باركوا لي ع كوكاتيلي الجديد

[نور الدنيا]

السلام عليكم...

الحمد لله ربي أكرمني واقتنيت أمس يوم السبت فرخ كوكاتيل ذكر..

وشحليله وان شاء الله اذا كبر راح ادور له بنت الحلال اللي تسعده وتهنيه...

بس ابغى نصائحكم اخواني كيف اخليه اليف..

انا جربت معاه طريقة الرمادي.. ههههه

اني اول ماأجيبه البيت اجلس جنبه فترات طويله...

لكن اذا بديت اقرب يدي عنده يبدأ ينفخ..

أفيدوني جزاكم الله خير..ماأبغى أرتكب حماقات يكرهني فيها الطير من الانطباع الأول..

ومتى اقرب وقت تتوقعونه انه يصبح فيه أليف...؟؟

عالعموم ما أريد أطول عليكم..هذي الصور...
7
7
7
7
7
((الصور))







ماشاء الله

[allawi]

ما شاء الله اخوي بصراحه رائع

اصبر عليه ليتعود على المكان الجديد وفقط قدم له الطعام في البدايه وحاول مناداته بلطف الى ان يثق بك

الله يبارك لك فيه

بالتوفيق

[نور الدنيا]

تسلم اخي علاوي على ردك ومرورك الرائعين

وان شاء الله اتبع التعليمات على احسن مايمكن..

تحيه طيبه الك خيو..

[نور الدنيا]

ماشاء الله تبارك الله....

24 زائر ومافيه الا رد واحد بس...

شطّار...بارك الله فيكم...

على الاقل اللي عنده اي شي يقوله..

واللي ماعنده بس يبارك ويروح..

ماظنينا ان الرد بفلوس هاليويمن...

[نور الدنيا]

بعدين حبيت اسئل أخوي علاوي اذا ممكن يعني ولا في إحراج...

متى أقدر أطلعه من القفص..لأني أمس جبته عند الصاله...

ولما حطيت القفص بدا وكأنه يبغي يطلع بالقوة...مدري وش سالفته..

مع اني يوم حطيته فوق شفته هادي نزلته تحت وسوا رجه...

وكان يبغى يطلع من زاوية القفص والزاوية قدامها على بعد متر تقريباً..

شجرة زينه...فكأني حسيت انه يبغى يروح لها..لكن قلت الى ان يتدرب ويصبح

لطيف بعدها اطلعه متى شاء..بس محتار متى اطلعه..

[بندر]

جميل ماشاء الله .
1000 1000 1000 مبروك

[د. حسن سلامه]

بسم الله الرحمن الرحيم
الأخ الفاضل
هذا الطائر ما شاء الله ولاحول ولا قوة الا بالله أيه من الجمال ولكن هو ليس فرخ ولكن يبدو أنه ذكر بالغ فوجه ابيض تماما وعليه فتدريب هذا السن قد يكون متعب ومرهق.
وهو من نوع أبيض الوجه وإن إستطعت أن تحصل له على أنثى وتفرخه قد يكون أسهل وتعلم وتدرب من فروخه التى تفرخ عندك بإذن الله تعالى.
كل الأمانى الطيبه

[Zizo_ST]

بسم الله ما شاء الله اخى نور الدنيا
بارك الله لك فيه اخى
ويتربى فى عزك وترى اوى اولاده ان شاء الله تعالى
بالتوفيق اخى ان شاء الله تعالى

[نور الدنيا]

السلام عليكم...

اخواني المنتدى مسكر قبل يومين شالسالفه؟؟

المهم اشكر اخواني جزيل الشكر على المرور والتعليق

الجميلين...

وبالنسبه للدكتور حسن يعني اخوي متأكد انه بالغ؟؟

انا والله فكرته يعني بس عمره اسابيع قليلة...

وحسيت انا بعد بصعوبه قليله مع اني اول مرة اربي...

الا اني حسيت بهذا...

وشكرا مرة اخرى للنصيحه وجزاكم الله الف خير اخواني...

[canoon15]

مبروك عليك الطير ماشاء الله شكله جنان , بس ممكن تقلي من وين اشتريته او بكم ؟