احببت انضمامي ومنذ زمن طويل الى هذا المنتدى ومشاركتي في كثير من مواضيعه و تصفحي للكثير من الصور التي فيه و مقاطع الفيديو
الكثير منكم يعلم ما هي مشكلتي ولكن حتى الان وللاسف لم تحل هذه المشكله
وانا باتنظار مساعدتكم حتى الان
المشكلة:
قبل اكثر من سنة ونص اشتريت عصفور كنار ابيض على اساس انه كبير و عمره 6شهور وضايله شهر وبشتغل وانه ذكر ولم اكن افقه في الكناري شيء
وبعد ما شافه كم واحد حكولي هذا صغير
المهم انه هسه على الاقل عمره سنة وسبعة شهور
حطيت اله كم صوره في المنتدى ورح احطهم كمان في هذا الموضوع
و بعد هذا العصفور بفترة اشتريت كمان عصفور ابيض حتى ازوجهم لبعض, وعلى اساس انه انثى
و كمان هذه العصفوره الجميلة على كلام صاحبها انها بايضة عنده 3بطون
و شافها كم واحد وحكولي انها صغيره و بعدها فرخ ومستحيل انها باضت
المهم
وقعة ووقعناها
يا جماعة الخير والله اني متذايق على هذا الموضوع كثير
انتو ليش مش فاهميني
المشكله اني يمكن هادي وساكت بس بخاف بيوم اكون متذايق كثير واروح على هالشيخ الي باعني العصفور واخذ كل العصافير الي عنده وادقه قتله مرتبه واضلني مروح , بس الواحد الحمدلله عقلنا وهدينا وما بدنا مشاكل وكبرنا على هيك شغلات
ووالله انو الموضوع بذايق كثير
والله استنيت هالعصفور شهر بشهر و يوم بيوم وساعة بساعة
اروح من الشغل دغري على العصفور
افتحله القفص و اطلعه يطير براحته وبعدها يرجع على القفص لحاله
و متذكرين قبل فتره كتبت بموضوع انو عصفوري طار من القفص وراح عند الجيران وكان هاي اول مره بطير بره الغرفه وبعدها الحمد لله رجع على القفص
وبتقدرو تحكو انا بحبه و هو صاحبي
واش اعمل
بلاش اكمل حكى بلا ما حدى يعيط(يبكي) هسه
ههههه
والله اني احبكم في الله لما وجدت في كلامكم من خير واخلاق عالية وحسن الصداقة
لهيك ساعدونا الله يساعدكم ويبارك فيكم يا جماعة الخير
و سمعونا نصائحكم
و همه فعلن ذكر وانثى ولا لأ؟ مثل ما انا اشتريتهم صح ولا طلع الحكي مش مزبوط؟؟
في حد بقدر يساعدني فيهم؟؟
طبعا انا ذكرت قبل هيك حطيت للانثى قش وما لفت العش
و بعدها حطيتهم فترة من الزمن مع بعض بقفص واحد لانو في واحد حكالي انهم بلفو العش مع بعض
وكمان ما صار اشي
وانا الان اكثر من ثلاث شهور وحتى الان فاصلهم عن بعض و حاطط قفص فوق قفص
بطلعهم تقريبا يومين - ثلث ايام بتحممو مع بعض وبلاحظ انهم بحطو ثمهم على بعض مرات وهمه واقفين فوق القفص
هذه صور العصافير تصوير الان واي اشي بدكم اياه كمان احكولي وانا جاهز, بدكم اصور ارضية القفص صورة تظهر فيها فضلات براز العصافير خوفا انهم مريضين احكولي وانا جاهز.
اعزكم الله واكرمكم و جزاكم كل خير
الان ابدا بالعصفور الي على اساس انه ذكر:
1

و2

و3

و4

و5

و6

و7

و8

وفي بمواضيعي المزيد من الصور لكليهما
واما الان مع الصور للعصفور الذي على اساس انه انثى:
1

و2

و3

و4

و5

و6

و7

و8

وغدا ان شاء الله ساضيف بعض لقطات الفيديو لهما



