتح عكة ....... فانا لااعتقد انك حقيقة تؤمن بكل مزحة تقولها او انا كذلك
ولكن ان كنا سوف نقلبها جد
فانا اعرف مقدار ما يبزله الرجل من جهد فى العمل
ليوفر حياة كريمة لزوجتة و اولاده.....
وفى نفس الوقت اقدر جهد المرأة و الام الاسطورى فى المنزل و العمل فان كان عمل الرجل من 9الى 6 فان المراءة عملها لاينتهي فى ميعاد محدد بل يمتد الى ال24 ساعة فبعد ان كانت فى بيت اسرتها معززة مدللة لاتعرف تسلق بيضة :oops:
تجد نفسها فى منزل جديد مقيدة بالمسؤولية عن منزل كامل و اطفال وما ادراك ما الاطفال :shock: فانها لاتستطيع ان تسترخى للحظة واحدة وتقول هذة ليست مشكلتى ساذهب لانام انامرهقة ............فاي سيدة تقوم ببزل نفسها كل يوم فى المنزل و العمل فان هذا صادر عن حب خالص لاسرتها .............ولهذا فانها بين الحين والاخر تحب ان تسمع كلمة تقدير فانها كتزكير لها ان تعبها له مقابل
فلا احد في الدنيا يحب ان يعمل ويعمل بلا مقابل :(
فان كان الزوج يحصل على ثمرة كدة اخر الشهر او في البنك فان الزوجة ليس عندها بنك تصرف منه الا الزوج المحترم :D
الهجان
عضو نشيط جدا
عضو نشيط جدا
اشترك في: أكتوبر 23, 2005
مكان: قاهرة المعز لدين الله الفاطمى
المواضيع: 37
مشاركات: 729
الصور: 4
Yahoo Messenger: elhagano@yahoo.com

مشاركة بواسطة الهجان »

الاخت بلقيس :shock:
حلوة الامثال دية جميلة انا قاعد اضحك من ساعتها
الاخت لولو :-k
واللهى ان قعدت فى بيت اهلها معززة مكرمة ومجلهاش ابن الحلال
تقول انا حظى نحس ومبيجليش عرسان
وان اتجوزت تقول انا حظى نحس وجوزى وجوزى وجوزى ......
هما كدة كل الحريم غاويين مشاكل
وبصراحة انا لية مفهوم مختلف شوية يمكن يكون خطأ عند بعض الناس
ولكن دى وجهة نظرى

انا بصراحة ضد حرية المراءة وعمل المراءة
واحب قاعدتها فى البيت تظبط وترتب بيتها وتهتم باولادها
وتقينا المشاكل اللى بتحصل خارج البيت من قيل وقال
الست مكانها البيت بس
كفاية علية مشاكلها فى البيت من جارتى وامى وامها وعاوزة وهاتلى
واعملى ونبيع ونشترى ونغير يوووووووووووووووووووووووووووووة فيلم هندى
وبعدين انا عصبى جدا
اة الموضوع دة تعب اعصابى :-({|=
كفاية كدة احسن تزعلو منى
واسيبكم على خير وصفاء واعصاب مش محروقة احسن ربنا ما يوريكم
عصبية الحريم يا نهار ابيض :(
ان كيدهن عظيم :D
التوقيع
صورة
لولو
مشرف سابق
مشرف سابق
اشترك في: نوفمبر 01, 2005
العمر: 48
مكان: مصر
المواضيع: 42
مشاركات: 900
الصور: 2
الأوسمة: 1
وسام المترجم

مشاركة بواسطة لولو »

لا ابدا مافيش زعل ولا حاجة ................ =P~

العودة إلى ”تجمع ملتقى الهواة“