في الحقيقه اني قريت هالموضوع اكثر من شهر وجذبني الموضوع خصوصا اني ماكنت اعطي هالطائر اي اهتمام لانه مزعج .
صاحبي عنده مزرعه وعنده حوالي 300 جوز ،، منهم الازرق ومنهم الاخضر .
ومن يوم قريت الموضوع وانا احاول معاه على اساس يعطيني جوز لكن للاسف انه يحب الطيور ومايعطي اي حد طير ،، ويقول ان هو الوحيد في قطر تقريباً الي يمتلك هالنوع من الطيور .. من ثلاث ساعات اتصل لي وعطاني فرخ وقالي ان عمره اقل من شهرين وان العامل عنده في المزرعه كان يأكله باليد والصراحه اليف وااااااااايد وامسكه واقلبه يمين ويسار عادي مايعض بس الظاهر انه خايف .. واعتقد انه قال انه الجوز فرخوا ثلاث وكلهم تربوا تربية اودام اثنين عطاهم ولد اخوه والثالث عندي انا ..... صار لي ساعتين من جبته البيت وصورته لكم من خمس دقايق والحين اترك لكم الصور تتكلم



والصراحه اتمنى اني المس فيه نص الي انكتب عنه
مع تحياتي للجميع













