مشكلة في بغبغاء الدرة

[أم سلمان]

السلام عليكم ورحمة الله وبركاته

عندي مشكله مع بغبغائي الدرة المدلل صار له سنوات وحيد ومتعلق فيني من فترة شريت له انثى اصغر منه اليفه
المشكله مب متقبلها ويخاف منها
الحين عزلته معاها بقفص لحالهم ولا يطلع الا وقت تغير الأكل دقائق وارجعه داخل القفص
لما اقربهم مع بعض وهو يغني تنزل راسها له وتظهر صوت خفيف بس بغبغائي يهرب منها

هل الى عملته معاه صح والله غلط ؟؟ما ادرى متى يتوالف معاها الحين بكمل الأسبوع الثاني لحد الحين مافي اى تغير ؟هل احط لهم البيت والله انتظر لشهر 2 اثبته بالقفص؟؟

الى عنده حل يدلنى عليها ولكم جزيل الشكر...

[ESSAM_DOWIDAR]

بسم الله الرحمن الرحيم

اختى الفاضله ان شاء الله لا توجد مشكله ولكن الامر سيتطلب مزيد من الوقت فلا تقلقى وانتظرى قليلا حتى يحدث التوالف لوضع العش.
هناك ملاحظه بسيطه وهى انك تريدين طيور وليفه وفى نفس الوقت تستطعين فرخها ولكن هذا الامر لن يكون بنفس الكفاءه بمعنى ان الطيور ان دخلت مرحله الفرخ والتوالف فيما بينها فستجدين تراجع كبير فى درجه الالفه وظهور بعض العدائيه لديهم تجاهك اما ان ظلو بنفس القدر من الالفه او بتغير بسيط معك فاعتقد انهم لن ينجحوا بشكل جيد فى التفريخ والله اعلم وبالتوفيق

[أم سلمان]

جزاك الله خير ياخوي على ردك

من ناحيه الصبر بصبر عليه لما اشوف آخرتها معاها اهم شي بالموضوع يكونون متواليفين مع بعض نفس طيور الكوكتيل عالاقل تكون له حياه خاصه من نفس فصيلته ويبتعد عنى شويه ازعج الاهل من كثر صراخه لما اكون مب موجوده في البيت

عساك دوووم عالقوة...