والله لتكيفو

[ايمن النتشة]

بسم الله الرحمن الرحيم
طيب وبعدين معكو بدنا نضل نايمين لا حد داخل على الجعية ولا نشة ولا رحلة وينكوطيب اذا مش من شان نشوفو من شان الجمعية يعني خلينا نحضر للمعرض من هلق يعني نحضر بوسترات المعرض قبل باكم من شهر حتى يعلم الجميع وكمان نحضر اقفاص موحده للعرض
ونشوف شركات راعية للمعرض والاهم ننتخب حكام لكل انواع الطيور حتى تمكنو من تجهيز ستاندرات للطيور لاني انا بدي ارض 10 انواع طبعا ما فيهم جلوستر 0( والله لنكيف )0
وكمان خلينا نشوف امراض الي السنه سببت مشاكل كبرة للمربين ولا شو رايكو
وخلينا نحددموعد يناسب الجميع وبوعدكو تكيفو

[محمد شماسنة]

بسم الله الرحمان الرحيم
فكرة المعرض حلوه كثير مع ان الشباب بدهم شوية تشجيع منك أستاذ ( ايمن ) وانا حابب ان يكون معرض خاص بلـ جمعية الفلسطينية للطيور وكما ذكر الاستاذ ايمن اتكون بوسترات للمعرض او صور للطيور
بدي اطرح فكرة ممتازه : عمل مجلة خاصة بلمعرض تتكون من عدد من المواضيع مثل :
الجمعية الفلسطينية للطيور ، التأسيس ، انواع الطيور الفلسطينية ، الانتاج العام ،
امراض الطيور ، بعض الصور ، إعلانات (صيدلية بيطرية ) محلات لبيع مستلزمات الحيوانات ، ادوية ، الطيور المهاجرة للعام.
(والله لنكيف ) ههههههههه.
محمد شماسنة .

[عبدالله الزيبادي]

يا با شا احنا بالخدامه

[عبده أبو سير]

هيهيه
والله يا ابو طلال

شكلوا الشباب

مكيفة من زمان وشبعانة

[ثائر العرابي]

انا جاهز بكل ما لدي من طاقة....


واشد على اياديكم

[حسون2009]

على بركه الله اخي ابو طلال حددو كهيئه اداريه ولي بتتفقو عليه حاضرين فيه حددو الزمان والمكان وعلى بركه الله
اخوك ابو احمد

[mr.baz]

فكرة رائعة جدا جدا وكان نفسي يكون في تواصل بين الضفة وغزة لنشارك احنا(مربيين غزة)معكم بالمعرض
لكن خيرها بيغيرها ان شاء الله

مع العلم انه قبل اسبوع طرحت الموضوع علي مربيين الزيبرا في غزة لتنظيم معرض ومسابقة للزيبرا
بعضهم تشجع وبعضهم عارض
ولسة موضوع المعرض قيد النقاش في غزة
وان شاء الله بنعمله وبيتحول لمسابقة
تحيااااااااااتي لاهلينا بالضفة الحبيبة

اخوكم : امجد الباز

[محمد شماسنة]

على بركه الله .

[ايمن النتشة]

بسم الله الرحمن الرحيم
رغم احباطي بقله المشاركة بموضوع مهم متل هاد حتي من الجميع والاعضاء والادارين بشكر الاخوة الذين شاركو
محمدشماسنة
ثائر العرابي
عبد الله حبيبي
ابو احمد
وابو رامي
وامجد الباز والله كنانتمنا ان يكون الوضع افضل ونتواصل معكم بكل شيء بس الله كريم


على كل حال انشالة ما كيفتو انتو حرين والمعرض بنلغي والجمعية بنخليها لبيع الترمس اذا مش حابين تدخلو عليهاولا شو رايكو

[ابو هشامa]

انا مقصر ومحرج