ضروري البلبل مريض كتير

[shadowsman]

البلبل عندي مريض كتير مبارح لاحظت انو واقف بشكل مو طبيعي و عم يحاول يطلع البراز و ما عم يطلع معو
لما قلبتوا لقيت على سفل بطنوا فوق فتحة الشرج متل انتفاخ لونو اصفر و طري كانو فيو سوائل لزجة
حاولت شي ساعتين ادهنوا من تحت بالزيت البلدي وحطو بمي سخنة
لحتا اخر شي قدرت خليه يطلع البراز و طلع كتير اكتيرتوا مي لزجة متل المخاط

بس البلبل ضل يعمل حركات كانوا موجوع و عم يحاول يطلع كمان المهم هلق نام من شوي
شو لازم اعمل ؟ في شي بطعمي ياه لحتا يتحسن و يقدر يطلع بسهولة ؟ متل الخيار مثلا حاليا ما عم طعميه شي غير خيار شان يطلع
البلبل سوري ما بعرف اذا انثى لما ذكر عمرو اكتر من 3 سنين على الاغلب و بالعادة كتير نشط
بس بهالكم ساعة الماضيين كتير خامل و ما عم يتحرك كتير قبل ما ينام
يا ترى مشي الحال لما طلع بعد المي السخنة و الزيت ؟ لما المشكلة لساتها موجودة شو اعمل ؟

ما في دكاترة بيطيريين ابدا حوالي فاذا في شي اقدر اعمل يا ريييييت تخبروني
هي صورة للانتفاخ الاصفر رجاء الرد بسرعة ! شو لازم طعميه لحتا يتحسن و شو لازم اعمل شان يتعافى ؟

[allawi]

يحتاج لمضاد حيوي للامعاء
مبدئيا ابعد عنه الماء لمده ساعه واعطيه اي مضاد حيوي الى ان تحضر له دواء بيطري خاص
مثلا كبسوله مضاد حيوي ضعها بالماء ليشرب منها البلبل


بالتوفيق

[shadowsman]

مافي دكاترة بيطيرين او ادوية بيطرية ابدا حوالي
في شخص قلي حطلوا خل تفاح او ثوم بالمي ؟ هل يا ترى هالشي بينفع لما بيضر ؟
و شو النسبة اذا بينفع ؟
اليوم كتير احسن من مبارح بلش يتحرك و ياكل و يشرب و يغني شوي
حركتوا مو متل اول بس احسن من مبارح بكتير
مشكوررر

[shadowsman]

لاحظت انو فتحة الشرج نازلة شوي لتحت و عم تتحرك دائما
بس ما في شي طالع لبرا منها
ما في حدا يفيدنا يا شباب ؟؟؟
بدي حلول اقدر ساويها بالبيت ما في بيطريين او ادوية بيطرية بنوب

[د.أبوصهيب]

اخي العزيز
اذا متوفر عندك كبسولات بشرية تتراسيكلين ضع محتويات كبسولة ٥٠٠ على ١٠٠ مل ماء, كل يوم لمدة ٥ ايام (١٠٠ مل ماء و كبسوله جديده كل يوم)
والله اعلم

والله اعلم

[shadowsman]

مشكوررر كتير لح جرب طريقتك

[shadowsman]

هلق عندي سؤال عم تقلها عليكم بس لا تؤاخذوني هالبلبل متل شخص بالعيلة تبعي و كتير غالي علي
في فيتامينات و شغلات مفيدة من ادوية بشرية فيني حطها مع المي للبلبل بعد خمس ايام من المضاد الحيوي
لقيت منو و عطشتوا ساعة و هلق لح حطلو المي بس في شي غير هيك فيتامينات و شغلات مفيدة
بالاخص للامعاء و الهضم تبعوا فيني دوبها بالمي من ادوية بشرية ؟
مشكورين كتير

[د.أبوصهيب]

لا انصح باستخدام الفيتامينات البشرية للطيور[/size

]

[shadowsman]

اخي من مبارح بلش يهر ريش البلبل بشكل بيخوف بين يوم و ليلة هر كتير ريش منو و بلشت شوف جلدو
ما في شي فيني ساويه ؟؟ البلبل عم ينكش حالوا طول الوقت ما بعرف ليش مع انو مانو وسخ و كنت اعملوا حمامات تقريبا كل يومين

[shadowsman]

بحب اتشكركم يا جماعة البلبل صار احسن بكتير و صار اكتر نشاط بكتير
مو متل اول لساتوا عم يقعد اوقات و يريح رجليه كتير بس اتحسن كتيرررر
بس لساتوا مبين عليه التعب و عم يقعد على قضبان القفص كتير و يرتاح
بس اكلوا رجع متل اول و اكتر