الحقيقة انا اتابع هذا المنتدى من مدة من لما جبت طيورى و بصراحة هو افادنى كتير و لحد دلوقتى بستفيد منه
انا حصل معايا شئ غريب فى طيورى و هو اللى خﻻنى اشترك ف المنتدى مخصوص عشان استفسر عن اللى حصل
أنا اشتريت عصفورين بادجى : أزرق و أصفر من حوالى ست شهور أو أكثر و كانوا طبعا صغار فى السن و أنا جبتهم و أنا عارفة كدا و كنت عارفة كمان ان سنهم حوالى ثلاث شهور او اقل و طبعا جبت اتنين على اساس انهم ذكر و انثى و على اساس ان اﻷزرق هو الذكر و اﻷصفر هى اﻷنثى و طبعا مكنتش اعرف افرق بينهم ساعتها لعدم معرفتى اى شئ عن طيور البادجى مسبقا و لكن الشخص اللى جبت منه طيورى قال كدا و طبعا انا بربى فيهم كل المدة دى و مستنية انهم يكبروا و طبعا اكتسبت معرفة مش قليلة عن هذا النوع من الطيور و عرفت كيف افرق بين الذكر و اﻷنثى و عند أى سن .. المهم أن العصفور اﻷزرق أول ما اشتريته كان لون الكير بتاعه أزرق فاتح نوعا ما و العصفورة الصفرا كان لون كيرها تقريبا ابيض او سكرى و فى اليوم اللى اشتريتهم فيه صورتهم صورة باين فيها كﻻمى بس المشكلة ان كير العصفور اﻷزرق كان لونه بيفتح كل ما كبر لحد حوالى اسبوعين كان لون كيره اتحول للون البيج الفاتح مع العلم ان الصفرا كمان كدا و ساعتها عرفت انهم اﻻتنين انثى و طبعا حزنت جدا لما عرفت دا و طبعا انا مكنتش مصدقة ان اﻷزرق انثى لحد ما استسلمت مع العلم ان نشاطها زايد جدا و شقية جدا جدا بدون مبالغة لدرجة انها بتعض اى حد يقرب منها حتى لو من برا القفص ( و دا فيها من يوم ما اشتريتها ) و دا كان اكتر سبب خﻻنى مصدقش انها انثى بس مع النظر الى مشاجرتها مع العصفورة اﻷخرى انا صدقت انها انثى فعﻻ و لكن اللى محيرنى لحد دلوقتى انى مقرأتش عن انثى بادجى لون كيرها فى الصغر بيكون أزرق فاتح لذا ارجو اﻹفادة و ارجو ان حد بفهمنى اذا كان دا طبيعى و ﻻ مرض
و طبعا اتأسف على اﻹطالة
[ مرسل من Android ]
