دي صور الفرخ الرمادي اللي المفروض يوم 5 ابريل ان شاء الله يبلغ شهر!
شكله مأساه و مش عارفة اعمل معاه ايه ؟؟؟؟
كل الريش الجديد اللي بيطلع في نهايته دم و في الجناح الأيمن في الحتة المنفوخة دي و أعلي الضهر خلف الرقبة في كيسين هوا معرفتش اصورهم للأسف و زي ما انتم شايفين ريشه كله واقع
أنا اكلته مرتين و رجعته العش خوفني حاسه انه كان حيموت في ايدي ، هو بياكل بس مش اوي
الخلطة اللي بأعملها عبارة عن عدس اصفر و غلة بليلة و فلارس و بلكم و لب سوري مطحونين بوردة و المكونات اللي في الصورة
جربر خضار مشكل
جربر فاكهة مشكل
سيريلاك قمح
و فيتامين
و بأحط زبادي و بيض مسلوق و بقسماط لكن المشكلة المكونات مش بتعمل خليط متماسك !
ممكن اعمل خلطة سيريلاك و جربر و سيبيا و فيتامين بس و تبقي كافية ؟؟؟؟
و لو عاش و بدأ ياكل لوحده ابقي احط له الحبوب المطحونة يلقط فيها ؟؟؟؟
و في صورة للعلبة البلاستيك اللي جبتها لعمل حضانة ، تنفع ؟؟
ناوية بإذن الله احط فيها ورق مناديل لإمتصاص الفضلات و تنظيفها
و حألفها بقطعة قماش صوف و احط لمبة 100 وات قريبة منها كمصدر حرارة عشان معنديش سخان بتاع السمك
هل ينفع ؟؟؟
انا كل ما اسحب ال2 من العش اخاف و ارجعهم تاني
خايفة يكون اللي بأعمله مش كفاية و يضعفوا اكتر
افيدوني افادكم الله
