ثورة فى نسب الخلطة الخاصة بالبادجى وطيور الحب

كل ما تريد ان تعرفه عن طيور الحب بأصنافها المختلفة تكاثرها تربيتها الوانها انواعها.

المشرفون: rachid flawta،Sweety_Albino

قوانين المنتدى
الرجاء الاطلاع على قوانين التجمع قبل المشاركة:
قوانين التجمع الدولي لعلم الطيور
dawoody2003
عضو جديد
عضو جديد
اشترك في: سبتمبر 26, 2012
العمر: 48
مكان: egypt
المواضيع: 4
مشاركات: 5
اربي ما يلي: الاسترالى والفيشر

ثورة فى نسب الخلطة الخاصة بالبادجى وطيور الحب

مشاركة بواسطة dawoody2003 »

بعد بحث مضنى جدا على المواقع الاجنبية الموثقة وبعد قراءة العديد من المقالات المختصة بتغذية الطيور وذلك لحل الجدال القائم على المنتديات والجروبات والصفحات بسبب اختلاف الخلطات ساوضح لكم الحقائق التالية ومابعدها من استنتاجات

الدنيبة تحتوى على الاتى
7% الياف (ماء) - 8% بروتين - 2،2% دهون - 74% كربوهيدرات

الفلارس تحتوى على الاتى
7% الياف (ماء) - 16،2 % بروتين - 5،8 % دهون - 59% كربوهيدرات

البينكم يحتوى على الاتى

7% الياف (ماء) - 12،6 % بروتين - 4،2 % دهون - 64،4 % كربوهيدرات

عباد الشمس
14% الياف (ماء) - بروتين 21% - دهون 49% - كربوهيدرات 18%


الشوفان
7% الياف - 16،7% بروتين - 7% دهون - 58 % كربوهيدرات

بذور اللفت
7% الياف -17،6% بروتين - 44،4% دهون - 20% كربوهيدرات

بذور الكتان
7% الياف - 18% بروتين - 41% دهون - 23 % كربوهيدرات

هذة حقائق ثابتة لاتقبل الشك او الجدال
ولى ملاحظة مهمة جدا على هذة النسب
وهى ان المقولة المنتشرة فى مصر عن ان الفلارس يؤدى الى تلييس الطائر هى مقولة خاطئة تماما فالفارق بين البينكم والفلارس هو جزء صغير جدا لا يؤثر باى شكل من الاشكال على نسبة الدهون فى الخلطة

نأتى لاحتياجات الطائر الفعلية الموثقة والمؤكدة من اكثر من مرجع علمى وواكاديمى
وهنتكلم هنا عن اهم عنصرين يحتاجهما الجسم وزيادتهم او نقصانهم يسببا العديد من المشاكل الا وهما البروتين والدهون

بالنسبة للدهون فان جسم الطائر يحتاج الى نسبة من 7% الى 20% من الدهون فى الخلطة وطبعا النسبة بتتغير حسب حالة الطقس والبرودة يعنى مثلا لو انا عامل مزرعة فى انجلترا هحتاج اغلب السنة الى نسبة 20%
وبالنسبة لحالتنا فى مصر اعتقد ان كل شهور السنة ممكن ال 7% تكون كافية جدا جدا وذلك لسببين - الاول الجو المعتدل فى مصر - الثانى حجم الاقفاص فى مصر تجارى جدا وبالتالى الطائر لا يتحرك كثيرا وبالتالى لا يحتاج الى دهون كثيرة حتى يحرقها فى الحركة

بالنسبة للبروتين فان احتياج الطائر الفعلى يقع فى منطقة ال 12%
وترتفع هذة النسبة الى 20% او اكثر اذا كانت هناك زغاليل (طيور حديثة)
لذلك سنعتمد نسبة ال12% على الخلطة لانه عندما تتواجد الزغاليل نضع لهم البيض بالبقسماط وهذة الوجبة كفيلة بتعويض فارق ال 8%

اى اننا فى النهاية سنحتاج الى 12% بروتين على مدار العام (مع وضع وجبة البيض بالبقسماط اثناء التفريخ) - وسنحتاج الى 15% دهون من ديسمبر الى فبراير والى 7% دهون بقية شهور السنة

كيف نحسب النسبة؟
الموضوع سهل ولنعطى مثالا مبسطا
فلنفترض ان الخلطة هى عبارة عن نسبة

2 ك دنيبة الى 1 ك فلارس الى 2 ك بينكم
ودى الخلطة المتعارف عليها فى مصر
لنحسب نسبة الدهون

2 * 2،2% + 1 * 5،8 % + 2 * 4،2 (راجع النسب التى وضعتها بالاعلى

= 4،4% + 5،8 % +8،4 % = 18،6% ودى نقسمها على على 5 (مجموع الكيلوات الموضوعة من الانواع المختلفة)

وكدة تطلع النسبة حوالى3،8 % للدهون فى الخلطة وطبعا الرقم دة هيبقى صادم جدا للجميع لانه اقل من الحد الادنى لمتطلبات الطائر بحوالى النصف

طيب تعالوا نحسب البروتين كدة

2*8 + 1*16،2 +2*12،6 = 16+ 16،2 +25،2 =57،4 نقسمهم على خمسة تطلع 11،5% تقريبا اظنها معقولة بالنسبة للبروتين

لكن نحل مشكلة الدهون ازاى طبعا انتوا عندكم كل نوع بيحتوى على نسبة معينة من الدهون وكل واحد حر يحط اللى هوا عاوزة وبراحتة بس اكيد هنحتاج نحط نوع فيه نسبة الدهون عالية شوية عشان نرفع النسبة العامة زى عباد الشمس او بذور اللفت او الكتان

انا عن نفسى عامل الخلطة دى ومكدبش عليكم لسه اول سنة بجربها وعلى كل الطيور وبقالى اسبوع ماشى فيها

5 ك دنيبة - 3 ك فلارس - 3 ك بينكم - 1 ك عباد شمس- (مع ربع كيلو ينسون لتطفيش النمل)

وخللوا بالكلم لب عباد الشمس او اللب السورى ليه فوائد كتير جدا لانه بيحتوى على الماغنسيوم والصوديوم وفيتامين a&c والحديد ودى حاجات مهمة جدا لجسد الطائر

نحسب بقة نسبة الدهون

5* 2،2 + 3* 5،8 + 3*4،2 + 1*49 = 11+12،4 +12،6 +49 =90 ونقسمهم على 12 كيلو

تطلع نسبة الدهون 7،5 فى المية ودى نسبة مثالية جدا

نحسب نسبة البروتين

5*8 + 2*16،2 + 3*12،6 +1* 21 =40+48،6 +37،8 +21 = 147.4 ونقسمهم على 12

تطلع النسبة 12،3 % ودى النسبة المثالية

ملاحظات هامة : 1- احذف من عقلك صديقى المربى ان الفلارس هو السبب الرئيسى للتلييس فالتلييس قد يكون وراثة او يكون لعدم حركة الطائر وحرقة للدهون او لاى سبب اخر غير الفلارس مع العلم انه اذا تم وضع الفلارس بدون اى اضافات اخرى للخلطة فسيكون نسبة الدهون 5،8 % وهى اقل من احتياجات الطائر

2- اعلم صديقى المربى انك اذا اعتمدت فقط على خلطة الحبوب فقط فان طائرك سيعيش من 5 الى 6 سنوات
اما اذا اضفت فى غذاء الطائر فى بعض الايام بعض الخيار والتفاح والجرجير والجزر البطاطس المسلوقة فان طائرك سيعيش من 8 الى عشر سنوات
مع التركيز على ان الاعمار بيد الله ولكننا ناخذ بالاسباب دائما

جميع الارقام اللى فى البحث موثقة ومؤكدة والارقام الوحيدة اللى من عندى هى نسبة الخلطة الخاصة بى

اتمنى من الجميع ان يستفيد من هذا البحث لانه سيقلب الطاولة راسا على عقب فى اغلب انحاء مصر المحروسة والتى تعتمد على خلطة معينة

م / أحمد سمير الداودى

31/10/2012

وابقوا ادعولى ربنا يوفقنى لو استفدتوا باى حاجة من البحث
وربنا يوفق الجميع
إعلان

العودة إلى ”تجمع طيور الحب“