كنت عايزه استفسر بخصوص فراخ البادجى ..
كل يوم الاقى الاتنين الصغيرين نازلين فى القفص واحد عنده 22 يوم والتانى 20 يوم و ساعات مثلا اكون نايمه ويفوت و قت طويل و هو فى الارضيه دا ممكن يكون غلط و هل الام والاب مش بياكلوه لما بيخرج بره ؟
البياضه برضه حالتها وحشه اوى و مش نضيفه ابدا وماقدرش انضفها لان فيها فروخ صغيره صعب اخرجها فى الوقت دا بسبب الجوطبعا اسيبها عادى ولا فى مشكله برضه ؟
و عندى الذكر الاب بيخاف بطريقه خلت الصغار يترعبوا اول ما ادخل ايدى علشان احطهم فى البياضه بيفضل هو يصرخ يقوموا يخافوا ويجروا حاولت معاه كل المحاولات خوف مش طبيعى مع ان الانثى عكسه تماما
اكبر مشكله بتواجهنى دلوقتى برضه هو انى بحط السقايه ولازم يوقعوا الميا اللى فيها و مع القشر بتعمل ريحه وحشه اوى مع ان الاكل موجود بوفره كل يوم وخضروات برضه بس كل شويه اشيل السقايه املاها وانضف مافيش حل ولا ليه بيعملوا كيدا ، مره عملوها من زمان و بعدين توقفوا ولكنهم دلوقتى مستمرين و دى حاجه متعبه لان البياضه ريحتها مش حلوه مش ناقص القفص كمان !!
البيض بتاع الفروخ لما فقس مش عارفه راح فين . هما بياكلوه ؟؟؟؟!!!!!!!!!! مع انى حاطه محار كتير
وله ماينفعش احط الفرخ فى البياضه و امه جوا ؟؟
معلش اسفه عالاطاله و لكن ياريت الرد يكون كامل الله يكرمكم و يجزيكم كل خير يارب














