انا من زمان ماكتبت ولا موضوع أو طلبت استشارة لكن هالمرة والله انا بحاجتكم
انا عندي زوجين رمادي ومتوالفين مرة مع بعضهم اعني اشوفهم كل واحد يحك رقبة الثاني ويصفف له ريشه مرة متوالفين صورتهم فيديو اذا قدرت باحطه لكم.
المهم ففكرت في تفريخ الرمادي وقرأت كثير عنه في المنتدى. وجهزت طبعا لهم كل شئ سويت لهم قفص كبير وسويت لهم عش بالمواصفات المكتوبة في المنتدى وموفر لهم كل سبل الراحة.
لكن بغيت أسأل كيف اعرف هل تم التلقيح أو لأ؟ ومتى تضع البيض؟
هل في شئ يتغير في شكل الأنثى أو أيش يصير؟
ملاحظة: الزوجين اللي عندي الذكر جامبو والأنثى غيني
انا اللي خلاني أفكر بالتفريخ صراحة هي الأنثى كانت عند بيت اختي من7 سنوات وقبل شهرين تقريبا وضعت بيضة طبعا البيضة فاسدة لأنه مامعاها ذكر فبعدين فكرت وجبتها الى الذكر اللي عندنا وعلى طول توالفو مع بعض.
فياليت تفيدوني اكثر في طرق التفريخ وكل واحد يحط لي نصيحة من عنده.
والله ودي انجح في هذي العملية( ترى انا بنت بس هوايتي تربية الطيور والكل يضحك علي ويقول بنت مابتنجحي فياليت تساعدوني
