مشكلة عدم تخصيب البيض

[waseem89]

السلام عليكم استحملوني عالاطالة بس بدي احكيلكن القصة: عندي كنارين جبتن اتوالفو واتزاوجو باول مرة كنت شوف الذكر عم يكبس الانثى وباضت وطلع البيض غير مخصب رمينا البيض وتاني مرة بعد اسبوع رجعت حطيت العش واسمع الذكر يغرد ويكبس الانثى الصبحيات وقول ان شاء الله يمشي الحال وهديك اول مرة وبتصير مع الكل انو يكون مو مخصب وكمان تاني مرة ما مشي الحال كمان رمينا البيض ووقتا عرضت الجوز ع شخص مختص فيهن ال الذكر حالتو تعبانة ومريض ب التهاب افصلو عن الانثى وعطيه دوا التهاب فصلتو وعطيتو دوا التهاب لمدة 5 ايام حبة بالمشربية اموكسيسليين وبعدا راحة يومين وبعدا فيتامين E كمان حب بالمشربية لمدة 4 ايام وصار الذكر يغرد بقوة وانا مخليه بعيد عن الانثى وبعد هالزم قربت القفصين ع بعض وفتحتن ع بعض ام الانثى نطت ع ففص الذكر!!!! معقول لأنو فورا ورجيتن بعض وفتحت القفاص؟ وكان المفروض خلي الذكر جنبا فترة لحتى يجن عليها؟ المهم يا سادة بعد يومين رجعت باضت وطلع كمان غير مخصب لك احترق قلبي عالانثى لأنو بتتعب من البيض عالفاضي!! بس بدي اسال في شي ذكر كناري ما بيجيب ولاد متل ما بيقولو؟ يعني ما عندو نطاف وشو الحل معو؟ في شي اغذية بتخليه يصير نار ويلقح ويصير عندو نطاف؟ لأنو بدي افصلو هلأ عنها لترتاح كم المدة المطلوبة لترتاح الانثى ولحتى يصير عندو نطاف هووي وشو اعمل مع العلم انو غذائو تمام خلطة بذور على اعلى المستويات وبيض مرتين بالاسبوع ومو مشحم الطير وفيتامينات بالمشربية فيتامين C,E وتشكيلة فيتامينات يعني غذائو ممتاز والانثى كتير حنونة وحرام تتفوت انتاجا تمام وروعة ساعدوني وسامحوني عالاطالة بدي خلي الذكر نار ويلقح شو الطريقة وبيأثر شي اذا فرقتن عن بعض في ناس قالولي بيزعلو ع بعض وبيموتو ال؟ووقت ارجع دخلن ع بعض بدون جطن جنب بعض ليتوالفو؟ ولا خلص بيعرفو بعض ومافي داعي لهالقصص متل اول مرة؟ وشكرا كتير الكن اسمعتوني بس محروق قلبي بدي شوف انتاجن بقااا ما عندي غيرن

[مراد ابوطه]

السلام عليكم
اخي الكريم استفسارك يخص الكنارات وانت وضعته داخل قسم الحسون ساقوم بنقل موضوعك الى قسمه المخصص وسيفيدك الاخوه هناك ان شاء الله

[waseem89]

سامحني من كتر مو مزعوج والله ما انتبهت شكرا كتير الك انا عرضت الموضوع مرة تانية بالقسم الكنارات شكرا جزيلاااا

[سفيان الوجدي]

السلام عليكم؛
حقيقتا تأثرة لموضوعك أخي الكريم ؛ و فعلا شيئ محزن ؛ و عدم تخصيب البيض يعود لعدة أسباب فمثلا إذا كان المجثم اللذي يقع فوقه التكبيس غير ثابت بإحكام أو بسبب أظافر الذكر اللتي تحول دون تماسك الذكر و الأنثى عند التكبيس أو وجود بعض الريش الصغير في مخرج الذكر أو الأنثى = كل هذه الأسباب تحول دون وصول الحيوانات المنوية بنجاح للأنثى ليتم التلقيح ؛ و هذا موضوع لأستاذنا *أبوالجود‏*‏ إطلع عليه و سيفيدك بإذن الله؛

رؤيتي للطريقة الأمثل لتجنب الأسباب المؤدية لعدم تخصيب البيض عند الكنار ؛ بالتوفيق

[ مرسل من Mobile Device ]

[waseem89]

شكرا كتير الك والله شفت الموضوع وطبقتز كلوو منيح صرلي شايفو مليون مرة ولا وحدة موجودة عندي يعني مو مبين عندي شي بنوب بس بدي اعرف اذا الذكر عندو حيوانات منوية ولا لأ يعني معقول متل ما بيقولو بكو فاضي؟؟؟ او هيك شي واذا عزلتو اديش خليه لحتى يحمى ويجن عالاخر ويصير عندو حيونات منوية وشو الغذاء؟

[waseem89]

شكرا كتير الك والله شفت الموضوع وطبقتز كلوو منيح صرلي شايفو مليون مرة ولا وحدة موجودة عندي يعني مو مبين عندي شي بنوب بس بدي اعرف اذا الذكر عندو حيوانات منوية ولا لأ يعني معقول متل ما بيقولو بكو فاضي؟؟؟ او هيك شي واذا عزلتو اديش خليه لحتى يحمى ويجن عالاخر ويصير عندو حيونات منوية وشو الغذاء؟

[عمار الجزائري]

ان شاء الله ربي يوفقك في المرة القادمة

[kadido]

السلام عليكم , اخي الكريم في هته الحالة اظن انه عليك احضار ذكر جديد و ان شاء الله تقبله الانثى على ان تبعد عنها الذكر القديم كي لا تسمع صوته , و الراي الاخير يعود لك بالتوفيق اخي الكريم .

[waseem89]

شكرا كتير الكن بس لو سمحتو كم المدة يلي لازم يبقى فيها الذكر لحالو حتى يرجع يصير عندو نطاف ويصير جاهز بشكل كبير؟

[سفيان الوجدي]

شكرا كتير الكن بس لو سمحتو كم المدة يلي لازم يبقى فيها الذكر لحالو حتى يرجع يصير عندو نطاف ويصير جاهز بشكل كبير؟

أخي الكريم ؛ عندما يكون الذكر جاهز 100% فإنه يستطيع كبس الأنثى كل صباح ؛ مما يعني أنه يستطيع تكوين الحيوانات المنوية (نطاف‏)‏ كل 24 ساعة أو أقل ؛ لذى أظن أن سبب عدم تخصيب البيض ليس بسبب عدم وجود نطاف للذكر إلا إن كان عقيما لا سمح الله ؛ و كما قال أخي *kadido* من الأحسن تغيير الذكر ؛ بالتوفيق

[ مرسل من Mobile Device ]