كيفيت الحفاظ على درجة الحراره مناسبه

[سلطان]

السلام عليكم يااخوان

عندي سؤال ولاتحرمونا من ايجاباتكم

سؤالي كلكم تعرفون درجة الحراره في الكويت من50 وصاعد 5و6و7و8 تبلش الرطوبه

المهم انا حاط طيوري في غرفه صغيره بالبيت بس المشكله بدون تكييف

فكرت اوضع لهم المروحه الكهربائيه هل هي تكفي ام في طريقه اخرى

لان الجو بلش يحتر وخايف عليهم على وشك وضع البيض

وشكرا

[المهند]

عندنا في الخليج ان كانت طيور مفرده اي ليست ازواج تحتها بيوض او فروخ

فان اقصى درجة حراره لهم الي 35 بالكثير


اما بالنسبه للازواج ان لا تزيد عن 32 ويستحسن ان تكون 30


المروحه بيني وبينك لا تكفي خاصه في شهر 7 و 8 ماتسوي شي ابدا

يفضل ان تكون الغرفه بها عازل وتكييف او على الاقل ان كانت قريبه من الصالة ان تجعل باب الغرفه مفتوح حتى تنزل درجات حرارتها


عند شهر 6 جهز طيورك لدخول طرح الريش حتى لا تنتج عندك خلال الصيف


وتواجهك مشاكل كثيره


اعطهم حمام للسباحه في منتصف الظهيره 3 مرات في الاسبوع ومن الممكن تكون 4

ضع مقياس للحراره في الغرفه

[سلطان]

اشكرك على مرورك

اخوي مهند

يعني بشهر 6 افصلهم عن بعض وجهزهم مرحلت طرح الريش طيب متى تخلص

فترت طرح الريش هل الريش يسقط بالكامل وكل سنه دبدل الريش حتى لو

عطيتهم المناخ المناسب ودرجة الحراره المفضله للطيور كم تقريبا

والمقياس يباع وين وتتوقع شنو المحلات اللتي يباع فيها

واسف على الاطاله وتحياتي لك وللجميع