الرجاء تصنيف زوج البادجي ، وما ناتج التزاوج ، ,وما عمر الزوج

[as4raul]

بسم الله الرحمن الرحيم
اول مرة اسأل عن تصنيف الطيور عشان حابب اعرف معلومات عنها اكتر من كده
وللأسف الواحد مبقاش يثق فى المحلات الى بيتعامل معاها لكثرة الكذب

المهم ان شاء الله دول زوجين بادجى وارجوا التصنيف وما ناتج التزاوج وما عمرهم الان ومتى أضع البياضة
الزوج الأول
بسم الله ما شاء الله

ملحوظة ان الذكر اشتغل عش سابق ثم طارت الأنثى وجبت انثى جديدة له ولكن لا اعلم عمره بالظبط
الزوج الثانى
بسم الله ما شاء الله





الأستفسار الاخير كنت ذكرته فى موضوع سابق ونقلته هنا عشان اجمع استفساراتى بعد ازنكم

ثانى استفسار
انا اعرف ان اللتينو ملوش حدقة فى عينه وان عينه حمراء
ولكن انا اكتشفت ظهور حدقة حمراء ومكانتش ظاهرة الاول واعتقد ده لان كان لسه زغلول صغير
وحاليا ظهرت عندى
فما تصنيف هذا الذكر هل هو لاتينو ولا ايه بالظبط ؟؟



منتظر اجابتكم وتقيم العصافير وتحديد العمر ومتى يتم وضع العشوش بأذن الله

[as4raul]

منتظر رد الأخوه الاعضاء فى اقرب وقت من فضلكم

[as4raul]

يا اخوانى ارجوكم حد يرد عليا
انا منتظر ردكم

[رشيد بالراس علي]

اخ احمد
الزوج الاول : الذكر منقط سائد عامل مفرد
الانثي عالي ما اعتقد منقط متنحي ( هوريكال ) والرجاء رفع صور كامله لها

الزوج الثاني الذكر لاتينو
الانثي علي ما اعتقد انها فالو والله اعلم

بلنسبه لسؤلاك عن الحدقة راجع هذا الموضعان وسيسعدانك جدا

viewtopic.php?f=6&t=123677
viewtopic.php?f=6&t=123715

[as4raul]

اسف بس لسه شايف رد حضرتك حالا
والصور حالا هحط االلينكات لصور اوضح لأنثى الاول



ودى صور جديدة واضحه للزوج الثانى






منتظر رد حضرتك
وياريت لو حضرتك تقولى عمرهم حاليا قد ايه وممكن اضع العش امتى بالنسبة للزوج الاول والثانى
وهل ذكر الجوز الاول عنده فطريات تحت الكير ولا انا بيتهيألى ؟

[رشيد بالراس علي]

فعلا اخي هي انثي منقط متنحي ( هوريكال)

اما الزوج الثاني فعلا فهي انثي كريمينو
بلنسبه للعش افضل ان تركبه مع بداية الشتاء حيث ان الجو الان غير مناسب للتفريخ نظرا للحر

وبلنسبه للفطريات تحت كير الذكر تم الرد في الموضوع بتجمع امراض البادجي وبالتوفيق

[as4raul]

شكرا لحضرتك يا استاذ رشيد
طيب الزوج الثانى ده عمره يوصل ل 6 شهور ولا عمره كام تقريبا

[رشيد بالراس علي]

بلنسبه للانثي عمرها في هذه الحدود
اما الذكر اعتقد انه بحدود 9 او 10 اشهر
وبالتوفيق ان شالله

[as4raul]

معلشى يا استاذ رشيد عشان انا اتلغبط
حضرتك قصدك
ان الزوج الثانى ( اللاتينو والكريمينو )
الان الأنثى عمرها 6 شهور
والذكر عمره من 9 ل 10 شهور ؟
صح ده قصدك
طيب بالنسبة الزوج الاول (المنقط السائد والمتنحى )
عمرهم تقريبا كام
اانا بسأل عشان بسجل بيانات عن الطيور
منتظر ااجابة وتوضيح حضرتك

[رشيد بالراس علي]

تدلل اخي احمد

وبارك الله فيك اخي احمد علي اخلاقك العالية ويكفي ان تناديني رشيد فقط لاننا هنا جميعا اصدقاء واخوة فأهلا وسهلا بك

نعم انا اقصد الزوج الثاني اخي احمد

اما الزوج الاول يجب ان يكون هناك صور اقرب للعين ليكون تقدير العمر دقيقا قدر الامكان