سبب شراسه الانثى و قتلها لفرخها !!

[Abeer Mohamed]

السلام عليكم و رحمة الله و بركاته

-------------------------------------------------------

عندى انثى بادجى كانت طيبه وحنونه جدآآآآآآآآآآآآ ،، حتى اول ما اشتريتها كانت بتشرب والميا لسه فى ايدى ماكانتش بتخاف ابدا ... و اثناء وضع البيض بتخاف عليه ،، اول مره باضت ماكانش معاها ذكر و طبعا البيض كله كان فاضى و لما بقيت ارفع البياضه بقت تحاول ترفع الباب و مش خايفه علشان تدخل تانى

المشكله بقى انها بعد ماجبتلها ذكر قامت بوضع البيض مخصب لاول مره و جابت خمسة عصافير وفضلوا مع الام و الاب فتره طويله جدا يمكن شهرين و نص وماكانش فى اى مشاكل .. و قلت اشيلهم و اسيبها هى والذكر سيبتها اسبوع تقريبا معاه و بدات تحضر للعش الثانى طبعا كيدا بقالها حوالى 3 شهور معاها اول صغار ليها و ماوضعتش بيض .. المهم بقى لما فصلتهم وسيبتها مع الذكر باضت 6 بيضات جه منهم اربعه و فى اتنين باظوا و كان فيهم الحمدلله عصافير بس للاسف ماتوا جوا ..

المهم بقى العصافير فقست سيبتها فى القفص شويه حوالى شهرين لقيت من اسبوعين الام بتتزاوج مع الاب فى وجود الفروخ فى القفص قمت فى نفس اليوم بعدها مافيش ساعه قلت اشيل اقله الاتنين الكبار و اسيب اللى لسه بيتعلموا ياكلو هى طبعا خافت وقعدت تطير فى القفص ،،خرجت الاتنين الكبار و سيبتهم من 5 ايام بقى لقت الذكر بيجرى وراها ونازل شكل فيها حتى فى الضلمه بيتعاركوا بطريقه غريبه طاير وراها يضربها فى كل مكان قلت لا بقى مش هايضربها و هى طيبه وماتعرفش تضربه قمت مخرجاه مع ولاده ... و ياريت المشكله كانت من الذكر الام رجعت تتخانق مع الاتنين الصغيرين اللى معاها واحد كان بيطير وبياكلو و كان طيب جدا وبيوقف على ايدى مع انى مادربتوش كان حوالى شهر ونص عمره تقريبا مش عارفه عمرهم تحديداا قامت هى من يومين كسرتله جناحه و هو واقف عالمجثم ضربته خلت جناحه اتعوج ومش بيعرف يطير عاد اوى .. و لسه النهارده لقيته بيطلع الروح فى ارضيه القفص حسيت راسه مبلوله اتاريها كانت غرقانه دم بطريقه خليتنى كرهت العصافير و حزنت لانه مات قدامى وصحته كانت كويسه و مات بسبب امه ،، فاسرعت و خرجت الصغير التانى قبل ماتموته هو كمان وطبعا كان شكلها بشع لان الدم كان ومازال مغرق ريش وشها و منقارها كل مابشوفها بقرف منها وبكرهها لدرجة بقت تشوفنى تجرى عالبياضه حتى لو ماقربتش منها وقررت انى ابيع العصافير و ماربيش تانى ...

ياريت لو حد يعرف تفسير للى حصل وليه الام اتصرفت كيدا مع ان طبعها هادى جدا جدا مش متخيله اللى هى عملتها و انا بربيها بقالى 8 شهور و هى دلوقتى ملازمه العش حتى لو انا مش قدامها اصلا مش بتخرج


تانى حاجه فى فرخ بمسكه فى ايدى بقالى شهر و نص وكل مابيكبر يوم عن يوم بيترعب منى اكتر و بدا يعرف يطير ويهرب ليه م عانى كنت بقعد معاه اكتر من ساعه اتكلم احاول العب ينام فى ايدى بالربع ساعه و مافيهوش حاجه بس يسمع صوت امه او ابوه يترعب و دلوقتى لو جيت جنبه بيطير مش عايزنى امسكه

اسفه للاطاله و جزاكم الله كل خير

[ابو جميلة]

اختى الفاضلى تكلمنا فى هذا الامر مرارا وتكرارا فالذكر والانثى فى معظم الاحيان يفعلون ذلك خوفاً عليهم فيقومون بضرب الصغار عند خروجهم من العش او يريدوا ان يدخلوا فى دورة انتاج جديدة وتكون الصغار عائق لهم فيحاولون التخلص منها لذلك يجب رفع الانثى عند بلوغ اكبر الفروخ 20 - 25 يوم ونترك الذكر يقوم بفطام باقى الفروخ وستنتهى المشكلة ان شاء الله ونكون قد ارحنا الانثى فترة كافية للدخول فى العش التالى والله الموفق

[StrongCanary]

اختي الكريمة
ماشاءالله عليك الضاهر بتعتني بتغذيه عصافيرك كويس
موت الفراخ بالبيضة اظن انه حصل في موسم الصيف والله اعلم لأن البيض يلزمه درجه حرارة معينه حتى يعيش الفرخ جواته.
كان لازم تفصلي الفراخ من لما كنت تشوفيهم صاروا قادرين يعتمدوا على حالهم يعني تقريبا بعمر من 20 ولغاية 28 يوم وتتركيهم مع الآب بقفص مستقل ولازم تتأكدي انهم قادرين يأكلو لوحدوهم او انك تساعديهم على الأقل 3 مرات في اليوم تتابعي اكلهم. وبعدين ترجعي الذكر للأنثى.


كتر العصافير بقفص واحد واثناء موسم التكاثر خلى العصافير عصبيه وتخرج عن طبيعتها لأنه بالطبيعه ما بيتضلش العصافير عايشين مع بعض بعش واحد لأنه بيطيروا لما يقدروا، هنا ينشيء العدوانية علشان الفراخ الي بدها تجي على الدنيا وبيصير انه الام بتضل تنقر بعصافيرها علشان يتركوا القفص او العش علشان تعمل عشر جديد .. لاتنسي الهرمونات الي بداخلها وغريزة الامومة الي بتخليها تعمل عش ثاني وهنا المشكلة الي صارت عندك ضلت تنقر فيهم علشان يبعدوا بس هم ما بيفهوش ليه هي بتعمل كدا وضلوا جنبها حتى مات واحد والثاني اصبح مرعوب من صوت امه ومن كل شيء بيصدر حركة او صوت.
خلي الفرخ الي الخايف لوحده بعيد عن اي صوت حتى يتطمن ويهدى

وانشاءالله الامور كلها بتعود كويسة
انتبهي لا الانثى متوحشة ولا الذكر بس الخربطة الي صارت بحياتهم خلتهم مش عارفين يعملوا ايه.
افصلي الذكر بس خليه معاها بنفس الغرفة و حتى يهدى وبعدين حاولي جمعهم مرة ثانيه

لا تبيعيهم ولا حاجه وعايزين نسمع الاخبار الطيبه بإذن الله
تمنياتي لك بالتوفيق والصحه للجميع

[HOSSAM AHMED]

اخت الفاضله مرحبا بك

المشكله التى لديك سببها سحب الذكر من عند الانثى لان الانثى تريد عمل عش جديد و الدليل على ذلك ملازمتها للعش

اما سبب شجارها مع زوجها فى الغالب بسبب الفروخ حتى تتجنب هذه المشاكل اليك هذا الموضوع عن فطام الفروخ سيفيدك


viewtopic.php?t=39397

[رشيد بالراس علي]

اختي الكريمة افادوك الاخوة الكرام وهذه طبيعة الله التي فطر بها هذه الكائنات فأحينانا تقوم الاناث بضرب الفروخ لغرض طردهم من العش ويجب عليك اختي ان تقومي بفصلهم مباشرة بعد مباشرة الضرب لهم من الام فأن كانو مفطومين جيد واذا لا اتريكهم مه الاب ليطعمهم اما اذا كان هو الاخر يضربهم ستصبح مسؤلية اطاعمهم لك انت
اختي الكريمة لا تلومي الانثي واعتقد انك فقط لانك لازلتي معصبة تريد بيعها اختي الكريمة دئما يفضل عند بلوغ اكبر الفروخ اربعين يوم يتم فصلهم الا اذا لم يفطمو بعد وهذا في القليل النادر
اختي الكريمة من الخطا ترك الفروخ كل هذه المدة وهذا فعلا يدل علي طيب هذه الانثي بعض الاناث يكون الفروخ بالبياضة وتبدأ بطرهم للعش الاخر اما انثاك صبرت شهرين ونصف
ان شالله اختي الكريمة تكوني استفتدي من هذه التجربة ولن تتكرر منك واكيد بقلبك الطيب ستسامحي تلك الانثي لان كما قلت لك الخطا هنا يكون علي المربي اذا يجب الفصل بعد الفطام مباشرة
موفقة اختي الكريمة ان شالله

[Abeer Mohamed]

اختى الفاضلى تكلمنا فى هذا الامر مرارا وتكرارا فالذكر والانثى فى معظم الاحيان يفعلون ذلك خوفاً عليهم فيقومون بضرب الصغار عند خروجهم من العش او يريدوا ان يدخلوا فى دورة انتاج جديدة وتكون الصغار عائق لهم فيحاولون التخلص منها لذلك يجب رفع الانثى عند بلوغ اكبر الفروخ 20 - 25 يوم ونترك الذكر يقوم بفطام باقى الفروخ وستنتهى المشكلة ان شاء الله ونكون قد ارحنا الانثى فترة كافية للدخول فى العش التالى والله الموفق

استاذ ابوجميله الف شكر لحضرتك .. انا متابعه دايما مواضيع العصافير بس مؤخرا مابقيتش اتابع لان من كتر خوفى و اهتمامى بحاجات عنهم خلى اتنين ماتوا منى !!!!! فقلت مع نفسى بقى اربيهم و الحمدلله رب العالمين شهور ماتحطلهومش ادويه و بفضل الله كويسين بس يمكن انا لازم اهتم شويه علشان اخد بالى و الباقى على ربنا ... شكرا و جزاك الله كل خير

[Abeer Mohamed]

اختي الكريمة
ماشاءالله عليك الضاهر بتعتني بتغذيه عصافيرك كويس
موت الفراخ بالبيضة اظن انه حصل في موسم الصيف والله اعلم لأن البيض يلزمه درجه حرارة معينه حتى يعيش الفرخ جواته.
كان لازم تفصلي الفراخ من لما كنت تشوفيهم صاروا قادرين يعتمدوا على حالهم يعني تقريبا بعمر من 20 ولغاية 28 يوم وتتركيهم مع الآب بقفص مستقل ولازم تتأكدي انهم قادرين يأكلو لوحدوهم او انك تساعديهم على الأقل 3 مرات في اليوم تتابعي اكلهم. وبعدين ترجعي الذكر للأنثى.


كتر العصافير بقفص واحد واثناء موسم التكاثر خلى العصافير عصبيه وتخرج عن طبيعتها لأنه بالطبيعه ما بيتضلش العصافير عايشين مع بعض بعش واحد لأنه بيطيروا لما يقدروا، هنا ينشيء العدوانية علشان الفراخ الي بدها تجي على الدنيا وبيصير انه الام بتضل تنقر بعصافيرها علشان يتركوا القفص او العش علشان تعمل عشر جديد .. لاتنسي الهرمونات الي بداخلها وغريزة الامومة الي بتخليها تعمل عش ثاني وهنا المشكلة الي صارت عندك ضلت تنقر فيهم علشان يبعدوا بس هم ما بيفهوش ليه هي بتعمل كدا وضلوا جنبها حتى مات واحد والثاني اصبح مرعوب من صوت امه ومن كل شيء بيصدر حركة او صوت.
خلي الفرخ الي الخايف لوحده بعيد عن اي صوت حتى يتطمن ويهدى

وانشاءالله الامور كلها بتعود كويسة
انتبهي لا الانثى متوحشة ولا الذكر بس الخربطة الي صارت بحياتهم خلتهم مش عارفين يعملوا ايه.
افصلي الذكر بس خليه معاها بنفس الغرفة و حتى يهدى وبعدين حاولي جمعهم مرة ثانيه

لا تبيعيهم ولا حاجه وعايزين نسمع الاخبار الطيبه بإذن الله
تمنياتي لك بالتوفيق والصحه للجميع

الله يخليك انا سعدت برد حضرتك جدااااااااااااااااااااااااا و حسن كلامك ..

اصعب حاجه بس لما تشوف علامة شراسه وتفضل سايب العصفور لحد مايوصل للموت وياريته بمرض لا قتل و تكون انت كنت حاسس اصلا بس الحمدلله انا فعلا ضايقتها ...

و طيبتها الشديه هى اللى خليتنى ازعل منها والظاهر هى من امبارح حاسه و مرعوبه ... و قبل ما اقرا كلام حضرتك فعلا انا بقول النهارده هى مالهاش ذنب انا اللى غلطت و من امبارح وانا قاعده بحاول اهزر معاها اصفر اكلمها بالراحه و تقريبا بنسبه 90 فى الميا صحيت اقول مش هابيعها لان انا بحبهااا من يوم ماجبتها و هى صغيره

و الصغير طلعته وهى قعدت تصرخ خالص وهو مرعوب منى ومنها خدته بعيد لانه كان قاعد يطير و لما خدته هدى و نام فى ايدى زى الاول انا كل مابقول خلاص هاسيبه اقول لا احاول لحد مايبقى اليف و ربنا يعمل اللى فيه الخير وهافضل اريحها فتره لانه الصيف مش كويس للبيض وفعلا البيضتين اللى مات فيهم العصافير اعتقد بسبب الحر لانه لسه كان فى اول الربيع و الجو متقلب

وجزاك الله كل خير يارب و سلم ايديك

[Abeer Mohamed]

اختي الكريمة افادوك الاخوة الكرام وهذه طبيعة الله التي فطر بها هذه الكائنات فأحينانا تقوم الاناث بضرب الفروخ لغرض طردهم من العش ويجب عليك اختي ان تقومي بفصلهم مباشرة بعد مباشرة الضرب لهم من الام فأن كانو مفطومين جيد واذا لا اتريكهم مه الاب ليطعمهم اما اذا كان هو الاخر يضربهم ستصبح مسؤلية اطاعمهم لك انت
اختي الكريمة لا تلومي الانثي واعتقد انك فقط لانك لازلتي معصبة تريد بيعها اختي الكريمة دئما يفضل عند بلوغ اكبر الفروخ اربعين يوم يتم فصلهم الا اذا لم يفطمو بعد وهذا في القليل النادر
اختي الكريمة من الخطا ترك الفروخ كل هذه المدة وهذا فعلا يدل علي طيب هذه الانثي بعض الاناث يكون الفروخ بالبياضة وتبدأ بطرهم للعش الاخر اما انثاك صبرت شهرين ونصف
ان شالله اختي الكريمة تكوني استفتدي من هذه التجربة ولن تتكرر منك واكيد بقلبك الطيب ستسامحي تلك الانثي لان كما قلت لك الخطا هنا يكون علي المربي اذا يجب الفصل بعد الفطام مباشرة
موفقة اختي الكريمة ان شالله

ربنا يكرم حضرتك يارب و شكرا على الرد الرائع .. انا لانى اول مابيكبروا بخاف امسكهم بقوم اكسل لحد مالوقت يطول و تحصل المشكله و فى الاخر برضه بشيلهم

و انا كنت امبارح مش قادره اشوفها و قرفانه منها مش مصدقه ان دى العصفوره اللى من اول يوم طيبه تعمل كيدا فى ولادها دا بيضها الفاضى كانت بتقلب الدنيا لو خدته منها تقوم تموته بس الحمدلله على كل خير و انا بحاول اهديها لانها بدات تخاف منى و اقتنعت بكلامكوا مادامها معملتش كيدا من قبل يبقى مش فى طبيعتها الشراسه و تزاوجت مع الذكر و انا ازعجتها فى نفس اليوم اللى حاولت انقل فيه الكبار فالظاهر قلبت بشراسه منها و فى الاخر دول مالهومش ذنب و اكيد مش فاهمين بيعملوا ايه 100% و ان شاءالله هاحاول اتجنب دا مره تانيه

شكرااااا لتواجد حضرتك الرائع

[رشيد بالراس علي]

الله يسلمك اختي علي كلامك الطيب
وان شالله ربي يفرحك بأعشاشها القادمة
تحياتي

[ansk]

لا كلام يقال بعد ما قالة الاخوة الاعزاء ليس لدي ما اقولة الا الدعاء لهم و لصاحبة الموضوع بدوام الصحة و العافية