المشاكل الي تواجه المربي المبندئ.. اني واحد منهم مريت بيها

[eng.omar]

السلام عليكم ... طبعا الموضوع عن مشاكل المربي المبتدئ الي مثل حالي والمشاكل الي تواجهه من اول ميفكر يشتري كناري طبعا اني كنت اربي انواع من الطيور منها حمام الزينه والبادجي والغندور بس من كنت اجيب نوع جديد عادي ارتبله قفص واخلي زوج او اكثر بي وما اواجه صعوبه كبيره بتربيته عادي المهم بس تعتني بي ينتج عندي وشويه شويه اصير محترف بي .. المهم اني عشقي للطيور لا ينتهي لكن مع الاسف قبل حوالي 7 اشهر اضطرينه نعوف بيتنه ومنطقتنه واخر شي كدرت اسوي فتحت الاقفاص بسبب شده المعارك الي كانت بالمنطقه ومجنت اكدر انقلهم المهم طلعنه لغير منطقه فردت شي التهي بي هاي قبل شهر تقريبا طلعت للسوك بهذي المنطقه طبعا مععندي اي احد ثقه اعرفه هنا او اي عرف مجرد اريد شي اقتل بي الفراغ اليومي واربي الي كنت اعرفه عن الكناري هوه الفحل يطلع صوت والانثى لا معلومه كلش بسيطه واصلا اكتشفت بالاخير هيه غلط طبعا الغه بهاي المنطقه تختلف اني باربيل يحجون كردي بس الغالب يعرفون عربي عادي بس مو كلشي اكدر افهمهم شنو اريد .. المهم يالسوك شفت واحد مخلي كناري سئلته علسعر كان سعره مناسب مقارنه باقي السوك الكناري هم لونه حلو سئلته ذكر لو نثيه كال ذكر صغير سئلته يغرد كلي اي بس مو قوي شهر يكوم يغرد المهم صرت خبير براسه كتله اريد اسمعه يغرد صاحبه وضعه بمكان مرتفه شويه الطير بقه ساكت شويه طلع صوت بس مو تغريد صيحه بسيطه المهم اني كلت هذا بالسوك والمنطقه هوسه وهيج طلع صوته اذا اخذته بالبيت يمكن ميسكت المهم اشتريت هذا الطير رجعت للبيت نظفت القفص مالته وغسلت كل شي بي طبعا دورتله نثيه بس ملكيت كنت متخيل من الكي نثيه بس اخليها عادي يزاوجون ويبيضون وبفرخون ماكو يجهز وهاي الشغلات بقه الطير اسبوع عندي واني اسمعه نغمات من الموبايل وهوه بس يطلق صيحات وصوت ثاني بس ماكو تغريد مستمر قررت اخذ ويا نثيه حته يشوفها ويغرد رحت للسوك واخذت طير ثاني على اساس نثيه وخلته بقفص لوحده بعدهاا دخلت عنت وشفت نفسي اني وين اشتغل والتربيه شلون زين هسه اريد اميز الطير شنو ذكر لو نثيه ما اعرف لان النثيه هم طلع تطلق صيحات زين اريد اعرف اعمارهم نفس الشي لازم بيهم حجول حاولت اميزهم من خلال الجهاز التناسلي موصلت الى نتيجه ...
اعرف الموضوع صار طويل واني قريت كلش هوايه بالمواضيع المميزه ملكيت حل لمشاكلي لان اول شي الكل متفقه انه لازم اخذ طيور من واحد ثقه وهذا الشيم موجود يمي فكتبت هذا الموضوع حته الخبراء يفيدونه بحلول لمثل هاي المشاكل وخصوصا اني حاليا عندي طيرين كلشي مكدرت اعرف عنهم لا جنسهم ولا عمرهم
الطائر الاول

الطائر الثاني

اتمنى من الخبراء خصوصا الي عدهم خبره بتحديد الجنس من خلال صور او فيديو يضيفوني علفيس حته اتواصل وياهم باهم المشاكل الي تواجهني وهذي الصفحه مالتي
https://www.facebook.com/civil.devel

[أبو الجود]

أخي eng.omar حياك َ الله و كان الله معكم و فرج عنكم و بهكذا حالة أخي حين نزولك للسوق خذ معك شخص لديه خبرة بالطيور و تخير البائعين الثقات و هذا موضوع إطلع عليه و تصفح و إقرأ المناقشات و ستجد به ضالتك و سيساعدك جدا ً
رؤيتي لتربية الكناري بظروف الحرب و الأزمات - ضبط جودة
و لمزيد من التعمق بحياة الكناري يمكنك الإبحار من هذه الأقسام
المواضيع المتميزة للكناري
النقاشات المتميزة للكناري
تجمع س,ج المميزة للكناري

[ابو لونا]

أخي عمر.صراحة غالبا ما يتعرض المربي المبتدأ لهكذا امور بسبب غياب الضمير عند اغلب التجار لﻷسف.
نصيحتي لك ام ان تشتري من عند مربين ينتجون وذو ثقه.واما كما نصحك أخي ابو الجود ان تأخذ معك شخص عنده درايه في الطيور.
ﻷن العمر لا يمكن تحديده الا ان كانت الطيور محجله اوان كان البائع صادق في قوله.والجنس لا يمكن التفريق به الا عند جهوزية الطيور من خلال المناطق التناسليه او التغريد او فحص الحمض النووي.
ملاحظه أخويه عزيزي:رجاءا أكتب مواضيعك باللغه العربية الفصحى الواضحه.ﻷنني أعدت قراءة الموضوع مرتين حتى فهمت المراد.
تحياتي لك وبالتوفيق.

[ مرسل من Android ]