

هنا مع بعض الاتنين

انا جبت انثى لكوكتيلى كنت عايزة اعرف هى مناسبة اولا وسبتهم كل واحد فى قفصه يبص للتانى من بعيد وكانوا عاملين دوشة من كتر التنطيط وانهم عايزين بعض
وبصراحة ماكنتش عايزة دخلهم مع بعض قلت استنى اسبوع ولا حاجة على ماياخدوا على بعض وتاخد هى على المكان
فتالت يوم كنت باحميه بالبخاخة فهى كانت حاتتجنن عايزة تدخله رحت جايبة القفصين وحطيت البابين جنب بعض وراحت داخلة وفرحانة بقة وقعدت تستحمى معاه وهو اول ماشافاها
دخلت بعد ماكان بيلاغيها من بعيد قعد يصرخ ومش عايزها وبعدين سكت وبعد مانشفوا وظبطوا ريشهم رحت ناقلاهم فى القفص الكبير فضل يلف فى القفص
ويعلق نفسه فى القفص فوق فى كل ركن شوية وفضل من الصبح ل 12 بليل يتنطط من هنا لهنا ويلاقيها نايمة ينقرها ويمشى وهى عادى جدا مابتنزلش غير للاكل والشرب بس
وهو ماداقش النوم خالص وعمال يقاوح النوم وكل ما اروح اشوفه يروح مصفرلى ويلعب رحت مغطية القفص عشان ينام فضل يزن لحد منام وصحانى من بدرى عمال يصفر
واول مرة يعمل كدة وكان بينام الظهر بيقاوح مش عايز ينام فقولولى فالمرحلة دى اعمل ايه ؟؟؟؟وانا قلت امنع اللب خالص لان لقتها هى بتطير من هنا لهنا عادى لكن هو لا بيخاف يعمل كدة ولما بينط للقفص تحت كان طوبة نزلت مش خفيف كدة وبعدين قفصه كان صغير فكان مقلل حركته وياترى عمر الكوكتيلة اد ايه ؟؟؟؟؟ياريت تردوا عليا








