تحب تزورني بهولندا وتتجول بشوارع المدينة وانت جالس بمكانك ؟!

[الباشق البغدادي]

تنبيه !!
الموضوع كنت قد نشرته من قبل في منتدى عراقي , لذا تجد ان اللهجة التي اعتمدتها هي البغدادية , فعذراً لمن اشكل عليه فهم شيئ منها , وله ان يختار ما اشكل عليه من مفردات ويتفضل بالسؤال .. وسأوافيه بالحال باذن الله .





لعشاق السياحة والسفر ..... التجوال والسياااااحة.
تحب تشوف اي بلد بالعالم وتتجول بشوارعه وانت بمكانك ؟
تحب تشوف مدينة صديقك المغترب وتتجول بالشوارع وانت بمكانك ؟
تحب ( بدافع الفضول هههههه ) تتلصص على شقق اصدقائك الي بالسويد او هولندا او امريكا وانت بمكانك؟
طبعا كل هذا بصورة متحركة تحركهة بالماوس وتدخل اي شارع يعجبك , او اي حديقة عامة .
لعد إقرأ الموضوع لنهايته وطبق الخطوات الي حأكتبهة على اي بلد تختاره ورا ما تدخل ع الرابط الي حخليه الك ...
حنطبق مثال على منطقتي وتحديدا البناية والشقة الي اني ساكن بيهة , وطبعا انت حر تتجول بكل الشوارع الي بالمنطقة وتتفرج اخوك الباشق وين ساكن وتنطي رأيك بالمنطقة ..
بعدين تطبقوها للفكرة على اي بلد تحبون تزوروه .
حنبلش باسم الله :
خلي يمك ورقة وسجل رؤوس اقلام للخطوات , او افتح صفحة انترنت جديدة ورأساً اقرأ وطبق .
حخليلك رابط ع الكوكل خريطة هولندا ... بس خليه بالنهاية لحتى تقرأ الخطوات وتسجلهة وتبدي تطبق , وتكدر تكتب خريطة السويد بدل هولندا , او بريطانيا , او الصين او ...... زمبابوي مثلا!!
1: تكبس ع الرابط الي حنطيلكياه فحتطلعلك خريطة هولندا Netherland map. طبعا بيها اسماء مناطقها منها امستردام.
2:تكبس كلكين شمال على كلمة أمستردام Amsterdam , لمن تتكبر عندك الصورة تلاحظ بدقة الكلمات المكتوبة .
3:حتلكي فوك كلمة امستردام كلمة زانستاد Zaanstad, تكبس عليها كلكين شمال , ولمن تتكبر عندك الصورة تكبس كلكين شمال مرة لخ على كلمة زانستاد حتكبرالصورة اكثر .
4:حتشوف هسة جواها لكلمة زانستاد ع اليمين شوية مكتوب كلمة زاندام Zaandam , كلكين شمال عليها , ثم كلكين شمال حتكبر اكثر , ثم مرة ثالثة كلكين شمال .
5:حتشوف هسة على يمين كلمة زاندام اكو شارع لونه اصفر , تنزل وياه شوية ( يعني تتمزلك عليه مثل حية ودرج ) حتشوف مكتوب على نفس الخط الاصفر للاسفل قبل تقاطع الخطوط الصفر مكتوب كلمة فيباوت ستراتت Wibautstraat ( طبعا هاي باللفظ الهولندي ), اكبس كلكين شمال على كلمة فيباوت سترات ( على نفس الكلمة ) .
6: حتكبر الصورة حتشوف اسم الشارع مكتوب تلث مرات تكبس كلكين شمال على الكلمة الوسط منهم ( طبعا تلاثتهم مكتوبين فيباوت سترات ) .
7: حتطلعلك الصورة تشوف الشارع مكتوب عليه فيباوت سترات - مربع ازرق بالنص - فيباوت سترات ... هيج مكتوبة Wibautstraat Wibautstraat
8: تكبس ع المربع الازرق كلكين شمال , بعدما كبرت الصورة اكبس مرة لخ كلكين شمال ع المربع الازرق .
9: حتشوف هسة جوة منه ع اليمين شوية مكتوب رقم 81 كلكين شمال ع الرقم , حتكبر الصورة ثم كلكين شمال ع الرقم مرة لخ حتنفتحلك الكمرا على البناية الي اني ساكن بيها .
حتلكي اسفل الشاشة سهم يمنى وسهم يسرى حتى تتنقل وتتجول , واذا خليت الماوس على مكان حيطلعلك مربع مظلل اكبس عليه حتى تقرب الصورة , بمعنى انو خلي المربع على بداية شارع واكبس عليه حتدخل اي شارع وتتجول براحتك .
بعدما خلصت انطينا رأيك بشلاع الكَلب هذا وروح طبقه على اي بلد تحب .
رابط خريطة هولندا هو:
http://maps.google.nl/maps?utm_campaign ... _term=maps

ان شاء الله تستمتعون بالرحلة

[مهند ابو دويح]

اخي استغرقت ساعة وانا ابحث عن كلمة أمستر دام
يا ريت تحدد مكانها

[الباشق البغدادي]

اخي استغرقت ساعة وانا ابحث عن كلمة أمستر دام
يا ريت تحدد مكانها

!!!!!!!!!!!!!
اخي في مركز الصفحة كمستطيل , في السنتر , اما اذا نظرت لها من ناحية اخرى وهي ان الجزء الايمن هو اليابسة و الجزء الايسر هو ماء , فتكون في الجزء القريب من البحر في منتصف الطول , لاهي في الارتفاع من اليابسة ولافي الانخفاض بل في الوسط .
بالتوفيق .

[أبو وديع]

هههه صدق شلعان قلب ههه

راح اجربها بس مو هسة لان لازم اطلع

عود من اطلع بيتك ادزلك رسالى اطلع نشوفك

[مهند ابو دويح]

حتشوف مكتوب على نفس الخط الاصفر للاسفل قبل تقاطع الخطوط الصفر مكتوب كلمة فيباوت ستراتت Wibautstraat ( طبعا هاي باللفظ الهولندي ), اكبس كلكين شمال على كلمة فيباوت سترات ( على نفس الكلمة ) .
6: حتكبر الصورة حتشوف اسم الشارع مكتوب تلث مرات تكبس كلكين شمال على الكلمة الوسط منهم ( طبعا تلاثتهم مكتوبين فيباوت سترات
لم اجدها

[Miss Dana]

هاي خاصيه سووها الكوكل ايرث كلش حلوه اني مطبقتها قبل اشهر على السويد .. بس طبعا الصوره ثابته .. اكو برنامج ثاني ما ادري شسمه يطلعلك مثل الكامرات بكل دولة محطوطه بمكان معين شديصير بهذا المكان بفلان دوله كلش حلو
المهم .. الموضوع كلش حلو وعاشت ايدك

[الباشق البغدادي]

يلة ابو وديع , مرحبتين وهلا , بس شحيجيبك من بيروت لهولندا ؟!!
مهند ابو دويح , ليش ما ضبطت معك !!! كان جيت وبرمت بشارعنا شوي !!
ع كل حال ان شاء الله بتزورنا عنجد مو بس كام .
مس دانا , فعلا هي فد تقنية حلوة وخصوصا انه الي اخوة بغير بلدان ودائما يحبون يشوفون التغيرات الي دتصير مثلا على تصميم البناية والشارع فيعني اخوية بلندن اروح افتر بمنطقته وهو يجي يفتر بمنطقنا وهيج .... بس الكارثة عندي بيت خالتي بفلندا , حاولت اندلهم ... ماكو بس جولة شارع سريع ومنا ومنا اشجار والحك ربعك !!! عبالك منكَطعة ههههههه ..
نورتوا ياشباب .