دى اول رسالة ليا فى منتداكم الكريم .. للأسف لقلة الخبرة اشتريت جوز طيور حب وطلع واحد فيهم فيشر والتانى روز وكان واضح ان بقالهم فترة مع بعض لأنهم كبار فى العمر.. المهم بعدها بيومين جبت جوز فيشر شباب و انا من عادتى بطير العصافير فى غرفة بالمنزل ولاحظت بعد اسبوع ان الفيشر الكبير سيب الروز وبيولف مع واحدة من الفيشر الصغييرين وانا عارف ان فرق السن ده مش كويس ومتلخبط جدا ومش عارف اعمل ايه.. المشكلة التانية انى مش عارف اميز الجنس علشان اعرف اتصرف.. والمشكلة الثالثة والأخيرة ان فى عصفور من الصغيريين حاسس انه مريض لأنه اغلب الوقت نايم ونافش ريشه , لكن يباكل كويس جدا وبيلعب وبيطير عادى لما بيكون صاحى.
أرجو مكنش لخبطكم معايا .. وادى الصور علشان اسهل الموضوع:
أولا: صور الجوز الكبير



ثانيا: صور الطائر المشكوك فى مرضه:


ثالثا: صور الجوز الى بدأ يولف





يا ريت حد ينجدنى من اللخبطة دى, أنا كل الى محتاجه التالى:
- تحديد الجنس قدر الإمكان علشان انا ناوى اجيب ذكر او نتاية للروز على حسب نوعه.
- افصل مين عن مين وازاى
- أعمل ايه مع الطائر كثير النوم
أسف جدا للإطالة واتمنى تكون الصورة واضحة ومنتظر ردودكم
أحمد حسين







