من فتره حطيت صور للعصافير بتاعتى و تقريبا كتير قالولى سواء هنا او فى منتديات تانيه ان الاتنين انثى ... و مع ذلك فى بيض من يوم 16 لحد النهارده مافيش غير 8 بيضات واحده بس هيا اللى مهتمه بيهم و التانيه كانت جوا العش دايما بس مش اهتمام زى التانيه .. المشكله ان عصفوره منهم ماتت النهارده لاحظتها من فتره ريشها منفوش لقيتها واقعه فى ارضيه القفص و بتاخد نفسها بصعوبه مسكتها اشوفها بس ربنا كاتب لها الموت الحمدلله على كل شىء ...
المهم بقى التانيه اللى لسه اعتقد ان هيا اللى باضت كل البيض والدليل انها بتخاف عليه جداا و كانت مش بتخاف منى لما لقيتنى بفتح البياضه كتيره بقت اول ماتشوفنى تجرى عليها بتخاف على البيض ..
انا جايباها من شهرين كانت حجمها حلو بس حاسه دلوقتى انها خست شويه و فى ريش من صدرها واقع خالص ومطلع تحت منه حاجات زى ماتكون هاتطلع ريش ، انا خايفه عليها اوى يعنى عايزه احاول احافظ عليها على اد ما اقدر لحد ما ابيعها مش علشان اقول بدل ماتموت ابيعها و اخدها فلوسها لا انا اتضايقت من كتر ماشوفت اللى ماتوا قدامى و اكتر صدمه ان العصفوره دى كنت بحبها اوى كانت 7 شهور و ابدا ماتخيلتش لما هاتموت تكون فى ايدى
انا اخدت بيضه النهارده و عرضتها للضوء فى الضلمه لقيتها بيضا ماعدا ان فيها لون اصفر فى جنب واحد بس .. دا معناه انها فاسده .
و لو فاسده اعمل ايه علشان ما اخليهاش تدخل البياضه تانى ولا تبيض خصوصا انها بقت لوحدها و انا مش عايزه اتعبها بطول جلوسها جوا و علشان صحتها برضه ،، اعمل ايه ؟ انا حطالها دلوقتى اكل و ميا بفيتامين و اليومين اللى فاتوا كنت حاطه مضاد حيوى تتراسيد و مع ذلك عصفوره ماتت
وحاجه كمان مهمه بالليل عامة ماكانوش بيعملوا صوت النهارده العصفوره اللى باقيه بتعمل صوت دايما مع ان شكلها وحركتها كويسه الحمدلله بس ليه بتتصرف و كاننا بالنهار هل ممكن تكون حاسه بعدم وجود التانيه و خصوصا انهم كانوا متوالفين جداااا
شكراا و اسفه على الاطاله [/color] [/color]










