اعمل ايه يا سيدي (الذكر كسرها ) بس شكلوا مش راجل

[sabernetwork]

السلام عليكم ورحمة الله وبركاتة عليكم جميعا
حصل التزاوج بين الذكر والانثي ...... تمام
(لا مش تمام) لان الكلام ده تقريبا انا ملاحظوا من اسبوع وممكن يكون اكتر اصلي في فترة امتحانات وممكن ماكونش خدت بالي
المهم ان كل الاعراض اللي بتظهر علي اتنين متجوزين(من العصافير طبعا) ظهرت ...
الذكر بيأكل الانثي
وهيا بتدخل العش بتعمل ايه مش عارف انما هيابتدخل وتخرج تاني
حجم البراز بتاع الانثي اكبر من العادي .. وحاجات كتير هاتشوفها هاتقول دول واخدين بعض عن حب
لكن لغاية دلوقتي ولا ظهر بيض ولا حتي راس كتكوت تفرحني
انا بقا عايز اعرف هو البيض بيقعد قد ايه علي ما يظهر ... وكماان كنت بقرا في المنتدي هنا ان (الانثي تقوم بتجهيز العش )طب هيا بتجهزوا ازاي .. يمكن اقدر اساهم معاهم


اسف علي التطوووووويل

[أحمد حلمى الشناوى]

حكاية كم من الوقت يأخذة البيض للظهور ، هذا شئ غير قياسى ، بمعنى انة يختلف من زوج لأخر ، و لكن علامات جاهزية الانثى موجودة ، و إقترب وضع البيض إن شاء الله ، و لا تقوم بتجهيز أى شئ للعش لأن أنثى البادجى لا تحتاج أى إضافات فى العش

[sabernetwork]

شكرا علي اهتمامك ياستاذ احمد ... في بس حاجة كماان
هو تقريبا مرض جه للعصافير عندي بس انا مش عارف اسموا ولا جه منين حتة عموما اللي حصل ان منقار العصافير عندي تحس كدا انو متقشر او زي ماتقول طبقات فوق بعضها انا عايز اعرف لو في ادوية ممكن اجبها مثلا

[محمود حسن]

ولو هو زي القشف كده عليك وعلي مرهم كبريت

[عمرو أحمد]

السلام عليكم ورحمت الله وبركاته
اخى العزيز / محمود
لاإضافه على كلام استاذ أحمد سوى المجثم هل هو ثابت ام مرن ( بلاستيك )
لابد ان يكون ثابت حتى تتم عملية التزاوج على خير ان شاء الله
اما أخى / صابر
حسب كلامك ده أشف ادهن مرهم كربيت وكن حزر من عين الطائر
امسك الرقيبه جيدآ
والله الموفق

[sabernetwork]

بالنسبة للمجثم فهو ثابت من الخشب وواخد القفص بالعرض (يعني مسنود من الناحيتين) اما بالنسبة لمرهم الكبريت ده اجيبوا من اي صيدلية ؟ وهايبقي اسموا ايه

شكرا علي اهتمامكم

[عمرو أحمد]

السلام عليكم ورحمت الله وبركاته
لاداعى لشكر كلنا اخوه نساعد بعضنا بعض
المرهم من اى صيدليه اسمه عادى مرهم كبريت
فى عبوه صغيره فى حدود 2.5
حازر من العين عند الدهان
والله الموافق

[sabernetwork]

شكرا يا عمرو

[أبو حذيفة]

بس ياخواني هو يعني أنا مثل حالة الأخ sabernetwork بس ولله الحمد مافيش أمراض

ولكن الأنثى بعد ماكانت تدخل القفص دائما لمدة 15 يوم بعدها خرجت كأنها زعلت على القفص وبدا شكلها هزيل وبدت نحيفة أكثر من أول


وجاء عمكم الباش مهندس وقال أنا ليه ماأسكر العش وبعد ماتنشفي الأنثى وترجع لحالتها الطبيعية نفتحه وعملتها (وأنا ديل الوقت أعطيهم فيتامينات وخل التفاح وفاتح شهية وبقدونس وفيتامين سي.... )) بس مش عارف دا اللي عملته صحيح والا مش صحيح

[sabernetwork]

الاخ ابوحذيفة ... اعتقد انك غلطاان انك قفلت العش لانك مش هاتعرف امتي هيا هاتكون عايزة تدخل العش وامتي لا .. بس انا الحالة اللي عندي هيا لسه تقريبا بتجهز العش وانا مستني ....
وعموما انا تقريبا مش فاهم ايه اللي حصل عندك بالظبط بعد مانتا اديتلوهم فيتامينات ياريت توضيح وان شاء الله نعرف نستفيد من تجاارب بعض