جمعة مباركة عليكم جميعا ...
الصراحة اليوم الحالة معقدة شوي ...
يوم الجمعة اللي مضى ... أشتريت كنارين ....
واحد أنثى يسموها عنا ماوردية ... " لون مرغوب "
ومعها مخلف " ما معروف ذكر أو أنثى " صحيا حالته سيئة .... بروز عظمة الصدر ... ومقصوص زيله .. ومقصوص منقاره بطريقة غبية جدا .
أشتريتهم لسببين .. الأول صاحبهم بدو يبيعهم التنين سوا ... ما رضي يبيعني الأنثى لوحدها ..
السبب التاني ... المخلف والله أعلم مانو بلدي صافي ... مواصفاته حلوي .... وقفته ورقبته ... ونحيف ... والصور موجودة ..
المهم وعذرا على الإطالة ....
- لو تقدرو تفيدوني بنوع الكنار .. أو إذا كان بندوق من نوع أو ما شابه ذالك ..
- بروز عظمة الصدر ... إذا كانت مشكلة شو حلها ؟ ... مع العلم أنو من الصعب جدا الوصول لصيدلية بيطرية هلأ .. يعني الأعتماد على الموجود بالمنزل ( نقطة .. أغلب البناديق عنا .. بكونو نحاف وعظمتهم بارزة )
- المنقار .... الكنار عم يلاقي صعوبة بالأكل ... خصيصا البريق ... حتى أني أطريت أطعميه بيدي .. أول يوم .. وصرله ست أيام عايش بدون ما طعميه بيدي ... يعني بيقدر يعتمد على نفسه .؟
- الشغلة الوحيدة اللي ما فهمتها من صاحبه .. ليش قاصصله زيله ... وهالفترة نحنا طلعنا من مرحلة طرح الريش ... هل سينمو الزيل ... ؟
الله يبارك فيكم ... الحالة معقدة شوي ...
بس ياريت اللي بدو يعطي حل ... يعرف ان الأدوات المتوفرة بالبيت هي الوحيدة المتاحة ... يعني طلعة من البيت صعبة جدا . ومشكورين سلفا ...
صور الكنار ....




صور منقاره ...


وجزاكم الله خيرا ...
































