مفاجا من العيار الثقيل

[mr.nasser]

بسم اللة الرحمن الرحيم
اخوانى الاعزاء اليكم هذة الحادثة الغريبة وهى
منذ كام يوم اشتريت انثى البينو فشر قال لى صاحبها انها لسة بايضة والبيض طلع غير مخصب فشترتها منة وقدمتها الى الذكر ثم ادخلتها الية وبعد كام يوم لاحظت ان الانثى بتجامع المجثم وكل ما الذكر يحاول ان يجامعها تضربة وتستمر فى مجامعة المجثم يا للهول وحدث ذالك ثلاث ايام متصلين
الرجاء تفسير ذالك من الخبراء
والسلام عليكم ورحمة اللة وبركاتة
ناصر الفلاح

[الهجان]

اخى العزيز
كيف انخدعت وانت تربى اكثر انواع طيور الحب
كان يمكنك معرفة الانثى التى باضت مسبقا من عظام الحوض
فاذا كانت طولية اصبح ذكر اما اذا كانت عرضية فكانت انثى
اما لموضوع المجثم هذا لقد قرأت لك موضوع سابق
فية كلام عن كبس المجثم هوا فية
مجثم اية دة اللى كل طيورك بتكبسة حاجة غريبة فعلا
والى الامام دائما

[وليد الشحات]

أخى الفاضل
يجب عليك دائما التأكد من الطيور الجديدة
ويجب عليك ان تتفحص الطائر بنفسك والطيور الكبيرة تستطيع بسهولة التفرقة بين الذكر والانثى
اسمحلى بهذة الدعابة

( غير المجثم ممكن يكون هو الى فية المشكلة اكيد المجثم دى انثى وكل طيورك ذكور )
اتمنى من الله ان ييسر لك الامور اخى ناصر

[mr.nasser]

بسم اللة الرحمن الرحيم
اخوانى الاحباء اولا شكرا على الاستهزاء بتعكم وانا كنت متوقع ذالك وانى منتظر اكتر
من ذلك فعلا ( اليى مايعرفش يقول عدس)
احب اعرفكم شىء بسيط احنا بنعرف الذكر من الانثى من عمر شهر تقريبا وللعلم احنا بنربى العصافير من 15 سنة بالتمام يعنى مش هتعدى حاجة مثل هذة علية( ماشى يا.............)
انا متاسف جدا يا استاذ عبدة همة اليى ابتدوا وايضا الاعتزار لبقية اعضاء المنتدى
انا انشاء اللة نازل السوق يوم الجمعة اليى عاوز يشوف الانثى يقابلنى وايضا انا مستعد لاى حوار بس بالذوق

[أبو رشيد]

اخي العزيز ان كلي ثقة ان الهجان و وليد يداعبونك فقط لانهم يحبونك وانا تابعت الموضوع ولم ارى اية اساءة كل ما في الامر انهم يمازحونك فلا تحزن او تغضب خذ الامور بروح رياضية وموضوعك شوي غريب وغامض اذا ممكن ان تعطينا تفاصيل اكثر لكي تصلنا الصورة كما تراها انت وشكرا.

[EL-Ba7aaar]

بنسبة لموضوع المزاح والمداعبة هون عليك يا أخي كلنا أخوة
سؤال
هل تفحصت المنطقة حول فتحة الأخراج قد يكون والشر بعيد نوع من الألتهاب او الفاش وطائر يحك هذة المنطقة في المجثم والله أعلم

[وليد الشحات]

اخى الفاضل
ناصر الفلاح
هذة يا اخى مجرد دعابة وانا كتبت كدا قبل ما اكتبها والله يا اخى انت صعب واذا كنت غاضب فاعتذارى يا اخى الفاضل
بس انا عايز اقولك حاجة صغيرة مفيش حد كبير على العلم وان يتعلم كلنا نتعلم مهما كبر بنا السن اما عن موضوع ان تتعرف على الذكر والانثى فى عمر شهر فهذا صعب ونحن جميعا نعرف ذلك
تحياتى لك ولكل من شارك بالرد الطيب

[Zizo_ST]

اخى mr.nasser لا تتضايق او تتخيل أشياء لا صحة لها
كل الاعضاء يمازحونك والله ولا يوجد اى نوع من السخريه
فكلنا هنا لنتعلم وكثيرا ما سمعنا ورأينا فى طيورنا الكثير والكثير من الامور الغريبه وكثيرا ما سوف نرى

طب تعالى شوف اخى البحار بنهزر معاه هزار تقيل اد ايه

فى منتدى البادجى وانت تتأكد انك فهمت خطأ
بالتوفيق اخى

[الهجان]

بسم اللة الرحمن الرحيم
اخوانى الاحباء اولا شكرا على الاستهزاء بتعكم وانا كنت متوقع ذالك وانى منتظر اكتر
من ذلك فعلا ( اليى مايعرفش يقول عدس)
احب اعرفكم شىء بسيط احنا بنعرف الذكر من الانثى من عمر شهر تقريبا وللعلم احنا بنربى العصافير من 15 سنة بالتمام يعنى مش هتعدى حاجة مثل هذة علية( ماشى يا.............)
انا متاسف جدا يا استاذ عبدة همة اليى ابتدوا وايضا الاعتزار لبقية اعضاء المنتدى
انا انشاء اللة نازل السوق يوم الجمعة اليى عاوز يشوف الانثى يقابلنى وايضا انا مستعد لاى حوار بس بالذوق

اخى العزيز
الاخوة الاعضاء
اولا
انا لم استهزء بك
لانك تعرض مشكلة عندك والاستهزاء حاجة تانية غير الذى نتكلم بشأنة
ثانيا
اللى ميعرفش يقول عدس
يموت المعلم وهوا بيتعلم
ومهما وصلت لمراحل متقدمة فى تربيتك سوف تطمع فى المزيد من الخبرة ها هى الحياة كل يوم جديد و جديد
ثالثا
لما انت منتظر اكثر من ذلك كتبت تقول بسنتهزء بيك لية
رابعا
لما انت بتعرف الذكر من الانثى فى عمر شهر
بتسأل لية اذا كانت انثى ام ذكر
خامسا
وضع نقاط بعد كلمة ماشى يا معناها سب علنى فى كلامك
وانا لا اقبل ذلك وكلمة هما اللى ابتدو دلالة على نيتك السيئة فى السب العلنى
سادسا
انزل انت السوق اسأل هناك ووريها لذوى الخبرة علشان تحدد اذا كانت ذكر ام انثى فالسؤال يخصك مش يخصنى
سابعا والاهم
الشخص الناضج المتعلم يظهر من طريقة حوارة وكلامة
طبعا انا بكلمك بكل وقار وعدم تبجح ومعنديش نية مطلقا انى اقولك كلام جارح لانى ارى فيك عدم النضج الفكرى وطبعا كل واحد ولية وجهة نظر ورأى
لانك ترد على الناس اللى حبت تساعدك وهزرت معاك بكلمتين بانهم
.................
ويكفى هذا القدر
واتمنى لك التوفيق والنجاح والازدهار فى تربية طيور الحب
والى الامام دائما

[أبو رشيد]

يا جماعة كلنا اخوان هنا ولا تورد الابل بهذه الطريقة، ارجوا من الجميع التحلي برو ح رياضية والتمسوا لاخوكم عذرا، اتمنى من حضرات الاعضاء ان يكون الرد في صميم الموضوع لتعم الفائدة.