كنـت عايزه استفسر عن الانثـى دى من حيث الصحـه ،، هى كانت لحد يوم الخميس اللى فات فى القفص لوحدها بعد موت اختها و كانت راقده على بيض .. عملت زى ما قولتولى و شيلت البياضه و جبت ذكر وخرجتها بره القفص الكبير و دخلت الذكر ولسـه امبارح بس مدخلاها له ...

--------------------------------------
تانى حاجه لما دخلتها للذكر ما اتخانقوش لكن بعدين كانت هى واقفه عالمرجيحه طلع اتخانق معاها شويه علشان يقف هى رفضت بعد ساعتين لقيت العكس هو طلع و نزلها ..
النهارده لقيتهم هما الاتنين برضوا بيتخانقوا بسيط و لكن فى الاخر وقفوا حوالى ساعتين جنب بعض .. هل دا مؤشر كويس و مادام مافيش ضرب مؤثر يبقى هايحصل توالف ؟
الذكر انا شايفاه كويس مش ضعيف يعنى بيقدر يتخانق معاها بس مش بيأذيها ولا هى ، لكن هو بيخاف جدا لما بروح ناحية القفص وبينزل فى الارضيه لدرجة لاحظته امبارح رايح يدخل راسه و يستخبى ورا الاكاله !! و لما بروح ناحية القفص بيرفرف بجناحيه وبيعمل دوشه و هى كمان بقت خوافه من وقت ما اخدت منها البيض ونقلتها بطريقه مش صح .. دلوقتى لو لقت اى حاجه قريبه منها ممكن تعضها ...
و انا مغلفه القفص و مأمناه كويس و مع ذلك خايفه عليهم لانه ماتلى اتنين لعدم الاهتمام .. بحط تقريبا كل يوم ليمون مع المياو مش بيرضوا ياكلوا غير شبت بس ممكن يجوعوا نفسهم لو لقوا حاجه غير الحبوب لحد ما احط الحبوب
السؤال بقى هل ممكن اعصر الخضروات فى الميا علشان اتاكد انهم هايقبلوه و بالنسبه للبرتقال عرفت انه ممكن اعصره برضه ، لو كيدا ازاى اعمله ويفضل على المسقاه اد ايه ؟
و السؤال اللى محيرنى ، ليه لما دخلت انثى على انثى ماتخانقوش ؟
السلام عليكم ورحمة الله تعالى وبركاته











