المكااااااااو طاااااااااار

[الكسيكوالدره]

هلا بكم




الصراحه اني زعلااااااااااااان

بقولكم خبرررر حزين وهو انه طار فتح القفص بنفسه وطلع عليه فوق وبعد اشوي على الشجر وبعد اشوي اختفى طبعا الاهل شافوا وهو فوق القفص بس فكروا اني كالعاده مطلعه يتشمس او حاجه وما اهتموا به ولما طلعت اشوف القفص فاضي والمكاو محد يمين يسار اسأل قالوا لي شافوه وفكروا اني انا الي افتح القفص له

اشوي والا اشوفه فوق على اعلى شجره في المنطقه الموهم كلمته بصوت عالي رفعت له القفص فوق البيت وحطيت كم قفص فيه بغبغانات الدره على الامزون على الكوكاتو انتبه لي فقلت اكيد بيرجع رجع قبل الليل ولكن نزل اشوي وقبل ما اطلع له طار مرة ثانيه

والصباح شفته فوق على نفس الشجرة وماكنت فاقد الامل انه يرجع بس طاااااااااااااااااااااااار مرة ثانيه وكانت المرة الاخيرة اللي اشوفه فيها


طبعا هذه مش اول حادثه ( خيانه ) للبغبغانات معاي من قبل مع الكاسكو قبل 6 شهور ولين يومكم ماشفته وصارت مع اللوري ولكنه اوفى منهم رجع

ومن اليوم قلت خلاص مااا رااااح اخلي ولا طير جناحه كامل مهما صار متعلق فيني ومهما طالة المدة

[explorer3003]

ألله يعوض عليك وفعلا خبر غير سار ومن المؤسف أن تفقد طيورك الغاليه ليس ماديا فقط بل غاليه معنويا..

في الحقيقه دائما الخبراء ينصحون بقص أجنحة الببغاء..مهما كان وليف معاك فأن الببغاء له غرائز وهي الطيران و التزاوج والعيش بين الأشجار فهذه الأمور لاتستطيع أن تلغيها

أدعو لك التوفيق

[ظبيان]

السلام عليكم اخوي

انا قريت العنوان والله اني خفت بس مانقول الا الحمدالله على كل حال
وانشاء الله يعوضك خير وامس انا قاعد افكر اقص حناح شوشو(الافريقي)
ولكن الحين اتخذت قرار وبكره اول ماقعد راح اقص جناحه

[تيتة]

الله يعوض عليك
ذكرتني بالدره مالي
كنت على طول اقص جناحها
بس يوم حسيت انها تعلقت فيني ما قصيت جناحها لانها مره طارت عني ورجعت
بس هالمره طارت ولا رجعت
ومن اليوم وساير ما بثق في الطيور ولازم اقص جناحهم

[allawi]

عزيزي يجب عليك قص الجناح وان كان طائرك قد حصلت عليه فرخ وانت الذي اطعمته ومتعلق بك لان هناك ظروف تجبره على الطيران او الهرب كالخوف مثلا فان اثار انتباهه او افزعه قط مثلا وهو خارج القفص وجناحه كامل فلن يتردد بالهرب والمشكله انه ليس مثل الحمام اي انه لا يتمكن من معرفه طريق العوده للبيت ويضيع

بس ان اخطأت في شي مهم

عندما رأيته كان عليك ان تضع له على القفص التفاح او اي نوع طعام يحبه لتحفزه على النزول وان تبتعد عن القفص الى ان ينزل ومن ثم تمسك به
على العموم الله يعوضك باحسن منه

بالتوفيق

[موكا]

الي اقدر اقوله الله يعوض عليك .....