حجات تحرق الدم( الجزء الاول )

[البطل العربي الصغير]

تحرق الدم

ملحوظه * كل من يعاني من اضطرابت في ضغط الدم اوعنده دم منم اساسه انصحه يفوت الموضوع ده وبلاش يشيلني ذنبه لو جرا له حاجه الواحد مش ناقص وقد اعزر من انذر
********************************

*صخره وقعت من فوق عماره ولوح الازاز الي تحتها ما تكسرش ليه؟
علشان موقعتش عليها
*ليه المسطول بيحط جنبه كبايه شاي وهوا نايم؟
عشان الشاي منبه
*طب وليه بيحط جنب كبايه الشاي كبايه قهوه؟
عشان لو الشاي مارنش
*طيب ليه بيحط ملح علي راسه؟
عشان يبقي حدق
*وليه بيحط سكر علي الكراسي قبل ما يقعد؟
عشان تبقي قعدته حلوه
*حاجه طيره في السما وبتقول نيو ؟ ايه هي؟
قطه بيضه مضروبه بالشلوت
*طيب حاجه سوده طيره في السما وبتقول نيو؟
غراب بيستهبل
*حاجه زرقاء طيره في السما ايه هي؟
دبانه لبسه بنطلون جنز
*حاجه سوده وفيها خط احمر وطيره في السما من الشرق الي الغرب؟
ذبابه لبسه فستان سواريه وحطه روج وريحه فرح وحده صحبتها
*طيب حاجه سوده وفيها خط احمر وطيره في السما من الغرب للشرق؟
نفس الذبابه نسيت حاجه في البيت راحت تجبها
*نقطه سوده علي الحيطه ؟
ذبابه
*طيب نقطتين سود علي الحيطه ؟
فيشه
*طيب ثلاث نقط ؟
فيشه وذبابه
*حاجه رفيعه وطويله ولونها ابيض؟
فتله بيضه
*طيب حاجه رفيعه وطويله ولونها اسود ؟
خيال الفتله البيضه
*ايه هوا الحيوان الصغير الازرق الي بيأكل الظلت ؟
هوا ابن الحيوان الكبير الازرق الي بياكل الظلت
*ايه هوا عكس كنكريت ؟
*لاتكن كريت
*ايه هوا عكس تلميذات؟
dont tell me that
*ليه الثعلب تخين ؟
علشان الثعلب fat fat
*حاجه مشيه علي الارض بتعمل ززززززززززز ايه هي؟
صرصار راكب موتوسكل
*طيب ناس دخلو شقه عرفو ان فيها صراصير عرفو ازاي ؟
لقيو الصرصار راكن الموتوسكل جنب البلاعه
*تعرف تقول لي فرقين بين الليمون والزيتون ؟
فيه ليموناته ومفيش زيتوناته 2 تقدر تقول الناس لموني ومتقدرش تقول الناس زيتوني
*تعرف تقول اربع فروق بين البطه والوزه ؟
1تقدر تبلبط في البحر لكن متقدرش تبلوز فيه
2تقدر تحلق شعرك زلبطه ومتقدرش تحلقه زا الوزه
3في بحار اسمه ابن بطوطه ومفيش ابن وزوزه
4 تقدر تتغطي ببطانيه ومتقدرش تتغطي بوزانيه

(((((هذا ليس الكل انا سوف انشره علي هيئه حلقات ))))))).

((((((((((((((((((((وشكرا ))))))))))))))))))))))))))))))

[البطل العربي الصغير]

ايه مفيش حد هيعلق ماشي

[لولو]

ظزيف جد1 بقالى كتير مسمعتش نكت فكرتنى بايام المدرسة

[بلقيس]

لا يا لولو دي مش نكت
دي حاجات تحرق الدم فعلا
من عنوان الموضوع بصراحة خفت ادخل
خفت احرق شوية الدم اللي عندي
بس دخلت علشان مستنية الجزء التاني يمكن تكون حاجات تفرح القلب
جميلة جدا اخي البطل العربي الصغير
في انتظار المزيد من حرق الدم
بس ياترى مين هيتبرعلي بدم لما دمي كله يتحرق

في انتظار الجزء الثاني

[الهجان]

ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه هه هههههه
عارف كل دة اية
ضحك متقطع
ههههههههههههههههههههههههههههههههههه
حلوةةةةةةةةةةةةة
قمة الشلل
فى انتظار الجزء التانى بس تعالا قولو لية فى المستشفى

[البطل العربي الصغير]

ماشي شكرا لمروركم الجزء الثاني قريبا

[Zizo_ST]

حلوه يا بطل
بس مستنيين الجزء التانى يمكن دمنا يروق بعد ما حرقتهولنا

بالتوفيق يا بطل

[محمد جرادات]

حلوة يا بطل ياعربي يا صغير ملعوبة صح موضوعك اجى في الجول تمام حرقة دم قبل النوم ممكن تكون مفيدة
بالتوفيق ونحن بانتظار الجزء الثاني