مبتدئ في عالم الحسون

[دبدوب خجول]

عندي ذكر حسون كان مع انثى كناري جلسوا فتره طويله والانثى وش حليلها بس كل فتره تبيض وكل ما بيضت طلع البيض مو مخصب يمكن 9 مرات والله حتى اني صرت اشيل العش اخاف تبيض بعدين مليت قلت بنفسي ما ذنب هذه الجميلة تبقى بلى خلفه والان رحت زوجتها كناري مثلها . وشفت الحسون جالس لوحده يكسر الخاطر رحت شريت له انثى تسليه. اول ماجبتها كانت هاديه باليوم الاول باليوم الثاني اصبحت كالمجنونه تضرب بالقفص وكل ماقربت من الدكر صرصر عليها وخافت منه . سؤال هل اتركهما مع بعض او افصلهم وللعلم مازل المنقار اسود لكلا الزوجين. وسؤال اخر هل الحسون شرس بطبعه الاحظ عندما اطيره بغرفه الطيور الاحظ انه اناني يحب يستولي على كل شي ويضرب كل الطيور واي طير يشوفه ياكل يروح يتمشكل معه علشان ما ياكل. وعلى فكره الذكر مايغرد مع انه ريشه كامل وانا اشتريته من 3 شهور والانثى قبل 3 ايام.
*** نداء الى استاذنا شيوخ الحسون هل تستطيع بالنظر الى صورة الطير تميز هل هو ذكر ام انثى . واذا كانت الاجابة بنعم ماهي الاهم النقاط اللي لازم اصورها بالطير . يعني مثلا ادقق على صوره الراس والا الجسم .والا العين

[ناصر]

السلام عليكم
اخي دبدوب خجول حسب ما فهمت من كلامك ان الحسون عندك ليس جاهز للتزويج ومن المفروض عزله في قفص لوحده لكي تكتمل جهوزيته وعندما يكون تغريده قوي ويختفي السواد من المنقار ولونه ابيض في هذه اللحظه يكون جاهز للتزويج انت ضيعت تسع بطون من الانثى بلا نتيجه مما يأدي الى ارهاق الانثى واخاف من الانثى عندما يجهز الحسون تمتنع عن البيض لكثرة البطون التي باظتها من المفروض تزويجها لذكر كناري لكي تستفيد منها ..........
من ناحية الحسون والانثى الجديد من الطبيعي انهم يتشاجرون لانهم ليس موالفين على بعض والموالفه على بعض تحتاج لبعض الوقت ولكني انصحك بعزل الحسون لوحده في الوقت الحاضر لغاية شهر فبراير موعد انتاج الحساسين انا شخصيا اضع الحساسين في اقفاص لوحدهم حتى شهر فبراير وفي اخر فبراير اقوم بو ضعهم مع الاناث

اما من ناحية الصوره يجب التركيز على الراس في اخذ الصوره واظهار كل الراس ولا مانع من التقاط صوره اخرى لأظهار الحسون بالكامل بس الله يستر ليطلع انثى ههههههه

تقبل تحياااااااااااااتي

[دبدوب خجول]

تسلم اخوي ناصر. يعني افصلهم واخلي الاقفاص متقاربة مافي مشكله صح؟ والا عزل معد يشوفها.
الله يستر بس احساسي انه ذكر لانه دايم يتخانق مع ذكور الكناري ويتخانق مع انثى الحسون ومرره غرد لمره وحده بالغلط.وطول الوقت يصرصر .عموما بكره اصوره واحط الصوره

[ناصر]

افصلهم وخلي الاقفاص متقاربه مو مشكله المهم فصلهم

اتمنى ان يطلع الحسون ذكر ان شاء الله

المهم انا وانت نايمين في المنتدى ههههههه

[دبدوب خجول]

ههههههههه ناصر انا وانت 24 ساعه بالمنتدى . لازم اكلم استاذنا عبده ابو اسير يقلدنا رتبه عكسريه علشان نحرس المنتدى

[ناصر]

وانا اكلم فيصل يجيب حرامين نتغطى من البرد هههههههههه

لقد سقط مني سهو كنت اريد ان ابلغك بخصوص انثى الحسون من الافضل وضعها الان في قفص كبير حتى تجهز في اسرع مده ولازم تخليهن ينامن بدري بدون سهر على الاضواء مما يتسبب في تاخير جهوزيتهن

ملاحظه :انا شخصيا الحساسين عندي تنام طبيعي عندما تغيب الشمس وتصحى مع طلوع النهار ولا استخدم اضواء نهائيا لان السهر للحساسين في هذه الفتره ياخر من الجهوزيه

تحياااااااااااااتي لك

[دبدوب خجول]

اخوي ناصر هي بس تطامر بالقفص كانها خايفه مادري ليش مع انه اول ماجبتها كانت هاديه هل تتوقع ان الذكر ارعبها