هل هناك علاج للفاش

[ellithy]

السلام عليكم و رحمة الله أنا امتلك مجموعة من البادجي الاسترالي ولكني لاحظت وجود فاش فهل يوجد دواء علي الرغم من نظافة القفص نرجو الرد بسرعة

[Yasser]

السلام عليكم ورحمه الله وبركاته
الفاش أو السوس ايا كان فى أعتقادى الشخصى أنه يظهر اذا لم يتم الوقايه منه و الوقايه ليست بالنظافه وحدها بل بالأدويه أيضا المقاومه لها
أنا كان عندى قبل كده أصابه بسوس الريش فى بعض العصافير و اللى يعتبر من الحشرات المتطفله ذى الفاش و علاجهم واحد وهذا ما فعلت
( وضع أى بودره(مبيد للحشرات) + بودره تلج للأطفال) بالنسب الأتيه
1 بودره (مبيد حشرى )
3 بودره تلك للأطفال( خمس خمسات ) دى اللى أنا جربتها
ويدلك العصفور بها ولكن بكمايات قليله حتى لا يتسمم
ودى نفعت يعنى فى خلال 3 أو 4 أيام ماكنش فيهم حاجه و الحمد لله

فى طريقه تانيه و هى الأدويه المتخصصه و دى أنا بفضلها بس ما جربتهاش لحد دلوقتى و الأدويه دى ذى ما مكتوبه فى موقع الأخ أحمد حلمى :
الحشرات المتطفله:نقطه واحده من الأيفرمكتين IVERMECTIN على خلف العنق كل عام تحمى من الإصابه بالمرض , وفى حالة الإصابه تستخدم بودره من نوع neguvon أو سبراى من النوعيات التاليه: Pea Beau, Mortin
Bio-mal: Slayوترش بها الطيور و الأغصان و الشقوق فى خشب القفص و العش

و أنا بثق فى الأستاذ أحمد جدا وأنت قدامك حلين أهم بس أنا بنصحك بالأدويه المتخصصه و هاتلقيها فى أى صيدليه بيطريه ..
أرجو أنى أكون أفدتك.
وأرجو أنى لو فى حد يعرف حل تانى يكتبهولك علشان تقضى على الفاش وياريت تقولنا النتيجه

[أحمد حلمى الشناوى]

الحقيقة يا أخ ياسر أن الحل الأول فعال و رخيص ، فهو طبعاً سيقضى على الحشرات أكيد لأنة مبيد حشرى ، و لكنة يمثل خطورة على الطيور فأنا لا أتصور أن أضع على أجسامهم الرقيقة مبيد حشرى خاص بالحشرات الزاحفة مثل الفليت مثلاً ، حتى و لو تم خلطة ببودرة التلك
أعتقد أن الحل الثانى هو الحل الأفضل و الأنسب و توجد عبوات صغيرة الأن من هذةالأدوية ، لأننى فى السابق كنت أضطر لشراء عبوة تكفى مزرعة بأكملها

[عبده أبو سير]

السلام عليكم:
تحياتي لكم جميعا:
أخي أحمد المحترم لقد نقلت الموضوع الى منتدى امراض البادجي.

يوجد نوع من الدواء نستخدمه في فاش الكناري بكافة انواعه وهو على شكل بودرة او سبري, والمادة هي فعّالة وهي البيرميثرين او الباريثرين.
وانا متأكد انها تستعمل للبادجي لان الصور التي تكون على العلبة تكون لمجموعة من طيور الزينة منها ايضا البادجي.
بالتوفيق.

[احمدفتحى]

انا بستخدم دواء اسمه اكتومثرين
جربه كويس جدا