خبراء الافريقي شفولى حل مع بوبو

[بنت السحاب]

السلام عليكم

بوبو الافريقي الى عندي انثى حطيتلكم صورها فى المنتدي
هي اليفه وحبوبه وما تجعر ولما اكون نايمه ما تطلع صوت تنتضرني اصحى بعدين تبدي تسوي جنانها لاحضت عليها لمااكون عندها تصفر شي بسيط لما اطلع من الغرفه واخليها تصير تقلد صوت البسه وتصفر كانها تنادي المهم هي تحاول تتكلم لمااحطها مع اهلى وتسمع الاصوات تتكلم كلام مو مفهوم المشكله الحين انها تحب تخرج من القفص وما تحب تدخل فيه وماترضى تطلع على يدي وما تنام جوه القفص تنام فوقه تخليني احك راسها وما تعض بس احيان تعض وانا غافله عنها يعني اكون احك راسها واسرح تقوم تعضني ماترضى تطلع على يدي كل ماامد يدي لها وفيها اكل تاكل حبه وبعدين تنزل راسها او تاخذ حبه وتنحاش هذا كله وهي خارج القفص وش اسوي معها ابيها تحبني وتطلع على يدي

[المطر]

حلو اسم"بوبو"على مااضن هذا واحد مسمي نفسه بوبو ومشهور بالتفحيط والله اعلم..^^

الصبر بيخلي طيرك بو بو بيطلع على يدك بس اصبرى عليها
وننتضر رد الاخوه..

[abo shihab]

والله انا قليل الخبره (بالأفريقي)كان ودي اساعدك يا اختي
بس العين بصيره واليد قصيره اخاف اعطيك نصايح غلط
بعدها يطيح الفاس بالراس ..

انا طلبت مساعده واستشاره ما رد الا بنت السحاب !! الله المستعان
هذا موضوعي ........ومساعده ..اضغط هنا..

يا اخوان نحتاج مساعدتكم وخبرتكم ...

تحياتي للجميع

[بنت السحاب]

اخوي مطر شكرا على مرورك بس مااختلفنا نصبر بس وش الطريققه الى اتبعها معه

اخوي abo shihab والله الحال من بعضه والخبراء مطنشين مادري ليش

[Dr.Sniper]

فيه طريقة العصايتين ،،،،،،،،

وفيه طريقه، مبتكره، أضنها تنفع مع ببغائك دامه اليف ،،،،،،، وهي:

حطي القفص قدامك، على الأرض، وخذي أفضل أكل عنده، وضعيه في يدك اليسار، بعدين خليه يشوفك وإنتي تنقلين الأكل من اليسار لليمين، ثم تعطينه الأكل. (الهدف هو أن يعرف الربط بين اليمين واليسار). بعدين خلي الأكل في اليسار، وضعي اليمين أمامه، (طبيعي راح يدور على الأكل داخل يدك). بعدين راح يتذكر إن الأكل كان يجي من اليسار لليمين، (وطبيعي راح يعرف إن الأكل في اليسار). الآن هدفه الأكل، ويدك أمامه،،،،، بعدها قربي يدك اليسار منه ثم أبعديها إذا أراد أن يأخذ الأكل منها.

ولكن أبقي المسافه بين يدك اليمين واليسار قريبه من بعضها. بحيث أن أول شيء يخطر في باله إنه، ينزل رجل واحده على يدك اليمين علشان يوصل لليسار.

وبكذا قطعنا نصف المشوار، شوية شوية من نفس الطريقه، راح يبطل يخاف من إحتكاك رجله بيدك. (وهذا هو الشيء الوحيد الذي يخافه ببغائك) على ما أظن.

أتمنى أني أكون قد وفقت في شرح الطريقه،


(عز الله لو إني مدرس ما ينجح واحد).

أخوك: Dr.Sniper

[تيتة]

كل ما بتسمعينها تتكلم
حاولي تكافاينها باي شيء تحبه
وخاصه البذر

[سولومو]

التعامل مع الافريقى فن جميل لابد ان تلغى فكره انه ببغاء وانتى انسانه
لابد ان تعتبريه طفل صغير من الواضح انك لاتعطيه الاهتمام الكامل بعض الوقت والسبب فى ذلك انها لاتريد ان تدخل السجن اقصد القفص فهى تريد منك كثيرا من الحنان ......
بعد ذلك ستجدى موضوع طلوعها على يدك بسيط جدا
افتحى باب القفص وهى طبعا بالداخل وضعى يدك لها داخل القفص لكى تتلمسها بلسانها لاتجعليها تخرج من القفص الااذا طلعت على يدك واذا رفضت اخرجى يدك من القفص واغلقيه واتركيها ثم عاودى الكره ثانى
حتى تطلع على يدك ان شاء الله

[بنت السحاب]

Dr.Sniper شكرا على مرورك والطريقه المبتكره ومن يقول لو انك مدرس ماحد نجح بالعكس طريقتك جدا واضحه وراح اطبقها ان شاء الله واعلمك بالنتائج

اختي تيته هي اصلا تنطق هي ما تقول غير ميووو وتلحنها بعد كل مره بشكل كانها بس

سولومو المشكله انه عندي دوامين فى الصباح وبعد الضهر مشكله من جد وهي طول الوقت بره القفص ماادخلها الا وقت النوم

[بوناصر]

اظن ان الدكتور كفى ووفى

يادكتور انصحك شيل فكرة التدريس من بالك

اتمنى التوفيق للجميع

[بنت السحاب]

ابو ناصر شكرا لمرورك