انا من اسبوع بالضبط شريت لي ببغاء مكاو جرين وينج
وانا اول مرة اربي ببغاء لكن قبل ﻻ اشريه قرأت عنه ودرست كل شي يخصه لمدة 5 شهور
لكن التجربة شي والقراءة شي تاني
المهم انا عندي استفسارات مقلقتني واتمنى من الخبراء مساعدتي...
×ببغائي عمره سنة وشهرين ادري انو كبير وتعليمه اصعب من الصغير لكن وربي من ندرته مالقيت افضل منه
وبالموت جااني المهم انو اليف مايجعر ومايطلع اصوات كثير بس بالسيارة وبالحوش قليييل هل هذا يعني انو ماراح يتكلم ابدا او بصعوبة بيتكلم؟؟ وكم المدة المتوقعة عشان ينطق اول كلمة؟
×براز ببغائي غير متماسك على شكل بقعة ولونه اخضر غامق مثل لون العشب وبه ابيض خطوط وقليل سائل شفاف هل يعني انو عندو اسهال مع العلم انه نشيط وشهيته مفتوحة جدا
×الببغاء اليف لكنه احيانا يعض عض غير مؤلم ابدا وﻻ يرضى يركب على يدي بسهولة اﻻ ادا جبت المجثم عند رجله يرفعها ويرقى على يدي!! هل هدا يعني انو موب اليف او ﻻنه جديد فقط؟
×اسفل رجله بالوسط فيه زي البقعة الوردية مافيها قشور هل هدا طبيعي ام به فطريات؟
آسففففة جدااا على اﻻطالة لكني مبتدئة ومدري ايش اسوي والله شاهد اني مابقيت موضوع بالمنتدى يختص عن الببغاء ماقريته وقريت كثير بمواقع عربية واجنبية لكني الحين مشوشة وماني عارفة شسوي
الله يوفق كل من يساعدني ويرفع مقداره.
[ مرسل من Android ]






