محاوله جديده في تكوين رابطه للكناري في مصر

[هيثم]

بسم الله الرحمن الرحيم
اخواني الاحباب
طبعا انا قربت اخطب دماغي في الحيط من كثر المحاولات الفاشله في تكوين رابطه او جمعيه هههههه
لان لو نقارن نفسنا بلاش الدول الاوربيه خلينا الدول العربيه مثل المغرب الى حققت مركز فى اخر مونديال في اسبانيا , او سوريا او الكويت . احنا فييييييين من دول؟؟؟؟؟
معلش على المقدمه بس من خنقتني لان وفرت قبل كدا الموقع ووعملت دبل ب اسماء الاعضاء مبلغ حلو فى الموضع دا لان معظم اللى حجزوا الدبل ما حدش اشترا ههههه
بس ان شاء الله فة امل
انا فكرت انا وكان معايا المهندس المحترم احمد في اننا نفعل الموضوع تاني
وعشان نتلاشا المشاكل اللى دائما تكون هي عائق في تكوين الجمعيه ونتجح .زي المكان والتراخيص والورق مع ان وفرت المكان قبل كدا

في اقتراح تاني في غايه السهوله وان شاء الله انا متوقع ان بعد فتره هنجني ثمراته
اننا نعمل رابطه ببيننا بدون لا موقع للجمعيه ولا ورق ولا تصاريح ولا كل المشاكل دي

اننا بس نتفق على مثلا معاد يوم واحد في السنه نعمل في معرض و مسابقه للكناري وبيع بعد المسابقه ونصورها ونتفق على مكان حلو نتجمع فيه كل مربي بقفصه الحلو
مثلا لو نقول الحديقه الدوليه او حديقه الازهر
وبالنسبه للتحكيم فكرت ان ممكن يكون في تحيز
انا اقترح ان نختار المحكمين على اساس الخبره يعني نختار اكبر 3 مربين فى مصر من حيث السن والخبره . حتى لا يكون هناك غبار على قرارهم وانا بالفعل كلمت واحد من الاستاذه فى الهوايه ربنا يديله الصحله سنه فوق ال 70 سنه
ورحب جداااا
وكمان فى حاجه تانيه مشجعه
انا متطوع بالهدايه بس فى اول مسابقه بس هههههه
الهدايه الى اول 3 فائزين كائس ومديلايت ذهبيه وبرونزيه وفضيه
وكمان شهاده تقدير
اعتقد ان كدا مافيش اي حجه لينا ولو حتا رحنا اول مره 4 او 5 اشخاص ان شاء الله المره اللى بعديها هيكون العدد اكثر واكثر
وكمان ممكن بعد المسابقه نعمل معرض بيع للطيور ويكون اسعار مميزه للمنتمين للرابطه فقط . والميزه دي اعتقد انها هتشجع الكثير الى النضمام
وفي افكار تانيه كثير
والموضوع مفتوح للمناقشه , والافكار الجديده
((( ونبي نهتم )))
هيثم عباس

[ابو رهف]

وفقكم الله اخي هيثم عباس وان شاء الله تجد تفاعل من الاخوة المصريين ويساعد الجميع في الانضمام الى هذه الجمعية .

[أبو الجود]

أخي هيثم حياك َ الله و كان الله في عونكم و كلام جميل و أفكار رائعة الله معكم

[عمار الجزائري]

اخ هيثم شئ جميل ما طرحته
و ان شاء الله تلقي تجاوب
و كان الله في عونكم
و بالتوفيق

[هيثم]

ياااااارب
كل المشكله ان فى مصر الكناري مش واخد حقه نهااااااائي كل التركيز هنا فى البادجي واللف بيرد وغير ذلك
اما الكناري لا وهذا ما يحزنني
الله الموفق
اشكركم جداااااا على تفاعلكم و دعواتكم لنا

[ابو الزهير]

و عليكم السلام و رحمة الله و بركاته

الله يوفقك و يعينك استاذ هيثم , فعلا رؤية رائعة و افكار اروع
اتمنى لك التوفيق

[سفيان الوجدي]

السلام عليكم؛ بالتوفيق أخي هيثم و أتمنى لك أن تحقق و الإخوة في مصرما تصبون إليه ؛ و إن شاء الله يوفقكم

[ مرسل من Mobile Device ]

[ابو نبيل]

أخى هيثم إنت إنسان رائع حقا لهذا الجهد في تكوين الرابطه ولكن تحتاج الوقت
نحن أنشأنا الجمعيه وإنتظرنا سنتين حتى بدأت تتفاعل
يجب أن تقرب العلاقات بين الأعضاءومربيين الطيور قبل تكوين الرابطه
ممكن أن تطلب لقاء جماعى للتعارف فىى منطقه وسط تسمح بلقاء الجميع فقط للتعارف وأن يكون يوم سمر وتعارف ومنها تعرض عليهم عمل الرابطه
وفى هذا اللقاء أيضا يتم تكوين صداقه على صفحات الفيسبوك تتواصلو من خلالها وأيضا يتم تكرير لقاءات السمر الجماعيه ولقاءات السمر ممكن تكون من خلال رحلات ومن خلال هذه الرحلات ستجد أن أنه تكونت صداقات وروابط بين مربى الطيور وبعدها ستكون أمر الرابطه واقعى

[leader1]

يوجد بمصر مربيين للكنارى بعدد كبير ولكن لا يوجد بينهم اتصال او يقومون بالتربية والتسويق بطريقة فردية وفى حدود ضيقة ولذلك يجب التواصل وبذل الجدهد للوصول لهؤلاء المربين والهواه ونشر طرق تربية الكنارى بصورة سهلة للوصول لافضل الطرق وزيادة عدد المربين وربنا يوفقك

[spirit_stallion]

السلام عليكم
يا ريت يا هيثم فكرة حلوة و ان شاء الله معاكم بس جهز الجايزة بقى