السلام عليكم ورحمة الله تعالى وبركاته
هذه أول مشاركة لي في هذا المنتدى الجميل
وحبيت استفسر كم حاجه عن طيري الكاسكو، جديد توه له يومين بالبيت ومن كلام اللي باعه للوالد ان عمره 8-7 شهور ومن تصرفاته انه مربى أو مدرب من واحد او انه هولندي لأني احط يدي على القفص ولا يجعر أو يصارخ...السؤال هنا اني لاحظته يرتجف مع ان المكان مو بارد فقمت ادقق في برازه أكرمكم الله ولا فيه بياض بس اخضر ولين وما اتوقع فيه ماء فقلت ابخليه يومين او ثلاث لعله يرتجف من الخوف وبعدين اوديه للبيطري يكشف عليه لا يكون معه اسهال لا قدّر الله
السؤال الثاني هو إلى متى اخليه يتعود على بيئة البيت لين ما أقدر اطلعه من القفص بدون ما يخاف؟
السؤال الثالث: بيتنا فيه فوق 7 اشخاص يعيشون فيه، فهل يؤثر ذلك على نفسية الطير بحيث يخاف بزياده واضطر اني انتظر زياده لين ما يتعود علي؟
السؤال الرابع: وش افضل مكان للطير انه ينام؟ انا حاطه بالصاله بس الصاله 24 ساعه فيها الاهل والتلفزيون فيه ناهيكم عن الاخوة والاخوات بالبيت...الساعه 8 الليل حطيت على القفص شرشف خفيف لعله يساعده بالنوم وشلته لمجلس الرجال لأن محد فيه واغلب الوقت مظلم وهادئ بس ضاق صدري عليه اخاف نفسيتة تتعب من هالروتين
اخيرا وليس آخراً، هل عندكم اي ملاحظات على اللي سويته؟ هذا ثاني يوم هو عندي بالبيت ولساته ما تعود علينا فوش رايكم؟
واسف جداً جداً اذا سببت بأي مشكله من ناحية مكان الموضوع أو اذا السؤال قد جاوب عليه احد من قبل!
