بسم الله الرحمن الرحيم
والصلاه والسلام على سيد المرسلين
الحمد لله قدر الله وما شاء فعل
انا عندى زوج استرالى عمره سنه اول مره يبيضوا ..وفعلا باضوا وفقس منهم اثنان وباقى
3 بيضات غير مخصبين ...بس مش دى المشكله.
المشكله هو ان من يومين تقريبا لقيت الفرخ الثانى واقع فى ارضيه القفص وهو عمره 4 ايام والفرخ اللى اكبر منه
عمره 7 ايام .. بس قلت عادى انه وقع .. رحت شايله تانى وحطيته فى العش
انهارده الصبح بحطلهم اكل لقيت الانثى بره العش بتشرب رحت فاتح العش عشان ابص عليهم لقيتهم كويسين عادى قفلت العش ونزلت.
ولما رجعت البيت لقيت الفرخ الصغير واقع فى ارضيه القفص وجسمه مليان دم
والفرخ التانى الحمد لله عايش والانثى بتأكله
ودى صور الفرخ اللى مات








والصوره اللى تحت دى صوره الفرخين واللى عليه سهم ده الفرخ اللى مات

مع العلم ان الاب والام حنونين والذكر بيأكل الانثى ، والانثى بتأكل الفروخ ، وعلى طول قاعده جوه،
وبتخرج من العش عشان تخرج فضلاتها وترجع تانى ، يعنى ملتزمه جدا بالرعايه ...بس اللى عايز اعرفه من الاعضاء ..
الفرخ مات ليه وجسمه متبهدل نقر ودم
طبعا ده قضاء الله وقدره..لكن لكل حاجه وليها سبب ....واسف جدا عالأطاله
والسلام عليكم ورحمه الله وبركاته













